ಕನ್ನಡ ಚಿತ್ರರಂಗದಲ್ಲಿ ಹೊಸ ಇತಿಹಾಸ ಬರೆದ ದರ್ಶನ್ 'ಯಜಮಾನ'

20 ಮಿಲಿಯನ್ ದಾಟಿದ ಟ್ರೈಲರ್ ವೀಕ್ಷಕರ ಸಂಖ್ಯೆ

ಫೆಬ್ರವರಿ 9 ರಂದು ಯೂಟ್ಯೂಬ್ ನಲ್ಲಿ ಅಪ್ ಲೌಡ್ ಆಗಿದ್ದ ಯಜಮಾನ ಟ್ರೈಲರ್ ಈಗ 20 ಮಿಲಿಯನ್ ವೀಕ್ಷಕರ ಸಂಖ್ಯೆಯ ಗಡಿದಾಟಿದೆ. ಇದು ಕನ್ನಡ ಚಿತ್ರರಂಗದ ಇತಿಹಾಸದಲ್ಲೇ ಮೊದಲು. ಕನ್ನಡ ಸಿನಿಮಾದ ಟ್ರೈಲರ್ 20 ಮಿಲಿಯನ್ ಕ್ರಾಸ್ ಮಾಡಿದ್ದು ಇದೇ ಮೊದಲು.

ಕೆಜಿಎಫ್ ಹಿಂದಿಕ್ಕಿದ ಯಜಮಾನ

ಹಾಗ್ನೋಡಿದ್ರೆ ಯಶ್ ಅಭಿನಯದ ಕೆಜಿಎಫ್ ಸಿನಿಮಾದ ಟ್ರೈಲರ್ ಈ ಮೊದಲ ಅತಿ ಹೆಚ್ಚು ವೀಕ್ಷಣೆ ಕಂಡ ಟ್ರೈಲರ್ ಎನಿಸಿಕೊಂಡಿತ್ತು. ಯಜಮಾನ ಟ್ರೈಲರ್ ರಿಲೀಸ್ ಆದ ಬಳಿಕ ಕೆಜಿಎಫ್ ದಾಖಲೆಯನ್ನ ಹಿಂದಿಕ್ಕಿ ಮೊದಲ ಸ್ಥಾನವನ್ನ ಅಲಂಕರಿಸಿಕೊಂಡಿತ್ತು. ಇದೀಗ, ಆ ಸ್ಥಾನವನ್ನ ಯಾರಿಗೂ ಬಿಟ್ಟುಕೊಡದೆ ಮುಂದಕ್ಕೆ ಸಾಗುತ್ತಿದೆ.

ಕೆಜಿಎಫ್ ಟ್ರೈಲರ್ ವೀಕ್ಷಣೆ ಎಷ್ಟಿದೆ?

ಅತಿ ಹೆಚ್ಚು ವೀಕ್ಷಣೆ ಕಂಡ ಕನ್ನಡದ ಟ್ರೈಲರ್ ಗಳ ಪಟ್ಟಿಯಲ್ಲಿ ಎರಡನೇ ಸ್ಥಾನದಲ್ಲಿರುವ ಕೆಜಿಎಫ್ ಸದ್ಯಕ್ಕೆ 19.60 ಮಿಲಿಯನ್ ಆಗಿದೆ. ಸೋ, ಯಜಮಾನ ಮತ್ತು ಕೆಜಿಎಫ್ ಮಧ್ಯೆ ದೊಡ್ಡ ಅಂತರವಿದ್ದು, ಇನ್ನಷ್ಟು ದಿನಗಳ ಕಾಲ ಈ ಅಂಕಿಅಂಶಗಳ ರೇಸ್ ನಲ್ಲಿ ಯಜಮಾನ ಮುಂದೆಯೇ ಇರಲಿದೆ.

ಕೆಜಿಎಫ್ 2 ಮೇಲೆ ನಿರೀಕ್ಷೆ ಹೆಚ್ಚಿದೆ

ಸದ್ಯದ ಮಟ್ಟಿಗೆ ಯಜಮಾನ ಹಾಗೂ ಕೆಜಿಎಫ್ ಟ್ರೈಲರ್ ಗಳನ್ನ ಹಿಂದಿಕ್ಕುವುದು ಕಷ್ಟಸಾಧ್ಯ. ಆದರೆ, ಯಶ್ ಅಭಿನಯದ ಕೆಜಿಎಫ್ 2 ಸಿನಿಮಾದ ಟ್ರೈಲರ್ ಮೇಲೆ ನಿರೀಕ್ಷೆ ಇದೆ. ಹಾಗಾಗಿ, ಪಾರ್ಟ್ 2 ಟ್ರೈಲರ್ ಬಂದಾಗ ಈ ನಂಬರ್ ಕ್ರಾಸ್ ಆಗಬಹುದು ಎಂಬ ಲೆಕ್ಕಾಚಾರ ಮಾಡಬಹುದು. ಬಟ್, ಅಲ್ಲಿಯವರೆಗೂ ಯಜಮಾನ ಮತ್ತು ಕೆಜಿಎಫ್ ಕಿಂಗ್ ಆಫ್ ಯೂಟ್ಯೂಬ್ ಅಷ್ಟೆ.