'ರನ್ ಆಂಟನಿ' ನಂತರ 'ಅಚ್ಚರಿ'ಗೊಳಗಾದ ವಿನಯ್ ರಾಜ್ ಕುಮಾರ್

ನಟ ವಿನಯ್ ರಾಜ್ ಕುಮಾರ್ ಅಭಿನಯಿಸಲಿರುವ ಮೂರನೇ ಚಿತ್ರದ ತಯಾರಿ ಭರ್ಜರಿಯಾಗಿ ನಡೆಯುತ್ತಿದ್ದು, ಚಿತ್ರದ ಟೈಟಲ್ ಕೂಡ ಅಂತಿಮವಾಗಿದೆ. 'ರನ್ ಆಂಟನಿ' ಚಿತ್ರದ ನಂತರ ವಿನಯ್ ಅವರ ಮುಂದಿನ ಚಿತ್ರಕ್ಕೆ ನವ ನಿರ್ದೇಶಕ ಸುನೀಲ್ ತಾಳ್ಯ ಆಕ್ಷನ್ ಕಟ್ ಹೇಳುತ್ತಿದ್ದಾರೆ.

ಸುನೀಲ್ ತಾಳ್ಯ ನಿರ್ದೇಶನ ಮಾಡುತ್ತಿರುವ ಈ ಚಿತ್ರಕ್ಕೆ 'ಅಚ್ಚರಿ' ಎಂದು ಟೈಟಲ್ ಇಡಲಾಗಿದ್ದು, ಚಿತ್ರದಲ್ಲಿ ವಿನಯ್ ಮೂರು ವಿಭಿನ್ನ ಶೇಡ್ ಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರಂತೆ. ಇದಕ್ಕಾಗಿ ನಟ ವಿನಯ್ ರಾಜ್ ಕುಮಾರ್ ಕೂಡ ಮೇಕ್ ಓವರ್ ಆಗುತ್ತಿದ್ದಾರಂತೆ.

ಇನ್ನು ವಿಶೇಷ ಅಂದ್ರೆ, 'ಅಚ್ಚರಿ' ಚಿತ್ರದಲ್ಲಿ ವಿನಯ್ ರಾಜ್ ಕುಮಾರ್ ಜೊತೆ ನಾಲ್ಕು ನಟಿಯರು ಕಾಣಿಸಿಕೊಳ್ಳಲಿದ್ದಾರಂತೆ. ಸದ್ಯ, ನಾಯಕಿಯರ ಹುಡುಕಾಟದಲ್ಲಿರುವ ಚಿತ್ರತಂಡ ಆದಷ್ಟೂ ಬೇಗ ನಟಿಯರನ್ನ ಅಂತಿಮಗೊಳಿಸಲಿದ್ದಾರಂತೆ.

ಈಗಾಗಲೇ ವಿನಯ್ ಅವರ ಫೋಟೋಶೂಟ್ ಕೂಡ ಮುಗಿಸಿರುವ ಚಿತ್ರತಂಡ ಈ ತಿಂಗಳ ಅಂತ್ಯದಲ್ಲಿ ಅಥವಾ ಆಗಸ್ಟ್ ತಿಂಗಳಲ್ಲಿ ಸಿನಿಮಾ ಶುರು ಮಾಡಲಿದ್ದಾರಂತೆ.