ನಟ ಯಶ್ - ರಾಧಿಕಾ ಪಂಡಿತ್ ಲವ್ ಸಕ್ಸಸ್: ನಿಶ್ಚಿತಾರ್ಥ ಫಿಕ್ಸ್.!

ಗೃಹಸ್ಥಾಶ್ರಮಕ್ಕೆ ಕಾಲಿಡಲು ಯಶ್ ಸಜ್ಜು.!

ಈ ಸುದ್ದಿ ಕೇಳಿ ಅದೆಷ್ಟು ಹುಡುಗಿಯರಿಗೆ ಹಾರ್ಟ್ ಬ್ರೇಕ್ ಆಗುತ್ತೋ, ಗೊತ್ತಿಲ್ಲ. ಆದ್ರೆ, ಸ್ಯಾಂಡಲ್ ವುಡ್ ನ ದಿ ಮೋಸ್ಟ್ ಎಲಿಜಿಬಲ್ ಬ್ಯಾಚುಲರ್ ಯಶ್ ಮಾತ್ರ ಗೃಹಸ್ಥಾಶ್ರಮಕ್ಕೆ ಕಾಲಿಡಲು ಸಜ್ಜಾಗಿದ್ದಾರೆ. [ಗೋವಾದಲ್ಲಿ ಯಶ್-ರಾಧಿಕಾ ಪಂಡಿತ್ ಮಾಡಿದ್ದೇನು?]

ದಾಂಪತ್ಯ ಜೀವನಕ್ಕೆ ಅಡಿಯಿಡಲಿದ್ದಾರೆ ರಾಧಿಕಾ ಪಂಡಿತ್

ತಮ್ಮ ಪ್ರೀತಿಯ ಇನಿಯ 'ಯಶು' ಜೊತೆ ದಾಂಪತ್ಯ ಜೀವನಕ್ಕೆ ಕಾಲಿಡಲು ರಾಧಿಕಾ ಪಂಡಿತ್ ಮನಸ್ಸು ಮಾಡಿದ್ದಾರೆ. [ನನ್ನ ಪತಿ ಹೀಗಿರಬೇಕೆಂದು ರಾಧಿಕಾ ಹೇಳಿದ್ದು ಯಾರಿಗೆ?]

ವರಮಹಾಲಕ್ಷ್ಮಿ ಹಬ್ಬದಂದು ನಿಶ್ಚಿತಾರ್ಥ

ನಾಳೆ (ಆಗಸ್ಟ್ 12) ಶುಕ್ರವಾರ ವರಮಹಾಲಕ್ಷ್ಮಿ ಹಬ್ಬದ ಶುಭ ಸಂದರ್ಭದಲ್ಲಿ ಯಶ್ ಹಾಗೂ ರಾಧಿಕಾ ಪಂಡಿತ್ ನಿಶ್ಚಿತಾರ್ಥ ನಡೆಯಲಿದೆ.

ನಿಶ್ಚಿತಾರ್ಥ ಎಲ್ಲಿ.?

ಗೋವಾದಲ್ಲಿ ಯಶ್ ಹಾಗೂ ರಾಧಿಕಾ ಪಂಡಿತ್ ನಿಶ್ಚಿತಾರ್ಥ ಶುಕ್ರವಾರ ನಡೆಯಲಿದೆ. [ಗೋವಾ ಬೀಚ್ ನಲ್ಲಿ ಯಶ್-ರಾಧಿಕಾ ಮೋಜು-ಮಸ್ತಿ]

ಗೋವಾ ಯಾಕೆ.?

ನಟಿ ರಾಧಿಕಾ ಪಂಡಿತ್ ತಾಯಿ ಮಂಗಳಾ ಮೂಲತಃ ಗೋವಾದವರು. ಹೀಗಾಗಿ ಗೋವಾದಲ್ಲಿ ಇರುವ ರಾಧಿಕಾ ಪಂಡಿತ್ ರವರ ಅಜ್ಜಿ ಮನೆಯಲ್ಲಿ ನಿಶ್ಚಿತಾರ್ಥ ನಡೆಯಲಿದೆ.

ಆತ್ಮೀಯರಿಗೆ ಮಾತ್ರ ಆಹ್ವಾನ

ಯಶ್ ಹಾಗೂ ರಾಧಿಕಾ ಪಂಡಿತ್ ನಿಶ್ಚಿತಾರ್ಥ ಸಮಾರಂಭಕ್ಕೆ ಕುಟುಂಬದವರು ಹಾಗೂ ಆತ್ಮೀಯರಿಗೆ ಮಾತ್ರ ಆಹ್ವಾನ ಇದೆ. [ರಾಧಿಕಾ ಪಂಡಿತ್ ಜೊತೆಗಿನ ಲವ್ವಿ-ಡವ್ವಿ ಬಗ್ಗೆ ಯಶ್ ಹೇಳಿದ್ದೇನು?]

ಗೋವಾಗೆ ಹಾರಿದ್ದಾರೆ ರಾಧಿಕಾ ಪಂಡಿತ್

ನಿನ್ನೆ (ಬುಧವಾರ) ಬೆಳ್ಳಗೆ ಕುಟುಂಬ ಸಮೇತ ರಾಧಿಕಾ ಪಂಡಿತ್ ಗೋವಾಗೆ ತೆರಳಿದ್ದಾರೆ.

ಇಂದು ಸಂಜೆ ಗೋವಾಗೆ ತೆರಳಲಿರುವ ಯಶ್

ಇಂದು ಸಂಜೆ ಬಂಧು-ಬಳಗದ ಜೊತೆಗೂಡಿ ನಟ ಯಶ್ ಗೋವಾಗೆ ಪಯಣ ಬೆಳೆಸಲಿದ್ದಾರೆ.

ಮದುವೆ ಯಾವಾಗ.?

ಮೂಲಗಳ ಪ್ರಕಾರ, ಈ ವರ್ಷಾಂತ್ಯ (ಡಿಸೆಂಬರ್) ಯಶ್ ಹಾಗೂ ರಾಧಿಕಾ ಪಂಡಿತ್ ವಿವಾಹ ಮಹೋತ್ಸವ ನಡೆಯಲಿದೆ.

ಐದು ವರ್ಷಗಳ ಪ್ರೇಮ

ಸತತ ಐದು ವರ್ಷಗಳಿಂದ ನಟ ಯಶ್ ಹಾಗೂ ರಾಧಿಕಾ ಪಂಡಿತ್ 'ಲವ್ವರ್ಸ್'. ಇದೀಗ ಅವರ ಪವಿತ್ರ ಪ್ರೀತಿಗೆ ಅಧಿಕೃತ ಮುದ್ರೆ ಬೀಳಲಿದೆ.