'ಕೆಸಿಸಿ' ಫೈನಲ್ ಪಂದ್ಯದಲ್ಲಿ ಯಾರಿಗೆ ಯಾವ ಪ್ರಶಸ್ತಿ ಸಿಕ್ತು.?

ಮ್ಯಾನ್ ಆಫ್ ದಿ ಮ್ಯಾಚ್ ಮತ್ತು ಸೀರಿಸ್

ಫೈನಲ್ ಪಂದ್ಯದಲ್ಲಿ ಅಮೋಘ ಆಟ ಪ್ರದರ್ಶನ ನೀಡಿದ ತಿಲಕರತ್ನೆ ದಿಲ್ಶಾನ್ ಅವರಿಗೆ ಪಂದ್ಯ ಪುರುಷೋತ್ತಮ ಪ್ರಶಸ್ತಿ ಮತ್ತು ಸರಣಿಯಲ್ಲಿ ಅತ್ಯುತ್ತಮ ಆಟ ನೀಡಿದ್ದಕ್ಕಾಗಿ ಸರಣಿ ಪುರುಷೋತ್ತಮ ಪ್ರಶಸ್ತಿ ನೀಡಲಾಯಿತು. ಫೈನಲ್ ಪಂದ್ಯದಲ್ಲಿ 3 ವಿಕೆಟ್ ಪಡೆದು 68 ರನ್ ಬಾರಿಸಿದರು. ಸರಣಿಯಲ್ಲಿ ಮೂರು ಪಂದ್ಯಗಳಿಂದ 129 ರನ್ ಬಾರಿಸಿದರು.

ಬೆಸ್ಟ್ ಬ್ಯಾಟ್ಸಮನ್

ರಾಕಿಂಗ್ ಸ್ಟಾರ್ ಯಶ್ ಅವರ ರಾಷ್ಟ್ರಕೂಟ ಪ್ಯಾಂಥರ್ಸ್ ತಂಡದ ಸ್ಟಾರ್ ಬ್ಯಾಟ್ಸಮನ್ ಸ್ಟಾಲೀನ್ ಹೂವರ್ ಅವರು ಕೆಸಿಸಿ ಟೂರ್ನಿಯ ಅತ್ಯುತ್ತ ಬ್ಯಾಟ್ಸಮನ್ ಆಗಿ ಹೊರಹೊಮ್ಮಿದ್ದಾರೆ. ಜೊತೆಗೆ ಮ್ಯಾಕ್ಸಿಮಮ್ ಸಿಕ್ಸ್ ಅವಾರ್ಡ್ ಕೂಡ ಅವರೇ ಪಡೆದುಕೊಂಡಿದ್ದಾರೆ. ಇವರ ಖಾತೆಯಲ್ಲಿ ಭರ್ಜರಿ 8 ಸಿಕ್ಸ್ ಸೇರಿದೆ.

ಬೆಸ್ಟ್ ಬೌಲರ್

ಶಿವರಾಜ್ ಕುಮಾರ್ ಅವರ ವಿಜಯನಗರ ಪೆಟ್ರಿಯೋಟ್ಸ್ ತಂಡದ ಸ್ಟಾರ್ ಬೌಲರ್ ಅಭಿಷೇಕ್ ಬಿ ಅವರು ಈ ಟೂರ್ನಿಯ ಬೆಸ್ಟ್ ಬೌಲರ್ ಆಗಿ ಹೊರಹೊಮ್ಮಿದ್ದಾರೆ.

ಕೆಸಿಸಿ 2018: ಶಿವಣ್ಣ ಬಳಗ 'ಪ್ಯಾಟ್ರಿಯೋಟ್ಸ್'ಗೆ 7 ವಿಕೆಟ್ ಭರ್ಜರಿ ಜಯ

ಕ್ಯಾಪ್ಟನ್ ಆಫ್ ದಿ ಸೀಸನ್

ಒಟ್ಟು ಆರು ತಂಡಗಳು ಈ ಟೂರ್ನಿಯಲ್ಲಿ ಭಾಗವಹಿಸಿದ್ದವು. ಶಿವರಾಜ್ ಕುಮಾರ್, ಸುದೀಪ್, ಯಶ್, ಗಣೇಶ್, ಪುನೀತ್ ರಾಜ್ ಕುಮಾರ್, ಉಪೇಂದ್ರ ತಂಡದ ಸ್ಟಾರ್ ನಾಯಕರಾಗಿದ್ದರು. 'ಕ್ಯಾಪ್ಟನ್ ಆಫ್ ದಿ ಸೀಸನ್' ಪ್ರಶಸ್ತಿಯನ್ನ ನಟ ಶಿವರಾಜ್ ಕುಮಾರ್ ಗೆ ನೀಡಲಾಗಿದೆ.

ಮ್ಯಾಕ್ಸಿಮಮ್ ವಿಕೆಟ್

ಕನ್ನಡದ ಸ್ಟಾರ್ ನಿರ್ದೇಶಕ ಪ್ರೀತಂ ಗುಬ್ಬಿ ಕೆಸಿಸಿ ಎರಡನೇ ಆವೃತ್ತಿಯಲ್ಲಿ ಅತಿ ಹೆಚ್ಚು ವಿಕೆಟ್ ಕಬಳಿಸಿದ್ದಾರೆ. ಆಡಿದ ಮೂರು ಮ್ಯಾಚ್ ಗಳಿಂದ ಪ್ರೀತಂ ಗುಬ್ಬಿ 5 ವಿಕೆಟ್ ಪಡೆದುಕೊಂಡಿದ್ದಾರೆ. ಹೀಗಾಗಿ, ಇವರಿಗೆ ಮ್ಯಾಕ್ಸಿಮಮ್ ವಿಕೆಟ್ ಪ್ರಶಸ್ತಿ ನೀಡಲಾಯಿತು.

ಜಗತ್ ಕಿಲಾಡಿ ಆಫ್ ದಿ ಡೇ

ಮೊದಲ ದಿನ 'ಜಗತ್ ಕಿಲಾಡಿ ಆಫ್ ದಿ ಡೇ' ಪ್ರಶಸ್ತಿ ಪಡೆದುಕೊಂಡಿದ್ದ ಗಣೇಶ್ ಎರಡನೆ ದಿನವೂ 'ಜಗತ್ ಕಿಲಾಡಿ ಆಫ್ ದಿ ಡೇ' ಎನಿಸಿಕೊಂಡರು. ನಂತರ ಈ ಪ್ರಶಸ್ತಿಯನ್ನ 'ಸಿಎಂ ಗೌತಮ್' ಅವರಿಗೆ ಕೊಟ್ಟರು.