ಅಭಿಮಾನಿಗಳ ಮುಂದೆ ಪುಟಾಣಿ ಯಶ್: ಮೊದಲ ಬಾರಿ ಫೋಟೊ ಬಹಿರಂಗ

ಆರು ತಿಂಗಳು ತುಂಬಿದೆ

"ನೀವೆಲ್ಲರು ಕಾತರದಿಂದ ಕಾಯುತ್ತಿದ್ದ ಸಮಯ ಬಂದಿದೆ. ಪುತ್ರನಿಗೆ 6 ತಿಂಗಳು ತುಂಬಿದೆ. ನಿಮ್ಮೆಲ್ಲರಿಗೂ ಶುಭಾಶಯ ಹೇಳಲು ಸಿದ್ಧನಾಗಿದ್ದಾನೆ. ನೀವು ರೆಡಿನಾ" ಎಂದು ರಾಧಿಕಾ ಪಂಡಿತ್ ಸಾಮಾಜಿಕ ಜಾಲತಾಣದಲ್ಲಿ ಬುಧವಾರ ಪೋಸ್ಟ್ ಮಾಡಿದ್ದರು. ಇದು ಅಭಿಮಾನಿಗಳ ಕುತೂಹಲ ಹೆಚ್ಚಿಸಿತ್ತು.

ನನ್ನ ಪುಟಾಣಿ ಗೆಳೆಯ

ನನ್ನ ಜೀವದ ಪುಟಾಣಿ ಗೆಳೆಯನಿಗೆ ಹಾಯ್ ಹೇಳಿ. ನಿಮ್ಮ ಎಲ್ಲ ಪ್ರೀತಿ ಮತ್ತು ಹಾರೈಕೆ ಅವನಿಗೆ ನೀಡಿ. ನಿಮ್ಮ ಪ್ರೀತಿ... ಆಶೀರ್ವಾದ... ಹಾರೈಕೆ... ಸದಾ ಈ ನನ್ನ ಪುಟ್ಟ ಕಂದನ ಮೇಲಿರಲಿ ಎಂದು ಯಶ್ ಹೇಳಿದ್ದಾರೆ.

ನಮ್ಮನೆ ಕಾಮನಬಿಲ್ಲು

'ನನ್ನ ಕಣ್ಣಿನ ಸೇಬನ್ನ, ನಮ್ಮ ಕುಟುಂಬದ ಕಾಮನಬಿಲ್ಲನ್ನು ಹಾಗೂ ಅಮ್ಮನ ಮಗನನ್ನು ಪರಿಚಯಿಸುತ್ತಿದ್ದೇನೆ. ನಿಮ್ಮೆಲ್ಲರ ಪ್ರೀತಿ ಹಾರೈಕೆ ಅವನ ಮೇಲಿರಲಿ' ಎಂದು ರಾಧಿಕಾ ತಿಳಿಸಿದ್ದಾರೆ.

ಮೆಚ್ಚಿಕೊಂಡ ಅಖಿಲ್ ಅಕ್ಕಿನೇನಿ

ಲಿಟ್ಲ್ ಮ್ಯಾನ್‌ಗೆ ಶುಭವಾಗಲಿ! ನಿನ್ನ ತಂದೆಯಂತೆಯೇ ಆ ಸ್ಥಾನವನ್ನು ತುಂಬಿಕೊಳ್ಳುವುದು ಬಹಳ ಕಠಿಣ. ಆದರೆ ನಿಜಕ್ಕೂ ನೀನು ಬೆಂಕಿಯಂತಾಗುತ್ತೀಯ ಎಂದು ನನಗೆ ಖಾತರಿಯಿದೆ ಎಂದು ತೆಲುಗು ನಟ ಅಖಿಲ್ ಅಕ್ಕಿನೇನಿ ಪ್ರತಿಕ್ರಿಯಿಸಿದ್ದಾರೆ.

ಜೂನಿಯರ್ ಯಶ್‌ಗೆ ಶುಭ ಹಾರೈಕೆ

ಯಶ್ ಹಾಕಿರುವ ಪೋಸ್ಟ್‌ಗೆ ಎರಡು ಲಕ್ಷಕ್ಕೂ ಅಧಿಕ ಲೈಕ್ಸ್ ಬಿದ್ದಿವೆ. ಮಗುವಿನ ನಗು ಬಹಳ ಸೊಗಸಾಗಿದೆ. ಜೂನಿಯರ್ ಯಶ್ ನಿಮ್ಮಂತೆಯೇ ಬೆಳೆಯಲಿ. ಸಿನಿಮಾರಂಗದಲ್ಲಿ ಹೆಸರು ಮಾಡಲಿ ಎಂದು ಅನೇಕರು ಹಾರೈಸಿದ್ದಾರೆ.

ಮತ್ತೊಂದು ಫೋಟೊ ಬಹಿರಂಗ

ಯಶ್ ಅವರ ಅಭಿಮಾನಿಗಳ ಖಾತೆಯೊಂದು ರಾಕಿಂಗ್ ಸ್ಟಾರ್ ಹಾಗೂ ರಾಧಿಕಾ ಪಂಡಿತ್ ಅವರು ಕುಟುಂಬದ ಸುಂದರವಾದ ಫೋಟೊವನ್ನು ಹಂಚಿಕೊಂಡಿದೆ. ಯಶ್-ರಾಧಿಕಾ ದಂಪತಿ ತಮ್ಮ ಇಬ್ಬರೂ ಮಕ್ಕಳನ್ನು ಒಟ್ಟಿಗೆ ಕ್ಯಾಮೆರಾಕ್ಕೆ ತೋರಿಸಿರುವ ಫೋಟೊ ಇದು.