'ವಿಕ್ರಾಂತ್ ರೋಣ' ಟಿಕೆಟ್ ದರ ₹150 ರಿಂದ ₹10,000!

ವಿಕ್ರಾಂತ್ ರೋಣ 2D ಟಿಕೆಟ್ ದರ!

ಈ ವಾರ ಎಲ್ಲೆಲ್ಲೂ ವಿಕ್ರಾಂತ್ ರೋಣ ಅಬ್ಬರ ಜರುಗಲಿದೆ. ಈ ಚಿತ್ರದ ಬಿಟ್ಟರೆ ಮತ್ಯಾವ ಸಿನಿಮಾ ಕೂಡ ಅಷ್ಟು ದೊಡ್ಡ ಮಟ್ಟದಲ್ಲಿ ಸದ್ದು ಮಾಡುವ ಸೂಚನೆ ಇಲ್ಲ. ಹಾಗಾಗಿ ವಿಕ್ರಾಂತ್ ರೋಣ ಪ್ಯಾನ್ ಇಂಡಿಯಾ ಮಾತ್ರವಲ್ಲದೇ ವಿಶ್ವದಾದ್ಯಂತ ಘರ್ಜಿಸಲಿದೆ. ಭಾರತದಾದ್ಯಂತ 'ವಿಕ್ರಾಂತ್ ರೋಣ' 2D ಟಿಕೆಟ್ ದರ 150 ರೂಪಾಯಿ ಇಂದ ಆರಂಭವಾಗಲಿದೆ. ಇನ್ನು ಗೋಲ್ಡ್ ಕ್ಲಾಸ್ ತನಕ 750 ರೂ ವರೆಗೂ, ಆಯಾ ಕ್ಲಾಸ್‌ಗೆ ತಕ್ಕಂತೆ ದರ ಇದೆ.

ವಿಕ್ರಾಂತ್ ರೋಣ 3D ಟಿಕೆಟ್ ದರ!

ವಿಕ್ರಾಂತ್ ರೋಣ ಸಿನಿಮಾ 3d ತಂತ್ರಜ್ಙಾನದಲ್ಲೂ ಕೂಡ ತೆರೆಗೆ ಬರ್ತಿದೆ. ಹಾಗಾಗಿ 2dಗಿಂತಲೂ 3d ವರ್ಷನ್‌ಗೆ ಕೊಂಚ ಟಿಕೆಟ್ ದರದಲ್ಲಿ ವ್ಯತ್ಯಾಸವಿದೆ. 3d ಅವತರಣಿಕೆ ಟಿಕೆಟ್ ದರ 276 ರೂಪಾಯಿ ಇಂದ 950 ರೂಪಾಯಿ ತನಕ ಟಿಕೆಟ್ ದರ ನಿಗದಿಯಾಗಿದೆ. ಇದು ಕೂಡ ಕ್ಲಾಸ್ ಆಧಾರದ ಮೇಲೆ ಅವಲಂಬಿತವಾಗಿದೆ. ಈಗಾಗಲೆ ಟಿಕೆಟ್ ಬುಕ್ಕಿಂಗ್ ಓಪನ್ ಆಗಿದ್ದು, ಹಲವು ಕಡೆಗಳಲ್ಲಿ ಸೀಟ್‌ಗಳು ಫೊಲ್ ಆಗುತ್ತಿದೆ.

NFT ಟಿಕೆಟ್‌ಗೆ 10 ಸಾವಿರದಿಂದ 5 ಲಕ್ಷ!

ಇನ್ನು ವಿಕ್ರಾಂತ್ ರೋಣ ಸಿನಿಮಾದ ಮೂಲಕ ಎನ್‌ಎಫ್‌ಟಿ ಎನ್ನುವ ವಿಶೇಷ ತಂತ್ರಜ್ಙಾನದ ಪ್ರಯೋಗವಾಗಿದೆ. ಇದು ಅತ್ಯಂತ ದುಬಾರಿಯೇ. NFT ಟಿಕೆಟ್ ದರ 10 ಸಾವಿರ ರೂಯಿ ಇಂದ 5 ಲಕ್ಷದ ತನಕ ಇರಲಿದೆ ಎಂದು ಡೆಕ್ಕನ್ ಹೆರಾಲ್ಡ್ ವರದಿ ಮಾಡಿದೆ. ಈ ವರದಿಯಂತೆ ವಿಕ್ರಾಂತ್ ರೋಣ NFT ಟಿಕೆಟ್ ಪಡೆದುಕೊಂಡರೆ ಅಲ್ಲಿ ಸಿನಿಮಾ ನೋಡುವುದ ಜೊತೆಗೆ ಪಾರ್ಟಿ ಕೂಡ ಇರುತ್ತದೆ. ಹಾಗೆ ಕಿಚ್ಚ ಸುದೀಪ್ ಅವರನ್ನು ಭೇಟಿ ಮಾಡುವ ಅವಕಾಶ ಸಿಗುತ್ತದೆ.

'ವಿಕ್ರಾಂತ್ ರೋಣ' ಗಳಿಕೆ ಮೇಲೆ ನಿರೀಕ್ಷೆ!

ಕನ್ನಡದ 'ವಿಕ್ರಾಂತ್ ರೋಣ' ಸಿನಿಮಾ ಪ್ಯಾನ್ ಇಂಡಿಯಾ ಸಿನಿಮಾ. ಹಾಗಾಗಿ ಸಿನಿಮಾದ ಮೊದಲ ದಿನದ ಗಳಿಕೆಯ ಮೇಲೆ ಹೆಚ್ಚಿನ ನಿರೀಕ್ಷೆ ಇದೆ. ಭಾರತದಾದ್ಯಂತ ಹಲವು ಭಾಷೆಗಳಲ್ಲಿ ತೆರೆಗೆ ಬರ್ತಿರುವ ವಿಕ್ರಾಂತ್ ರೋಣ, ವಿದೇಶದಲ್ಲೂ ರಿಲೀಸ್ ಆಗುತ್ತಿದೆ. ಆದರೆ ವಿದೇಶಗಳಲ್ಲಿ ಇನ್ನೂ ಚಿತ್ರಮಂದಿರಗಳ ಸಂಖ್ಯೆ ಸ್ಪಷ್ಟವಾಗಿ ನಿಗದಿ ಆಗಿಲ್ಲ. ಹಾಗಾಗಿ ಭಾರತದಾದ್ಯಂತ ಮೊದಲ ದಿನದ ಗಳಿಕೆ ಎಷ್ಟಾಗಬಹುದು ಎನ್ನುವ ಲೆಕ್ಕಾಚಾರ ಮಾತ್ರವೇ ಲಭ್ಯವಾಗಿದೆ.

ಭಾರತದಲ್ಲಿ 3500ಕ್ಕೂ ಹೆಚ್ಚು ಸ್ಕ್ರೀನ್!

'ವಿಕ್ರಾಂತ್ ರೋಣ' ಸಿನಿಮಾ ಪ್ಯಾನ್ ಇಂಡಿಯಾ ಸಿನಿಮಾ ಆದ ಕಾರಣ ಈ ಸಿನಿಮಾ ಎಷ್ಟು ಚಿತ್ರಮಂದಿರಗಳಲ್ಲಿ ತೆರೆ ಕಾಣಲಿದೆ ಅನ್ನೋ ಬಗ್ಗೆ ಸಹಜ ಕುತೂಹಲ ಇದ್ದೇ ಇದೆ. ಅದು ಎಷ್ಟು ಚಿತ್ರಮಂದಿರಗಳಲ್ಲಿ ತೆರೆ ಕಾಣಲಿದೆ ಎನ್ನುವ ಬಗ್ಗೆ ಚಿತ್ರತಂಡ ಕಡೆಯಿಂದ ಫಿಲ್ಮೀ ಬೀಟ್‌ಗೆ ಅಧಿಕೃತ ಮಾಹಿತಿ ಸಿಕ್ಕಿದೆ. ಭಾರತದಾದ್ಯಂತ 'ವಿಕ್ರಾಂತ್ ರೋಣ' ಸಿನಿಮಾ ಸುಮಾರು 3500 ಸ್ಕ್ರೀನ್‌ಗಳಲ್ಲಿ ತೆರೆಗೆ ಬರಲಿದೆ.