ವಿಡಿಯೋ: ಅಪ್ಪನಿಗೆ ಹೀಗಾ ಮಾಡೋದು ಯಶ್ ಪುತ್ರಿ ಐರಾ

ಅಪ್ಪನಿಗೆ ಐಸ್‌ಕ್ರೀಂ ತಿನ್ನಿಸದ ಐರಾ

ಯಶ್ ಮಗಳು ಐರಾ ಐಸ್‌ಕ್ರೀಂ ತಿನ್ನುತ್ತಿದ್ದಾಳೆ. ಯಶ್, ಪದೇ-ಪದೇ ಐಸ್‌ಕ್ರೀಂ ತಮಗೂ ಕೊಡುವಂತೆ ಕೇಳುತ್ತಾಳೆ. ಐರಾ ಸಹ ಸ್ಪೂನ್‌ನಲ್ಲಿ ಐಸ್‌ ಕ್ರೀಂ ಕೊಡುವಂತೆ ಮಾಡಿ ಮತ್ತೆ ತಾನೇ ತಿನ್ನುತ್ತಾಳೆ. ಈ ದೃಶ್ಯವನ್ನು ಅಮ್ಮ ರಾಧಿಕಾ ಮೊಬೈಲ್‌ನಲ್ಲಿ ಸೆರೆಹಿಡಿದಿದ್ದಾರೆ.

ರಾಧಿಕಾರನ್ನು ಫೂಲ್ ಮಾಡಿದ ಐರಾ

ಯಶ್‌ ಗೆ ಮಾತ್ರವಲ್ಲ ಅಮ್ಮ ರಾಧಿಕಾ ಗೂ ಹೀಗೆ ಮಾಡಿದ್ದಾಳೆ ಐರಾ. ಅಮ್ಮನಿಗೆ ಐಸ್‌ಕ್ರೀಂ ತಿನ್ನಿಸಲು ಬರುವ ಐರಾ ಮತ್ತೆ ತಾನೇ ತಿಂದು ಅಮ್ಮನನ್ನೂ ಫೂಲ್ ಮಾಡುತ್ತಾಳೆ. ಮಗಳ ಈ ಆಟ ನೋಡಿ ನಕ್ಕಿದ್ದಾರೆ ಯಶ್-ರಾಧಿಕಾ ದಂಪತಿ.

ಅಪ್ಪನಿಂದಲೇ ಕಲಿತ 'ವಿದ್ಯೆ'

ಆದರೆ ಮಗಳು ಈ 'ವಿದ್ಯೆ' ಕಲಿತಿದ್ದು ಅಪ್ಪನಿಂದಲೇ ಅಂತೆ. ತಾನೂ ಸಹ ಆಕೆಗೆ ಹೀಗೆ ಮಾಡುತ್ತೇನೆ, ಅದನ್ನೇ ಐರಾ ಈಗ ನನ್ನ ಮೇಲೆ ಪ್ರಯೋಗಿಸಿದ್ದಾಳೆ ಎಂದಿದ್ದಾರೆ ನಟ ಯಶ್. ಯಶ್ ಸಹ ಮಗಳಿಗೆ ಹೀಗೆಯೇ ಮಾಡುತ್ತಾರಂತೆ.

ಹೈದರಾಬಾದ್‌ ನಲ್ಲಿ ಚಿತ್ರೀಕರಣ

ಸಿನಿಮಾ ವಿಷಯಕ್ಕೆ ಬರುವುದಾದರೆ, ಲಾಕ್‌ಡೌನ್ ಬಳಿಕ ಕೆಜಿಎಫ್ 2 ಸಿನಿಮಾದ ಚಿತ್ರೀಕರಣ ಆರಂಭವಾಗಿದೆ. ಮಂಗಳೂರಿನಲ್ಲಿ ಭರದಿಂದ ಚಿತ್ರೀಕರಣ ಮುಗಿಸಿದ ಬಳಿಕ ಈಗ ಹೈದರಾಬಾದ್‌ನಲ್ಲಿ ಚಿತ್ರೀಕರಣ ಸಾಗುತ್ತಿದೆ.