ವಿಡಿಯೊ: ಸಮುದ್ರದ ಮಧ್ಯೆ ಯಶ್-ರಾಧಿಕಾ ಮಗನ ಅದ್ಧೂರಿ ಹುಟ್ಟುಹಬ್ಬ

ಅಪ್ಪ-ಅಮ್ಮನಿಗೆ ಕೇಕ್ ತಿನ್ನಿಸಿದ ಯಥರ್ವ

ಇನ್ನೂ ಒಂದು ವರ್ಷದ ಪುತ್ರ ಯಥರ್ವ ಅಪ್ಪ-ಅಮ್ಮನಿಗೆ ಕೇಕ್ ತಿನ್ನಿಸಿ ಅವನೂ ಖುಷಿ ಪಟ್ಟ ಸಂತಸದ ಕ್ಷಣಗಳು ವಿಡಿಯೋದಲ್ಲಿ ಸೆರೆಯಾಗಿವೆ. ವಿಡಿಯೋವನ್ನು ಫೋಕಸ್ ಫೊಟೊಗ್ರಫಿ ಸರ್ವಿಸ್ ಅವರು ಮಾಡಿದ್ದಾರೆ.

ಮಕ್ಕಳೊಂದಿಗೆ ಸಖತ್ ಎಂಜಾಯ್ ಮಾಡಿರುವ ದಂಪತಿ

ದಿನಪೂರ್ತಿ ಸಮುದ್ರದ ಮಧ್ಯೆ ಕಳೆದ ಯಶ್ ಕುಟುಂಬ ಮಕ್ಕಳೊಂದಿಗೆ, ಪೋಷಕರೊಂದಿಗೆ, ಗೆಳೆಯರೊಂದಿಗೆ ಮಗನ ಹುಟ್ಟುಹಬ್ಬವನ್ನು ಸಖತ್ ಎಂಜಾಯ್ ಮಾಡಿದ್ದಾರೆ. ರಾಧಿಕಾ ಹಂಚಿಕೊಂಡಿರುವ ವಿಡಿಯೋವನ್ನು ಕೆಲವೇ ಗಂಟೆಗಳಲ್ಲಿ ಸಾವಿರಾರು ಮಂದಿ ಲೈಕ್ ಮಾಡಿದ್ದಾರೆ.

ಭಾವುಕ ಪೋಸ್ಟ್ ಹಂಚಿಕೊಂಡಿರುವ ರಾಧಿಕಾ ಪಂಡಿತ್

ವಿಡಿಯೋವನ್ನು ಇನ್‌ಸ್ಟಾಗ್ರಾಂ ನಲ್ಲಿ ಹಂಚಿಕೊಂಡಿರುವ ರಾಧಿಕಾ ಪಂಡಿತ್, 'ಕೇಕ್‌ನ ರುಚಿ ನಿನಗೆ ಗೊತ್ತಾಗದೇ ಇರಬಹುದು, ಈ ದಿನದ ವಿಶೇಷತೆಯೂ ನಿನಗೆ ತಿಳಿಯದೇ ಇರಬಹುದು, ಆದರೆ ಪೋಷಕರಾಗಿ ನಮಗೆ ಇದು ನಮ್ಮ ಜೀವನ ಪರ್ಯಂತ ಉಳಿಯುವ ದಿನ' ಎಂದು ಭಾವುಕ ಸಾಲು ಬರೆದಿದ್ದಾರೆ.

Recommended Video

ಇವನ ಬೆನ್ನು ತಟ್ಟಿ ಆಶೀರ್ವಾದ ಮಾಡಿ | NodidavaruEnantare | Umapathy Srinivas | Filmibeat Kannada

ಅಕ್ಟೋಬರ್ 30 ರಂದು ಹುಟ್ಟುಹಬ್ಬ

ಯಶ್ ಅವರು ಕೆಜಿಎಫ್ 2 ಸಿನಿಮಾದ ಚಿತ್ರೀಕರಣದಲ್ಲಿ ತೊಡಗಿಸಿಕೊಂಡಿದ್ದಾರೆ. ಆದರೆ ಮುದ್ದಿನ ಮಗ ಹಾಗೂ ಕುಟುಂಬಕ್ಕಾಗಿ ಬಿಡುವು ಪಡೆದು ಹುಟ್ಟುಹಬ್ಬದ ಆಚರಣೆ ಮಾಡಿದ್ದಾರೆ. ಯಶ್ ಮಗನ ಹುಟ್ಟುಹಬ್ಬ ಅಕ್ಟೋಬರ್ 30 ರಂದು ಆಚರಿಸಲಾಗಿದೆ.