ಯಶ್ ಆಸೆ ಈಡೇರಿತು : ಸಂತಸ ಹಂಚಿಕೊಂಡ ರಾಕಿಂಗ್ ಕುಟುಂಬ

ಅಜ್ಜಿಯಾದ ಯಶ್ ತಾಯಿ

''ತುಂಬ ಖುಷಿ ಆಗುತ್ತಿದೆ. ನನ್ನ ಮಗ ಯಶ್ ಅಪ್ಪ ಆಗಿದ್ದಾನೆ. ಮಗು ಮತ್ತು ರಾಧಿಕಾ ಇಬ್ಬರೂ ಆರೋಗ್ಯವಾಗಿ ಇದ್ದಾರೆ. ಯಶ್ ಗೆ ಆಶೀರ್ವಾದ ಮಾಡಿದ ಜನ ಅವನ ಮಗಳಿಗೂ ಆಶೀರ್ವಾದ ಮಾಡಿ ಅಂತ ಕೇಳಿಕೊಳ್ಳುತ್ತಾನೆ.'' ಎಂದು ಯಶ್ ತಾಯಿ ಪುಷ್ಪ ತಮ್ಮ ಖುಷಿ ಹಂಚಿಕೊಂಡಿದ್ದಾರೆ.

ಸೊಸೆ ಬಗ್ಗೆ ನಂದಿನಿ ಮಾತು

''ನನಗೆ ಗಂಡು ಮಗು ಆಗಿತ್ತು. ಅಣ್ಣನಿಗೆ ಹೆಣ್ಣು ಮಗು ಆಗಿದ್ದು, ಖುಷಿ ನೀಡಿದೆ. ಅಣ್ಣನಿಗೆ ಹೆಣ್ಣು ಮಗು ಅಂದರೆ ತುಂಬ ಇಷ್ಟ ಇತ್ತು. ನಮ್ಮ ತಾಯಿ ಹಾಗೂ ನನಗೂ ಹೆಣ್ಣು ಮಗು ಇಷ್ಟ ಇತ್ತು. ಅದೇ ರೀತಿ ಎಲ್ಲರ ಆಸೆಯಂತೆ ಹೆಣ್ಣು ಮಗುವೇ ಆಗಿದೆ.'' ಎಂದಿದ್ದಾರೆ ಯಶ್ ಸಹೋದರಿ ನಂದಿನಿ.

ಸಿಜೇರಿಯನ್ ಮೂಲಕ ಹೆರಿಗೆ

ರಾಧಿಕಾ ಪರೀಕ್ಷೆ ಮಾಡಿದ್ದ ಡಾಕ್ಟರ್ ಡಿಸೆಂಬರ್ 9 ಹೆರಿಗೆಗೆ ಡೇಟ್ ನೀಡಿದ್ದರು, ಆದರೆ, ಒಂದು ವಾರದ ಮುಂಚೆಯೇ ಮಗು ಜನಿಸಿದೆ. ಸಿಜೇರಿಯನ್ ಮೂಲಕ ಹೆರಿಗೆ ಮಾಡಲಾಗಿದೆ. ಮಗು 3.5 ಕೆಜಿ ತೂಕ ಇದೆಯಂತೆ. ಯಶ್ ಹಾಗೂ ರಾಧಿಕಾ ಇಬ್ಬರನ್ನು ಮಗು ಹೊಲುತ್ತಿದೆ.

ಫೋಟೋ ಹಾಗೂ ವಿಡಿಯೋ

ಯಶ್ - ರಾಧಿಕಾ ದಂಪತಿಯ ಪುಟ್ಟ ಕಂದಮ್ಮನ ವಿಡಿಯೋ ಹಾಗೂ ಫೋಟೋ ಸಾಮಾಜಿಕ ಜಾಲತಾಣಗಳಲ್ಲಿ ಅಭಿಮಾನಿಗಳು ಹಂಚಿಕೊಳ್ಳುತ್ತಿದ್ದಾರೆ. ಈ ಮೂಲಕ ಯಶ್ ಕುಟುಂಬಕ್ಕೆ ವಿಶ್ ಮಾಡುತ್ತಿದ್ದಾರೆ. ಡಿಸೆಂಬರ್ 2016 ರಲ್ಲಿ ಯಶ್ ರಾಧಿಕಾ ವಿವಾಹ ನಡೆದಿದ್ದು, ಡಿಸೆಂಬರ್ 2019ರಲ್ಲಿಯೇ ಮಗುವಾಗಿದೆ.