ಕೆಜಿಎಫ್ 2 ಟೀಸರ್ ಸಕ್ಸಸ್ ಹಿಂದಿದೆ ಮಾಸ್ಟರ್ ಪ್ಲಾನ್, ಆ ಕಾರಣದಿಂದಲೇ ಈ ದಾಖಲೆ ಆಗಿದ್ದು!

ಐದು ಭಾಷೆಯಲ್ಲಿ ಟೀಸರ್ ಬಂದಿತ್ತು

ಈ ಹಿಂದೆ ಕೆಜಿಎಫ್ ಚಾಪ್ಟರ್ 1 ಬಂದಂತಹ ಸಂದರ್ಭದಲ್ಲಿ ಐದು ಭಾಷೆಯಲ್ಲಿ ಪ್ರತ್ಯೇಕವಾಗಿ ಟೀಸರ್ ಹಾಗೂ ಟ್ರೈಲರ್ ಲಾಂಚ್ ಆಗಿತ್ತು. ಕನ್ನಡ, ತೆಲುಗು ಹಾಗೂ ಹಿಂದಿಯಲ್ಲಿ ಟೀಸರ್ ಹೆಚ್ಚು ವೀಕ್ಷಣೆ ಕಂಡಿತ್ತು. ಮಲಯಾಳಂ ಹಾಗೂ ತಮಿಳಿನಲ್ಲಿ ಸಾಧಾರಣ ಯಶಸ್ಸು ಕಂಡಿತ್ತು. ಆದರೆ, ಐದು ಭಾಷೆಯ ಟೀಸರ್ ವೀಕ್ಷಣೆ ಒಟ್ಟುಗೂಡಿಸಿದರೆ ಸಂಖ್ಯೆ ದೊಡ್ಡಾಗಿತ್ತು.

ಯೂನಿವರ್ಸಲ್ ಟೀಸರ್ ಪ್ಲಾನ್!

ಐದು ಪ್ರತ್ಯೇಕ ಟೀಸರ್ ಬಿಡುಗಡೆ ವೀಕ್ಷಣೆ ಹಂಚಿಕೆ ಆಗಿತ್ತು. ಆದ್ರೀಗ, ಚಾಪ್ಟರ್ 2ರ ಟೀಸರ್ ವಿಚಾರದಲ್ಲಿ ಚಿತ್ರತಂಡ ಸ್ವಲ್ಪ ತಲೆ ಉಪಯೋಗಿಸಿದೆ. ಐದು ಪ್ರತ್ಯೇಕ ಟೀಸರ್ ರಿಲೀಸ್ ಮಾಡುವ ಬದಲು ಯೂನಿವರ್ಸಲ್ ಆಗಿ ಒಂದೇ ಟೀಸರ್ ಬಿಡುಗಡೆ ಮಾಡೋಣ ಎಂಬ ನಿರ್ಧಾರಕ್ಕೆ ಬಂದಿದೆ. ಅದರ ಪರಿಣಾಮ ಈಗ ಟೀಸರ್ ಅಷ್ಟೇ ಯಶಸ್ಸು ಸಾಧಿಸಿದೆ.

ಇಂಗ್ಲಿಷ್ ಮಾತ್ರ ಬಳಕೆ

ಹೊಂಬಾಳೆ ಫಿಲಂಸ್ ಯ್ಯೂಟ್ಯೂಬ್ ವಾಹಿನಿಯಲ್ಲಿ ತೆರೆಕಂಡ ಚಾಪ್ಟರ್ 2 ಟೀಸರ್ ಯೂನಿವರ್ಸಲ್ ಎನಿಸಿಕೊಂಡಿದೆ. ಏಕಂದ್ರೆ, ಎಲ್ಲ ಭಾಷಿಗರು ನೋಡುವಂತಹ ಟೀಸರ್ ಇದಾಗಿದೆ. ಯೂನಿವರ್ಸಲ್ ಭಾಷೆಯಾಗಿ ಇಂಗ್ಲಿಷ್ ಬಳಸಿರುವುದು ಸಹ ಇದೇ ಕಾರಣಕ್ಕೆ. ಒಂದೇ ಟೀಸರ್ ಎಲ್ಲ ಭಾಷಿಗರು ನೋಡುವುದರಿಂದ ಸಹಜವಾಗಿ ಯ್ಯೂಟ್ಯೂಬ್ ವೀಕ್ಷಣೆ ಸಹ ನಿರೀಕ್ಷೆಗೂ ಮೀರಿ ಹೆಚ್ಚಾಗಿದೆ.

12 ಗಂಟೆಯಲ್ಲಿ 25 ಮಿಲಿಯನ್ ವೀಕ್ಷಣೆ

ಜನವರಿ 7ರ ರಾತ್ರಿ 9.29ಕ್ಕೆ ಹೊಂಬಾಳೆ ಫಿಲಂಸ್ ಯ್ಯೂಟ್ಯೂಬ್ ವಾಹಿನಿಯಲ್ಲಿ ತೆರೆಕಂಡಿದ್ದ ಟೀಸರ್ ಆರಂಭದ 49 ನಿಮಿಷದಲ್ಲಿ 5 ಮಿಲಿಯನ್ ವೀಕ್ಷಣ ಕಂಡಿತ್ತು. ಬಳಿಕ 12 ಗಂಟೆಯಲ್ಲಿ 25 ಮಿಲಿಯನ್ ವೀಕ್ಷಣೆ ಕಂಡಿದೆ. ಒಟ್ಟಾರೆ ವೀಕ್ಷಣೆ 40 ಮಿಲಿಯನ್‌ಗೂ ಅಧಿಕವಾಗಿದೆ.

ಕನ್ನಡ ಭಾಷೆ ಬಳಸಿಲ್ಲ ಎಂಬ ಬೇಸರವೂ ಇದೆ

ಕೆಜಿಎಫ್ ಚಾಪ್ಟರ್ 2 ಮೂಲತಃ ಕನ್ನಡ ಸಿನಿಮಾ. ಕನ್ನಡ ಭಾಷೆಯಲ್ಲಿ ಟೀಸರ್ ಬರುತ್ತೆ ಎಂದು ನಿರೀಕ್ಷೆ ಮಾಡಿಕೊಂಡಿದ್ದವರಿಗೆ ನಿರಾಸೆ ಎದುರಾಗಿದೆ. ಟೀಸರ್‌ನಲ್ಲಿ ಕನ್ನಡ ಭಾಷೆ ಬಳಸಿಲ್ಲ. ಯೂನಿವರ್ಸಲ್ ಭಾಷೆಯಾಗಿ ಇಂಗ್ಲಿಷ್ ಮಾತ್ರ ಬಳಕೆಯಾಗಿದೆ.