For Quick Alerts
ALLOW NOTIFICATIONS  
For Daily Alerts

ಬಾಕ್ಸಾಫೀಸಲ್ಲಿ 'ರಾಮಾಚಾರಿ' ಕೆಣಕುವ ಗಂಡು ಯಾರೂ ಇಲ್ಲ!

By Harshitha
|

''ನಾನ್ ಬರೋವರೆಗೂ ಬೇರೆಯವರ ಹವಾ...ನಾನ್ ಬಂದ್ಮೇಲೆ ನಂದೇ ಹವಾ'' ಅಂತ ಬಿಗ್ ಸ್ಕ್ರೀನ್ ಗೆ ಎಂಟ್ರಿಕೊಡ್ತಿದ್ದ ಹಾಗೆ ರಾಕಿಂಗ್ ಸ್ಟಾರ್ ಯಶ್ ಖಡಕ್ ಆಗಿ ಹೇಳಿ ವಿಲನ್ ಗಳನ್ನ ಹಿಗ್ಗಾಮುಗ್ಗಾ ಜಾಡಿಸುತ್ತಾರೆ.

'ಮಿಸ್ಟರ್ ಅಂಡ್ ಮಿಸಸ್ ರಾಮಾಚಾರಿ' ಚಿತ್ರದ ಈ ಸನ್ನಿವೇಶ ಬರೀ ತೆರೆ ಮೇಲೆ ಮಾತ್ರ ಸೀಮಿತವಾಗಿಲ್ಲ. ಬಾಕ್ಸಾಫೀಸ್ ಕಲೆಕ್ಷನ್ ವಿಷಯದಲ್ಲೂ ಯಶ್ ಹವಾ ಎಂಥದ್ದು ಅಂತ 'ಅಣ್ತಮ್ಮ' ಸಾಬೀತು ಪಡಿಸಿದ್ದಾರೆ.

ರಿಲೀಸ್ ಆದ ಮೊದಲ ದಿನವೇ ಕೋಟಿಗಟ್ಟಲೆ ಕಲೆಕ್ಷನ್ ಮಾಡಿದ 'ಮಿಸ್ಟರ್ ಅಂಡ್ ಮಿಸಸ್ ರಾಮಾಚಾರಿ' ಚಿತ್ರ ಇದೀಗ 50 ಕೋಟಿ ಗಳಿಕೆಯತ್ತ ದಾಪುಗಾಲು ಹಾಕುತ್ತಿದೆ. ಮೊನ್ನೆಯಷ್ಟೇ ರಾಜ್ಯಾದ್ಯಂತ 98ಕ್ಕೂ ಹೆಚ್ಚು ಚಿತ್ರಮಂದಿರಗಳಲ್ಲಿ, 20ಕ್ಕೂ ಹೆಚ್ಚು ಮಲ್ಟಿಪ್ಲೆಕ್ಸ್ ಗಳಲ್ಲಿ 'ಮಿಸ್ಟರ್ ಅಂಡ್ ಮಿಸಸ್ ರಾಮಾಚಾರಿ' ಹಾಫ್ ಸೆಂಚುರಿ ಬಾರಿಸಿದೆ. [ಬಾಕ್ಸ್ ಆಫೀಸ್ ನಲ್ಲಿ 'ರಾಮಾಚಾರಿ' ತಕಧಿಮಿತ]

ಎಲ್ಲಾ ಥಿಯೇಟರ್ ಗಳಲ್ಲೂ ರಾಮಾಚಾರಿ ಅಬ್ಬರ ಇನ್ನೂ ಜೋರಾಗಿದೆ. ಕರ್ನಾಟಕ ರಾಜ್ಯದಲ್ಲಿ ಮಾತ್ರವಲ್ಲದೆ, ದೂರದ ಕ್ಯಾಲಿಫೋರ್ನಿಯಾ, ಜರ್ಮನಿ, ಸಿಂಗಾಪುರ್, ಮಲೇಶಿಯಾ ಸೇರಿದಂತೆ ವಿದೇಶಗಳಲ್ಲೂ ರಾಮಾಚಾರಿ ಆರ್ಭಟಿಸುತ್ತಿದ್ದಾನೆ. [ಸಪ್ತ ಸಾಗರದಾಚೆಗೆ ಹಾರಿದ 'ರಾಮಾಚಾರಿ']

ಎಲ್ಲಾ ಕಡೆ ಉತ್ತಮ ಗಳಿಕೆ ಮಾಡುತ್ತಿರುವ 'ಮಿಸ್ಟರ್ ಅಂಡ್ ಮಿಸಸ್ ರಾಮಾಚಾರಿ' ಸದ್ಯದಲ್ಲೇ 50 ಕೋಟಿ ಕ್ಲಬ್ ಗೆ ಸೇರುವ ಮೂಲಕ ಸ್ಯಾಂಡಲ್ ವುಡ್ ನಲ್ಲಿ ಹೊಸ ಇತಿಹಾಸ ಸೃಷ್ಟಿಸುವುದಕ್ಕೆ ಸಜ್ಜಾಗಿದೆ.

ಕನ್ನಡ ಚಿತ್ರರಂಗದ ಮಾರುಕಟ್ಟೆ ತುಂಬಾ ಕಮ್ಮಿ. ಒಂದು ಚಿತ್ರ ಮೂರು ವಾರ ಓಡಿ, 10 ಕೋಟಿ ಲಾಭ ಬಂದರೆ ಹೆಚ್ಚು ಅನ್ನುವ ಕಾಲದಲ್ಲಿ 'ಮಿಸ್ಟರ್ ಅಂಡ್ ಮಿಸಸ್ ರಾಮಾಚಾರಿ' ಚಿತ್ರ 50 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿದೆ ಅಂದ್ರೆ ಸ್ಯಾಂಡಲ್ ವುಡ್ ನಿಜಕ್ಕೂ ಹೆಮ್ಮೆ ಪಡಬೇಕಾಗಿರುವ ವಿಚಾರ. [ಯಶ್ 'ರಾಮಾಚಾರಿ' ಮುಂದೆ ಕೇಕೆ ಹಾಕಲಿಲ್ಲ ಆಮೀರ್ 'ಪಿಕೆ']

ಆಂಗ್ರಿ ಯಂಗ್ ಮ್ಯಾನ್ ಯಶ್ ಜೊತೆ ಮುದ್ದು ಹುಡುಗಿ ರಾಧಿಕಾ ಪಂಡಿತ್ ಜೋಡಿ, ವಿ.ಹರಿಕೃಷ್ಣ ಸಂಗೀತ, ಯುವ ಪ್ರತಿಭೆ ಸಂತೋಷ್ ಅನಂದರಾಮ್ ಚೊಚ್ಚಲ ಪರಿಶ್ರಮ 'ಮಿಸ್ಟರ್ ಅಂಡ್ ಮಿಸಸ್ ರಾಮಾಚಾರಿ' ಯಶಸ್ಸಿನ ಹಿಂದಿನ ಕಾರಣ. ['ಯಶ್' ಮುಂದೆ ಮಂಡಿಯೂರುತ್ತಿವೆ ಪರಭಾಷಾ ಚಿತ್ರಗಳು]

50 ದಿನಕ್ಕೆ 50 ಕೋಟಿ ಬಾಚಿರುವ 'ಮಿಸ್ಟರ್ ಅಂಡ್ ಮಿಸಸ್ ರಾಮಾಚಾರಿ' 100 ದಿನಗಳನ್ನ ತಲುಪುವ ವೇಳೆಗೆ ಬಾಲಿವುಡ್ ರೇಂಜಿಗೆ 100 ಕೋಟಿ ಕ್ಲಬ್ ಓಪನ್ ಮಾಡಿದರೂ ಅಚ್ಚರಿ ಇಲ್ಲ. ಎಷ್ಟೇ ಆಗಲಿ, ರೋಷದ 'ರಾಮಾಚಾರಿ'ಯನ್ನ ಕೆಣಕುವ ಗಂಡು ಯಾರಿದ್ದಾರೆ ಹೇಳಿ?! (ಏಜೆನ್ಸೀಸ್)

English summary
Rocking Star Yash starrer MR and MRS Ramachari has created New Record in Sandalwood Box Office by Collecting Rupees 50 Crores in 50 days.

Kannada Photos

Go to : More Photos
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more