10 ವರ್ಷದ ಬಾಲಿವುಡ್ ನಲ್ಲಿ ವಿಶೇಷ ಸ್ಥಾನ ಪಡೆದ 'ಕೆಜಿಎಫ್' ಮತ್ತು 'ಬಾಹುಬಲಿ'

ಓರ್ಮ್ಯಾಕ್ಸ್ ಮೀಡಿಯಾ ರೇಟಿಂಗ್

ಓರ್ಮ್ಯಾಕ್ಸ್ ಮೀಡಿಯಾ ಎಂಬ ಸಂಸ್ಥೆ ಪ್ರಕಟ ಮಾಡಿರುವ ಪ್ರಕಾರ, ಹತ್ತು ವರ್ಷದಲ್ಲಿ ಅತಿ ಹೆಚ್ಚು ಲೈಕ್ಸ್ ಹೊಂದಿರುವ ಚಿತ್ರಗಳ ಪೈಕಿ ಸೌತ್ ಇಂಡಿಯಾದ ಮೂರು ಚಿತ್ರಗಳು ಸ್ಥಾನ ಪಡೆದಿರುವುದು ನಿಜಕ್ಕೂ ಶ್ಲಾಘನೀಯ. ಇದರಲ್ಲಿ ಕನ್ನಡದ ಕೆಜಿಎಫ್ ಮತ್ತು ಬಾಹುಬಲಿ ಎರಡು ಭಾಗಗಳು ಸೇರಿವೆ.

ಬಾಹುಬಲಿ ಎರಡೂ ಸಿನಿಮಾ ಇದೆ

2009 ರಿಂದ 2019ರವರೆಗೂ ಪ್ರೇಕ್ಷಕರು ಮೆಚ್ಚಿಕೊಂಡಿರುವ ಚಿತ್ರಗಳ ಪೈಕಿ ಟಾಪ್ 10 ಸಿನಿಮಾಗಳನ್ನ ಪಟ್ಟಿ ಮಾಡಲಾಗಿದೆ. ಮೊದಲ ಸ್ಥಾನದಲ್ಲಿ ತ್ರಿ ಇಡಿಯೆಟ್ಸ್ ಇದ್ರೆ ಎರಡನೇ ಸ್ಥಾನ ಹಾಗೂ ಮೂರನೇ ಸ್ಥಾನದಲ್ಲಿ ಬಾಹುಬಲಿ-2 (85 ಅಂಕ) ಮತ್ತು ಬಾಹುಬಲಿ-1 (83 ಅಂಕ) ಸಿನಿಮಾಗಳಿವೆ. ಬಾಲಿವುಡ್ ನೆಲದಲ್ಲಿ ಸೌತ್ ಇಂಡಿಯಾ ಸಿನಿಮಾಗಳು ಕಮಾಲ್ ಮಾಡಿರುವುದು ನಿಜಕ್ಕೂ ವಿಶೇಷ.

ಏಳನೇ ಸ್ಥಾನದಲ್ಲಿ ಕೆಜಿಎಫ್

ಇನ್ನು ಕಳೆದ ಡಿಸೆಂಬರ್ ತಿಂಗಳಲ್ಲಿ ರಿಲೀಸ್ ಆಗಿದ್ದ ಕೆಜಿಎಫ್ ಸಿನಿಮಾ ಕೂಡ ಟಾಪ್ ಹತ್ತರಲ್ಲಿ ಕಾಣಿಸಿಕೊಂಡಿರುವುದು ಬಹುದೊಡ್ಡ ಗೆಲುವು. ಕ್ವೀನ್, ಭಜರಂಗಿ ಭಾಯಿಜಾನ್ ಅಂತಹ ಸಿನಿಮಾಗಳನ್ನ ಹಿಂದಿಕ್ಕಿ ಕೆಜಿಎಫ್ (79 ಅಂಕ) ಏಳನೇ ಸ್ಥಾನ ಪಡೆದಿದೆ.

43 ಸಿನಿಮಾಗಳು 70ಕ್ಕೂ ಹೆಚ್ಚು ಅಂಕ ಪಡೆದಿದೆ

ಅಂದ್ಹಾಗೆ, ಸುಮಾರು 43ಕ್ಕೂ ಅಧಿಕ ಚಿತ್ರಗಳು 70 ಅಂಕ ಪಡೆದಿವೆ. ಆದ್ರೆ, ಟಾಪ್ ಹತ್ತರಲ್ಲಿ ಸ್ಥಾನ ಪಡೆಯಲು ಆಗಲಿಲ್ಲ. ಇನ್ನುಳಿದಂತೆ ಸಂಜು, ಕ್ವೀನ್, ಭಜರಂಗಿ ಭಾಯಿಜಾನ್, ದಂಗಲ್, ಭಾಗ್ ಮಿಲ್ಕೆ ಭಾಗ್, ಬರ್ಫಿ ಚಿತ್ರಗಳು ಟಾಪ್ ಹತ್ತರಲ್ಲಿದೆ.