ದರ್ಶನ್, ಸುದೀಪ್ ಹುಟ್ಟುಹಬ್ಬಕ್ಕೆ ಯಾಕೆ ಟ್ವಿಟರ್ ಮೂಲಕ ವಿಶ್ ಮಾಡಲ್ಲ? ಯಶ್ ಕೊಟ್ರು ಉತ್ತರ

ಶುಭ ಕೋರುವುದರಿಂದ ದೂರ ಉಳಿಯುತ್ತೇನೆ

"ನಾನು ಯಾರಿಗೂ ಸಹ ಸಾಮಾಜಿಕ ಜಾಲತಾಣದ ಖಾತೆಯ ಮೂಲಕ ಹುಟ್ಟುಹಬ್ಬದ ಶುಭಾಶಯ ಕೋರಲು ಇಚ್ಛಿಸುವುದಿಲ್ಲ. ಏಕೆಂದರೆ ಒಬ್ಬ ಸ್ನೇಹಿತನಿಗೆ ವಿಶ್ ಮಾಡಿ ಮತ್ತೊಬ್ಬ ಸ್ನೇಹಿತನಿಗೆ ವಿಶ್ ಮಾಡುವುದನ್ನು ಮರೆತು ಹೋದರೆ ಆತ ಅನ್ಯಥಾ ಭಾವಿಸಬಹುದು. ಹೀಗಾಗಿಯೇ ನಾನು ಯಾರಿಗೂ ಸಹ ಸಾಮಾಜಿಕ ಜಾಲತಾಣದ ಮೂಲಕ ವಿಶ್ ಮಾಡುವುದಿಲ್ಲ, ಅದರಿಂದ ತುಸು ದೂರ ಉಳಿಯುತ್ತೇನೆ" ಎಂದು ಯಶ್ ಹೇಳಿಕೆ ನೀಡಿದರು.

ಕರೆ ಮಾಡಿ ವಿಶ್ ಮಾಡುತ್ತೇನೆ

ಹೀಗೆ ಸಾಮಾಜಿಕ ಜಾಲತಾಣದ ಮೂಲಕ ಯಾರಿಗೂ ಸಹ ಶುಭ ಕೋರುವುದಿಲ್ಲ ಎಂದ ಯಶ್ "ಅಂತಹ ವ್ಯಕ್ತಿಯನ್ನು ಭೇಟಿಯಾದಾಗ ಅಥವಾ ಹುಟ್ಟು ಹಬ್ಬವಿದ್ದರೆ ಕರೆ ಮಾಡುವ ಮೂಲಕ ಸ್ವತಃ ನಾನೇ ವಿಶ್ ಮಾಡುತ್ತೇನೆ. ಸಾಮಾಜಿಕ ಜಾಲತಾಣದಲ್ಲಿ ನನ್ನ ವೈಯಕ್ತಿಕ ಜೀವನ ಹಾಗೂ ನನ್ನ ಚಿತ್ರಗಳ ಬಗ್ಗೆ ಮಾತ್ರ ಆಗಾಗ ಪೋಸ್ಟ್ ಮಾಡುತ್ತಿರುತ್ತೇನೆ ಅಷ್ಟೇ" ಎಂದು ತಿಳಿಸಿದರು.

ಯಶ್ ಯಾರಿಗೂ ವಿಷ್ ಮಾಡುವುದಿಲ್ಲ ಎಂಬ ಗಂಭೀರ ಆರೋಪ ಇತ್ತು, ಟ್ರೋಲ್ ಕೂಡ ಇತ್ತು

ಇನ್ನು ಯಶ್ ಇಂಡಿಯಾ ಎನ್ ಕ್ಲೇವ್ ವೇದಿಕೆಯಲ್ಲಿ ಮಾತನಾಡಿದ ಈ ವಿಷಯದ ಕುರಿತಾಗಿ ಈ ಹಿಂದೆ ಯಶ್ ವಿರುದ್ಧ ಸಾಕಷ್ಟು ಟ್ರೋಲ್ ನಡೆದಿತ್ತು. ಯಶ್ ಯಾರಿಗೂ ಸಾಮಾಜಿಕ ಜಾಲತಾಣದಲ್ಲಿ ಹುಟ್ಟುಹಬ್ಬದ ಶುಭಾಶಯ ಕೋರುವುದಿಲ್ಲ, ಓರ್ವ ದೊಡ್ಡ ನಟನಾಗಿ ಇನ್ನೊಬ್ಬ ನಟನ ಕುರಿತು ಪೋಸ್ಟ್ ಮಾಡುವುದಿಲ್ಲ, ಅದರಲ್ಲಿಯೂ ದರ್ಶನ್ ಹಾಗೂ ಸುದೀಪ್ ಹುಟ್ಟುಹಬ್ಬದಂದು ಯಶ್ ಟ್ವೀಟ್ ಮಾಡುವುದಿಲ್ಲ ಎಂಬ ಗಂಭೀರ ಆರೋಪವಿತ್ತು. ಸದ್ಯ ಯಶ್ ಅವರು ಸ್ನೇಹಿತರಿಗೆ ಹುಟ್ಟುಹಬ್ಬದ ಶುಭಾಶಯ ಕೋರಬೇಕೆಂದರೆ ಕರೆ ಮಾಡುತ್ತೇನೆ ಹೊರತು ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡುವುದಿಲ್ಲ ಎಂದು ಹೇಳಿಕೆ ನೀಡುವುದರ ಮೂಲಕ ಈ ಎಲ್ಲಾ ಟೀಕೆಗಳಿಗೂ ಉತ್ತರ ನೀಡಿದ್ದಾರೆ.