ಕಳ್ಳತನ ಮಾಡಲು ಹೋಗಿದ್ದ ತುಳಸಿ ಪ್ರಸಾದ್ ಗೆ ಬೀಳುತ್ತಿತ್ತು ಧರ್ಮದೇಟು!

ಕಳ್ಳತನ ಮಾಡಲು ಪ್ರಯತ್ನ

ಸಾಮಾಜಿಕ ಜಾಲತಾಣಗಳಲ್ಲಿ ತನ್ನ ಕೆಟ್ಟ ಧ್ವನಿಯ ಮೂಲಕ ಫೇಮ್ ಪಡೆದಿದ್ದ ತುಳಸಿ ಪ್ರಸಾದ್ ಇದೀಗ ಕಳ್ಳತನ ಮಾಡಲು ಪ್ರಯತ್ನ ಪಟ್ಟಿದ್ದಾನೆ. ಬಿಗ್ ಬಜಾರ್ ನಲ್ಲಿ ಕಳ್ಳತನ ಮಾಡಲು ಹೋಗಿ ಜನರ ಕೈನಲ್ಲಿ ಸಿಕ್ಕಿ ಬಿದ್ದಿದ್ದಾನೆ.

ಕೆಲ ವಸ್ತುಗಳನ್ನು ಎಗರಿಸಿದ್ದ

ಬೆಂಗಳೂರಿನ ಒಂದು ಬಿಗ್ ಬಜಾರ್ ಶಾಖೆಗೆ ತುಳಸಿ ಪ್ರಸಾದ್ ಶಾಪಿಂಗ್ ಮಾಡಲು ಹೋಗಿದ್ದ. ಈ ವೇಳೆ ಎಲ್ಲರ ಗಮನ ತಪ್ಪಿಸಿ ಕೆಲವು ವಸ್ತುಗಳನ್ನು ಎಗರಿಸಿದ್ದಾನೆ. ತಾನು ತೊಟ್ಟಿದ್ದ ಜರ್ಕಿನ್ ನಲ್ಲಿ ಯಾರಿಗೂ ಕಾಣದಂತೆ ಕೆಲ ವಸ್ತುಗಳನ್ನು ಇಟ್ಟುಕೊಂಡಿದ್ದ ತುಳಸಿ ಕಳ್ಳತನದ ಪ್ರಯತ್ನ ಮಾಡಿದ್ದಾನೆ.

ಸೆಕ್ಯೂರಿಟಿ ಕೈನಲ್ಲಿ ಸಿಕ್ಕಿ ಬಿದ್ದ

ಜರ್ಕಿನ್ ನಲ್ಲಿ ಅಂಗಡಿಯ ಕೆಲ ವಸ್ತುಗಳನ್ನು ಹಾಕಿಕೊಂಡು ಬಂದ ತುಳಸಿ ಪ್ರಸಾದ್ ಸೆಕ್ಯೂರಿಟಿ ಕೈ ನಲ್ಲಿ ಸಿಕ್ಕಿ ಬಿದ್ದಿದ್ದಾನೆ. ಮೊದಲು ಕಳ್ಳತನ ಮಾಡಿಲ್ಲ ಎಂದು ನಾಟಕ ಆಡಿದ ತುಳಸಿ ಬಳಿಕ ಒಪ್ಪಿಕೊಂಡಿದ್ದಾನೆ.

ಮುಖಕ್ಕೆ ಮಂಗಳಾರತಿ ಮಾಡಿದ ಸ್ಥಳೀಯರು

ಕಳ್ಳತನ ಮಾಡಿ ಸಿಕ್ಕಿ ಬಿದ್ದ ತುಳಸಿ ಪ್ರಸಾದ್ ಗೆ ಅಲ್ಲೇ ಇದ್ದ ಸ್ಥಳೀಯರು ಮುಖಕ್ಕೆ ಮಂಗಳಾರತಿ ಮಾಡಿದ್ದಾರೆ. ಬೀಳುತ್ತಿದ್ದ ಧರ್ಮದೇಟು ಜಸ್ಟ್ ಮಿಸ್ ಆಗಿದೆ. ಯಾಕೆ ಈ ರೀತಿ ಮಾಡಿದೆ ಎಂದು ಕೇಳಿದರೆ ತಪ್ಪಾಯ್ತು ಎಂದು ಮಾಡಿದ ತಪ್ಪಿಗೆ ಕ್ಷಮೆ ಕೇಳಿದ್ದಾನೆ.