'ಯಾರೇ ಕೂಗಾಡಲಿ' ರಿಲೀಸ್ ಡೇಟ್ ಅನೌನ್ಸ್

ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಅಭಿನಯದ 'ಯಾರೇ ಕೂಗಾಡಲಿ' ಚಿತ್ರ ರೀಮೇಕ್ ಆದರೂ ಚಿತ್ರೋದ್ಯಮದಲ್ಲಿ ಭಾರಿ ಕುತೂಹಲ ಮೂಡಿಸಿದೆ. ಡಿಸೆಂಬರ್ 20ರ ಗುರುವಾರದಂದೇ ಚಿತ್ರವನ್ನು ಬಿಡುಗಡೆ ಮಾಡುತ್ತಿರುವುದಾಗಿ ರಾಘವೇಂದ್ರ ರಾಜ್ ಕುಮಾರ್ ಘೋಷಿಸಿದ್ದಾರೆ.

'ಯಾರೇ ಕೂಗಾಡಲಿ' ಚಿತ್ರ ಹಲವಾರು ಕಾರಣಗಳಿಗೆ ವಿಶೇಷವಾಗಿದೆ. ಮೊದಲನೆಯದಾಗಿ 'ಮಠ' ಗುರು ಪ್ರಸಾದ್ ಅವರ ಸಂಭಾಷಣೆ. ಎರಡನೆಯ ವಿಶೇಷ ಎಂದರೆ ಸಮುದ್ರ ಖಣಿ ಮೊದಲ ಬಾರಿಗೆ ಕನ್ನಡದಲ್ಲಿ ಆಕ್ಷನ್ ಕಟ್ ಹೇಳಿರುವ ಚಿತ್ರ ಎಂಬುದು.

ಯಾರೇ ಕೂಗಾಡಲಿ ಗ್ಯಾಲರಿ

ಪೂರ್ಣಿಮಾ ಎಂಟರ್ ಪ್ರೈಸಸ್ ಲಾಂಛನದಲ್ಲಿ ಪಾರ್ವತಮ್ಮ ರಾಜ್ ಕುಮಾರ್ ಅವರು ನಿರ್ಮಿಸಿರುವ ಚಿತ್ರ. ಈ ಚಿತ್ರದಲ್ಲಿ ಜ್ಞಾನಪೀಠ ಪುರಸ್ಕೃತ ಸಾಹಿತಿ ಗಿರೀಶ್ ಕಾರ್ನಾಡ್ ಅವರು ಈ ಚಿತ್ರದಲ್ಲಿ ವಿಶೇಷ ಪಾತ್ರವನ್ನು ಪೋಷಿಸಿದ್ದಾರೆ.

ಪಾತ್ರವರ್ಗದಲ್ಲಿ ಸಾಧು ಕೋಕಿಲಾ, ಶೋಭರಾಜ್, ಸಿಂಧು, ನಾಗೇಂದ್ರ, ಆಶಾರಾಣಿ, ವರ್ಷಕೃಷ್ಣ, ಚಂದ್ರು, ಅಚ್ಚುತ ಕುಮಾರ್, ಲಕ್ಷ್ಮಿ ಹೆಗಡೆ, ವಿಜಯ ಕೌಂಡಿನ್ಯ, ಡ್ಯಾನಿ ಕುಟ್ಟಪ್ಪ, ಅಖಿಲಾ, ನಿರೋಶ, ಬೇಬಿ ಭೂಮಿ, ಅಕ್ಷಯ್, ಹರೀಶ್, ಶ್ರೀನಿವಾಸ್, ರಂಜಿತಾ, ಧೀರಜ್ ಸೂರ್ಯ, ಲಕ್ಷ್ಮೀಪತಿ, ಶೂಟಿಂಗ್ ಕೃಷ್ಣ, ರಾಧಾಕೃಷ್ಣ, ತುಮಕೂರು ಮೋಹನ್ ಮುಂತಾದವರ ಬಳಗವೇ ಇದೆ. (ಏಜೆನ್ಸೀಸ್)