Click it and Unblock the Notifications
ವೀಣಾ ಮಲಿಕ್ ಕನ್ನಡ ಡರ್ಟಿ ಪಿಕ್ಚರ್ಗೆ ವೀಸಾ ವಿಘ್ನ
ಕೇವಲ 11 ನಗರಗಳಿಗೆ ಭೇಟಿ ನೀಡಲಷ್ಟೇ ವೀಣಾ ಮಲಿಕ್ಗೆ ಭಾರತ ಸರಕಾರ ವೀಸಾ ಪರವಾನಗಿ ನೀಡಲಾಗಿತ್ತು ಆದರೆ ಈಗ ಆಕೆಯ ವೀಸಾ ಅವಧಿ ಮುಗಿದಿದ್ದು ಕರ್ನಾಟಕಕ್ಕೆ ಭೇಟಿ ನೀಡಲು ಸಾಧ್ಯವಾಗುತ್ತಿಲ್ಲ. ಈಗ ತಮ್ಮ ವೀಸಾವನ್ನು ನವೀಕರಿಸುವ ಕೆಲಸದಲ್ಲಿ ವೀಣಾ ಬಿಜಿಯಾಗಿದ್ದಾರಂತೆ.
'ಡರ್ಟಿ ಪಿಕ್ಚರ್' ಚಿತ್ರೀಕರಣದಲ್ಲಿ ಭಾಗವಹಿಸಲು ವೀಣಾ ಮಲಿಕ್ ಮೇ 24ರಂದು ಬೆಂಗಳೂರಿಗೆ ಬರುತ್ತಿದ್ದಾರೆ. ಆಕೆಗೆ ವೀಸಾ ಪ್ರಾಬ್ಲಂ ಆದ ಕಾರಣ ಕೊಂಚ ತಡವಾಯಿತು ಅಷ್ಟೇ. ಆದರೂ ಚಿತ್ರೀಕರಣಕ್ಕೇನು ತೊಂದರೆಯಾಗುತ್ತಿಲ್ಲ ಎಂದಿದ್ದಾರೆ ಚಿತ್ರದ ನಿರ್ದೇಶಕ ತ್ರಿಶೂಲ್.
ಕನ್ನಡದ 'ಡರ್ಟಿ ಪಿಕ್ಚರ್'ಗೆ ಇನ್ನೊಂದು ವಿಘ್ನವೂ ಎದುರಾಗಿದೆ. ತಮ್ಮ ಚಿತ್ರದ ಶೀರ್ಷಿಕೆಯನ್ನು ಬಳಸಿಕೊಳ್ಳುತ್ತಿರುವ ಬಗ್ಗೆ ಬಾಲಿವುಡ್ ನಿರ್ಮಾಪಕಿ ಏಕ್ತಾ ಕಪೂರ್ ಗುಡುಗಿದ್ದರು. ಕನ್ನಡ ಚಿತ್ರದ ವಿರುದ್ಧ ಕ್ರಮಕೈಗೊಳ್ಳುವುದಾಗಿಯೂ ತಿಳಿಸಿದ್ದರು.
ಈ ಸಂಬಂಧ ಚಿತ್ರದ ನಿರ್ಮಾಪಕರು ಕನ್ನಡದ 'ಡರ್ಟಿ ಪಿಕ್ಚರ್' ಚಿತ್ರದ ಶೀರ್ಷಿಕೆಯನ್ನು ಬದಲಾಯಿಸುವ ಬಗ್ಗೆಯೂ ಚಿಂತನೆ ನಡೆಸಿದ್ದಾರೆ. ಬಾಲಿವುಡ್ನ ಡರ್ಟಿ ಪಿಕ್ಚರ್ಗೂ ತಮ್ಮ ಚಿತ್ರಕ್ಕೂ ಯಾವುದೇ ಸಂಬಂಧವಿಲ್ಲ ಎಂದೂ ಚಿತ್ರದ ನಿರ್ಮಾಪಕರು ಸ್ಪಷ್ಟಪಡಿಸಿದ್ದಾರೆ. (ಏಜೆನ್ಸೀಸ್)
Continue with Google