Don't Miss!
- News ಉಕ್ರೇನ್ ವಿರುದ್ಧ ರಷ್ಯಾ ಗಂಭೀರ ಆರೋಪ!
- Lifestyle ಯೇಸುವನ್ನು ಶಿಲುಬೆಗೆ ಹಾಕಿದ ದಿನವನ್ನು ಗುಡ್ ಪ್ರೈಡೇ ಎಂದು ಹೇಳುವುದೇಕೆ?
- Sports RR vs DC: ಅವೇಶ್ ಖಾನ್, ರಿಯಾನ್ ಪರಾಗ್ ಶೈನ್; ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ರಾಜಸ್ಥಾನ್ ರಾಯಲ್ಸ್ ವಿನ್
- Automobiles ಸಾಟಿಯಿಲ್ಲದ ಮೈಲೇಜ್: ಈ ಮಾರುತಿ ಕಾರುಗಳು ಫುಲ್ ಟ್ಯಾಂಕ್ನಲ್ಲಿ 1200 ಕಿ.ಮೀ ಚಲಿಸುತ್ತೆ
- Finance ಷೇರು ಮಾರುಕಟ್ಟೆಯಲ್ಲಿ ಬಂಪರ್ ಲಾಟರಿ: ಹೂಡಿಕೆದಾರರಿಗೆ ಲಾಭವೋ ಲಾಭ!
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಅನಂತ್ ನಾಗ್ 'ಪ್ಲಸ್' ಆ ಇನ್ನಿಬ್ಬರು ಯಾರು?
ನಿರ್ದೇಶಕ ಕಮ್ ನಿರ್ಮಾಪಕ ಯೋಗರಾಜ್ ಭಟ್ರ ಶಿಷ್ಯ ಗಡ್ಡ ವಿಜಿ ಆಕ್ಷನ್ ಕಟ್ ಹೇಳುತ್ತಿರುವ ಚಿತ್ರ '+' (ಪ್ಲಸ್ ಸಿಂಬಲ್). ಬರೀ ಸಿಂಬಲ್ ಇಟ್ಟುಕೊಂಡೇ ಗಾಂಧಿನಗರದ ತುಂಬೆಲ್ಲಾ ತಮಟೆ ಬಾರಿಸಿದ '+' ಚಿತ್ರದ ಹೀರೋ ಅನಂತ್ ನಾಗ್ ಅಂತ ನಾವೇ ನಿಮಗೆ ಹೇಳಿದ್ವಿ.
ಸೂಪರ್ ಸ್ಟೈಲಿಶ್ ಆಗಿ ಅನಂತ್ ನಾಗ್ ಕಾಣಿಸಿಕೊಂಡಿರುವ '+' ಸಿನಿಮಾದ ಫೋಟೋಗಳು ಈಗಾಗಲೇ ಜನಪ್ರಿಯವಾಗಿವೆ. ಸದ್ದಿಲ್ಲದೇ ಬಹುತೇಕ ಚಿತ್ರೀಕರಣ ಪೂರ್ಣಗೊಳಿಸಿರುವ '+' ಚಿತ್ರತಂಡದ ಕಡೆಯಿಂದ ಗೂಗ್ಲಿ ಬಾಲೊಂದು ನಿಮ್ಮ ಅಂಗಳಕ್ಕೆ ಬಿದ್ದಿದೆ. ಅದೇ ಈ ಮೇಕಿಂಗ್ ಟೀಸರ್.
ಯೋಗರಾಜ್ ಮೂವೀಸ್ ನಲ್ಲಿ ನಿರ್ಮಾಣವಾಗುತ್ತಿರುವ '+' ಸಿನಿಮಾದ ಎರಡು ಪ್ಲಸ್ ಪಾಯಿಂಟ್ಸ್ ಇರುವ ಮೇಕಿಂಗ್ ಟೀಸರ್ ಬಿಡುಗಡೆಯಾಗಿದೆ. 'Introducing' ಅನ್ನುವ ಕ್ಯಾಪ್ಷನ್ ನೊಂದಿಗೆ ರಿಲೀಸ್ ಆಗಿರುವ ಈ ಟೀಸರ್ ನಲ್ಲಿ ಇಬ್ಬರು ಯುವ ಪ್ರತಿಭೆಗಳು ಮಾಡುತ್ತಿರುವ ಕಸರತ್ತನ್ನ ಹೈಲೈಟ್ ಮಾಡಲಾಗಿದೆ. [ವಾವ್, ಅನಂತನಾಗ್ ಹೀರೋ ಅಟ್ ಅರುವತ್ತಾರು!]
ಉದ್ದ ಗೂದಲು, ಸಿಕ್ಸ್ ಪ್ಯಾಕ್ ಬಾಡಿ, ಹಗಲು-ರಾತ್ರಿ '+' ಸಿನಿಮಾಗಾಗಿ ಜಿಮ್ ನಲ್ಲಿ ವರ್ಕೌಟ್ ಮಾಡುತ್ತಿರುವ ಇಬ್ಬರು ಯುವಕರೇ '+' ಸಿನಿಮಾದ ಪ್ಲಸ್ ಪಾಯಿಂಟ್ಸ್.
ಟೀಸರ್ ನಲ್ಲಿ ಇಬ್ಬರ ಬಾಡಿಯನ್ನ ಮಾತ್ರ ನೋಡಿರುವ ನಿಮಗೆ, ಅವರಿಬ್ಬರ ಪರಿಚಯ ಏಪ್ರಿಲ್ 2 ರಂದು ಆಗುವುದು ಖಚಿತ. ಅದ್ಹೇಗೆ ಅಂದ್ರೆ, '+' ಸಿನಿಮಾ ಅಫೀಶಿಯಲ್ ಥಿಯೇಟ್ರಿಕಲ್ ಟೀಸರ್ ಇದೇ ಗುರುವಾರ ರಿಲೀಸ್ ಆಗುತ್ತಿದೆ.
ಯೋಗರಾಜ್ ಭಟ್ ನಿರ್ದೇಶನದ 'ವಾಸ್ತುಪ್ರಕಾರ' ಚಿತ್ರದ ಜೊತೆಗೆ '+' ಟ್ರೇಲರ್ ಕೂಡ ರಾಜ್ಯಾದ್ಯಂತ ಪ್ರದರ್ಶನವಾಗಲಿದೆ. ''ಯೋಗರಾಜ್ ಭಟ್ರ ಗರಡಿಯಲ್ಲಿ ಪಳಗಿದವರು ನಾವು. '+' ಸಿನಿಮಾಗೆ ಅವ್ರೇ ಪ್ರೊಡ್ಯೂಸರ್. 'ವಾಸ್ತುಪ್ರಕಾರ' ಈ ವಾರ ರಿಲೀಸ್ ಆಗುತ್ತಿದೆ. ಹೀಗಾಗಿ, ಅಂದೇ ನಮ್ಮ ಚಿತ್ರದ ಎರಡು ಲೀಡ್ ಕ್ಯಾರೆಕ್ಟರ್ಸ್ ನ ರಿವೀಲ್ ಮಾಡುತ್ತಿದ್ದೇವೆ'' ಅಂತ 'ಫಿಲ್ಮಿಬೀಟ್ ಕನ್ನಡ'ಗೆ ನಿರ್ದೇಶಕ ಗಡ್ಡ ವಿಜಿ ಹೇಳಿದ್ರು.
ದೇಹವನ್ನ ದಂಡಿಸಿರುವ ಈ ಉದಯೋನ್ಮುಖ ಪ್ರತಿಭೆಗಳು '+' ಸಿನಿಮಾದ ನಾಯಕರು ಅಂತ ಭಾವಿಸುವುದು ತಪ್ಪು. ಇವರು ಮುಖ್ಯ ಭೂಮಿಕೆಯಲ್ಲಿದ್ದಾರೆ. ಅಷ್ಟು ಬಿಟ್ಟರೆ, ಹೀರೋಗಳಲ್ಲ. [ಅಂದು ಸೊಸೆ! ಇಂದು ಅನಂತ್ ಗೆ ಸುಧಾರಾಣಿ ಜೋಡಿ]
ನಾಯಕ ಅನಂತ್ ನಾಗ್ ಅವರ ಜೊತೆ ಸುಧಾರಾಣಿ ನಾಯಕಿಯಾಗಿರುವುದು ಖಚಿತ ಮಾಹಿತಿ. ಉಳಿದಂತೆ '+' ಹಿಂದೆ ಮುಂದೆ ತಿಳಿದುಕೊಳ್ಳಬೇಕಂದ್ರೆ 'ವಾಸ್ತುಪ್ರಕಾರ' ಭವಿಷ್ಯದಲ್ಲಿ ಕಾದುನೋಡಬೇಕು. (ಫಿಲ್ಮಿಬೀಟ್ ಕನ್ನಡ)