ವಿಡಿಯೋ: ಅದ್ಧೂರಿಯಾಗಿ ನಡೆದ 'ರಮಣ' ಸ್ಕಂದ-ಶಿಕಾ ಮೆಹಂದಿ, ಸಂಗೀತ ಸಮಾರಂಭ

ಗ್ರ್ಯಾಂಡ್ ಆಗಿ ನಡೆದ ಮೆಹಂದಿ ಸಮಾರಂಭ

ಬೆಂಗಳೂರಿನ ತಾಜ್ ವೆಸ್ಟ್ ಎಂಡ್ ಹೋಟೆಲ್ ನಲ್ಲಿ ನಿನ್ನೆ (ಮೇ 28) ಬೆಳಗ್ಗೆ ಮೆಹಂದಿ ಶಾಸ್ತ್ರ ನೆರವೇರಿದೆ. ಹಸಿರು ಬಣ್ಣದ ಲೆಹೆಂಗಾ ತೊಟ್ಟು ವಧು ಶಿಕಾ ಪ್ರಸಾದ್ ಕಂಗೊಳಿಸಿದ್ರೆ, ಕುರ್ತಾ ಧರಿಸಿ ಸ್ಕಂದ ಅಶೋಕ್ ಮಿಂಚಿದರು.

ಧಾಂ ಧೂಂ ಆಗಿ ನಡೆದ ಸಂಗೀತ ಕಾರ್ಯಕ್ರಮ

ಮೆಹಂದಿ ಶಾಸ್ತ್ರ ಮುಗಿದ ಬಳಿಕ ನಿನ್ನೆ ಸಂಜೆ ತಾಜ್ ವೆಸ್ಟ್ ಎಂಡ್ ಹೋಟೆಲ್ ನಲ್ಲಿಯೇ ಸ್ಕಂದ-ಶಿಕಾ ಸಂಗೀತ ಕಾರ್ಯಕ್ರಮ ಧಾಂ ಧೂಂ ಆಗಿ ನಡೆಯಿತು. ಸಂಗೀತ ಕಾರ್ಯಕ್ರಮದಲ್ಲಿ ವಧು-ವರ ಮಸ್ತ್ ಆಗಿ ಡ್ಯಾನ್ಸ್ ಮಾಡಿದರು.

ತಾರೆಯರ ದಂಡು

ನಿನ್ನೆ ನಡೆದ ಸಂಗೀತ ಕಾರ್ಯಕ್ರಮದಲ್ಲಿ ಶ್ವೇತ ಪ್ರಸಾದ್, ಸುಜಾತ ಸೇರಿದಂತೆ ಇಡೀ 'ರಾಧಾ ರಮಣ' ಧಾರಾವಾಹಿಯ ದಂಡೇ ಕುಣಿದು ಕುಪ್ಪಳಿಸಿತು. ಕಿರುತೆರೆ ಲೋಕದ ತಾರೆಯರು ಹಾಗೂ ಸ್ಯಾಂಡಲ್ ವುಡ್ ನಟ-ನಟಿಯರು ಕೂಡ ಸಂಗೀತ ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದರು. ಮೇ 31 ರಂದು ಅರಮನೆ ಮೈದಾನದಲ್ಲಿ ಸ್ಕಂದ-ಶಿಕಾ ವಿವಾಹ ಮಹೋತ್ಸವ ನಡೆಯಲಿದೆ.

ಸ್ಕಂದ ಅಶೋಕ್ ಕುರಿತು...

'ರಾಧಾ ರಮಣ' ಧಾರಾವಾಹಿಯಲ್ಲಿ ನಟಿಸುವ ಮುನ್ನ ಕನ್ನಡ, ತೆಲುಗು ಹಾಗೂ ಮಲಯಾಳಂ ಚಿತ್ರಗಳಲ್ಲಿ ಸ್ಕಂದ ಅಶೋಕ್ ಅಭಿನಯಿಸಿದ್ದಾರೆ. ಕನ್ನಡದ 'ಚಾರುಲತಾ' ಚಿತ್ರಕ್ಕೆ ಸ್ಕಂದ ಅವರೇ ಹೀರೋ.