'9' ಸಂಖ್ಯೆಯಲ್ಲಿ ಅಡಗಿದ್ಯಾ ಮುನಿರತ್ನ 'ಕುರುಕ್ಷೇತ್ರ'ದ ಅದೃಷ್ಟ.!

ಆಗಸ್ಟ್ 9 ಕ್ಕೆ ರಿಲೀಸ್

ನಿರ್ಮಾಪಕ ಮುನಿರತ್ನ ಅಧಿಕೃತವಾಗಿ ಹೇಳಿರುವ ಪ್ರಕಾರ ಆಗಸ್ಟ್ 9 ರಂದು ಕುರುಕ್ಷೇತ್ರ ಸಿನಿಮಾ ಕನ್ನಡ, ತೆಲುಗು, ತಮಿಳು, ಮಲಯಾಳಂ ಹಾಗೂ ಹಿಂದಿ ಭಾಷೆಯಲ್ಲಿ ಪ್ರಪಂಚದಾದ್ಯಂತ ತೆರೆಕಾಣುತ್ತಿದೆ. ಈ ದಿನಾಂಕ ಹೇಳಿದ್ಮೇಲೆಯೇ ಆ ಸಂಖ್ಯೆಯಲ್ಲಿ ಅದೃಷ್ಟ ಇರಬಹುದಾ ಎಂಬ ಚರ್ಚೆ ಆರಂಭವಾಗಿತ್ತು.

9 ಕೋಟಿಗೆ ಹಿಂದಿ ಡಬ್ಬಿಂಗ್ ಹಕ್ಕು

ಆಗಸ್ಟ್ 9ನೇ ತಾರೀಖು ಸಿನಿಮಾ ರಿಲೀಸ್ ಆಗ್ತಿದೆ. ಅದಕ್ಕೂ ಮುಂಚೆಯೇ ಕುರುಕ್ಷೇತ್ರ ಚಿತ್ರದ ಹಿಂದಿ ಡಬ್ಬಿಂಗ್ ಹಕ್ಕು 9 ಕೋಟಿಗೆ ಸೇಲ್ ಆಗಿತ್ತು. ಅಲ್ಲಿಗೆ 9 ಕೋಟಿ ಮತ್ತು 9ನೇ ತಾರೀಖು ಹೊಂದಾಣಿಕೆಯಾಗಿದೆ.

ಟಿವಿ ಹಕ್ಕು 9 ಕೋಟಿ.!

ಇನ್ನು ಕುರುಕ್ಷೇತ್ರ ಚಿತ್ರದ ಕನ್ನಡ ವರ್ಷನ್ ಟಿವಿ ಪ್ರಸಾರ ಹಕ್ಕನ್ನ ಜೀ ಕನ್ನಡ ಖರೀದಿಸಿದೆಯಂತೆ. ನಿರ್ಮಾಪಕ ಮುನಿರತ್ನ ಹೇಳಿದ ಪ್ರಕಾರ 9.5 ಕೋಟಿಗೆ ಕನ್ನಡ ಸ್ಯಾಟ್ ಲೈಟ್ ಹಕ್ಕು ಸೇಲ್ ಆಗಿದೆ. ಅಲ್ಲಿಗೆ ಇಲ್ಲಿಯೂ 9 ಸಂಖ್ಯೆಯೇ ಕುರುಕ್ಷೇತ್ರಕ್ಕೆ ಆಗಿ ಬಂದಿದೆ.

ಪ್ರಿ-ಕಲೆಕ್ಷನ್ 20 ಕೋಟಿ

ಕುರುಕ್ಷೇತ್ರ ರಿಲೀಸ್ ಆಗಲು ಎರಡು ತಿಂಗಳು ಸಮಯವಿದೆ. ಹಿಂದಿ ಡಬ್ಬಿಂಗ್ ಹಕ್ಕು ಮತ್ತು ಕನ್ನಡ ಸ್ಯಾಟ್ ಲೈಟ್ ಹಕ್ಕು ಸೇರಿ 18.5 ಕೋಟಿ ಸಿಕ್ಕಿದೆ. ಜೊತೆಗೆ ಲಹರಿ ಸಂಸ್ಥೆ ಕುರುಕ್ಷೇತ್ರದ ಕನ್ನಡ ಹಾಡುಗಳನ್ನ ಕೊಂಡುಕೊಂಡಿದ್ದು ಒಂದೂವರೆ ಕೋಟಿ ನೀಡಿದೆಯಂತೆ. ಅಲ್ಲಿಗೆ ಬಿಡುಗಡೆಗೂ ಮುಂಚೆ 20 ಕೋಟಿ ಕಲೆಕ್ಷನ್ ಮಾಡಿದಂತಾಯಿತು.

ನೂರು ಕೋಟಿ ಗಳಿಸಬಹುದು.!

ಅತಿ ದೊಡ್ಡ ಬಜೆಟ್ ನಲ್ಲಿ ಕುರುಕ್ಷೇತ್ರ ಸಿನಿಮಾ ತಯಾರಾಗಿದೆ ಎನ್ನಲಾಗಿದೆ. ಸದ್ಯಕ್ಕೆ 20 ಕೋಟಿ ಬಿಸಿನೆಸ್ ಮಾಡಿದೆ. ಇನ್ನು ಐದು ಭಾಷೆಯಲ್ಲಿ ರಿಲೀಸ್ ಆಗುತ್ತಿರುವುದರಿಂದ ಮತ್ತು ಬಾಕ್ಸ್ ಆಫೀಸ್ ಗಳಿಕೆ ಲೆಕ್ಕಾಚಾರ ನೋಡಿದ್ರು ಈ ಚಿತ್ರ 100 ಕೋಟಿ ಆಗುತ್ತೆ ಎಂದು ಅಂದಾಜಿಸಲಾಗುತ್ತಿದೆ.