2016ರ ಅತ್ಯುತ್ತಮ ಕನ್ನಡದ ನವ ನಟಿ ಯಾರು?

ಶ್ರದ್ಧಾ ಶ್ರೀನಾಥ್

'ಲೂಸಿಯಾ' ಖ್ಯಾತಿಯ ಪವನ್ ಕುಮಾರ್ ನಿರ್ದೇಶನ ಮಾಡಿದ್ದ 'ಯುಟರ್ನ್' ಈ ವರ್ಷದ ಯಶಸ್ವಿ ಚಿತ್ರ. ಈ ಚಿತ್ರದ ಮೂಲಕ ಕನ್ನಡ ಬೆಳ್ಳಿತೆರೆಗೆ ಪರಿಚಯವಾದ ನಟಿ ಶ್ರದ್ಧಾ ಶ್ರೀನಾಥ್. ಡಿ-ಗ್ಲಾಮರ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದ ಶ್ರದ್ಧಾ ಶ್ರೀನಾಥ್, ಚೊಚ್ಚಲ ಅಭಿನಯದಲ್ಲೇ ಮೋಡಿ ಮಾಡಿದ್ರು. ಇದರ ಪರಿಣಾಮ ಚಂದನವನದಲ್ಲಿ ಅಷ್ಟೇ ಅಲ್ಲ ನೆರೆರಾಜ್ಯಗಳಲ್ಲೂ ಶ್ರದ್ಧಾ ಬ್ಯುಸಿಯಾಗಿದ್ದಾರೆ.[2016: ಈ ವರ್ಷದ ಅತ್ಯುತ್ತಮ ನಾಯಕಿ ಯಾರು?]

ಅಪೂರ್ವ

ಕ್ರೇಜಿಸ್ಟಾರ್ ರವಿಚಂದ್ರನ್ ಅವರು, ತಮ್ಮ ಕನಸಿನ ಚಿತ್ರ 'ಅಪೂರ್ವ' ಮೂಲಕ ಕನ್ನಡಕ್ಕೆ ಪರಿಚಯಿಸಿದ ನಟಿ ಅಪೂರ್ವ. ಮೊದಲ ಚಿತ್ರದಲ್ಲೇ ಸ್ಯಾಂಡಲ್ ವುಡ್ ಸೂಪರ್ ಸ್ಟಾರ್ ಜೊತೆ ತೆರೆಹಂಚಿಕೊಂಡ 'ಅಪೂರ್ವ' ಈ ವರ್ಷ ಡೆಬ್ಯೂ ಮಾಡಿದ ಯುವ ಪ್ರತಿಭೆ.[2016: ಗೂಗಲ್ ನಲ್ಲಿ ಅತಿ ಹೆಚ್ಚು ಸುದ್ದಿಯಾಗಿದ್ದ ಕನ್ನಡದ ನಟಿ ಯಾರು.?]

ಕಾವ್ಯ ಶೆಟ್ಟಿ

ಕನ್ನಡ, ತಮಿಳು ಹಾಗೂ ತೆಲುಗು ಚಿತ್ರಗಳಲ್ಲಿ ಅಭಿನಯಿಸಿದ್ದ ಕನ್ನಡದ ಹುಡುಗಿ ಕಾವ್ಯ ಶೆಟ್ಟಿ, 'ಇಷ್ಟಕಾಮ್ಯ' ಚಿತ್ರದ ಮೂಲಕ ಪೂರ್ಣ ಪ್ರಮಾಣದ ನಾಯಕಿಯಾಗಿ ಕಮ್ ಬ್ಯಾಕ್ ಮಾಡಿದ್ದರು. ನಾಗತಿಹಳ್ಳಿ ಚಂದ್ರಶೇಖರ್ ಅವರು ನಿರ್ದೇಶನದ ಈ ಚಿತ್ರದಲ್ಲಿ ವಿಜಯ ಸೂರ್ಯ ಅವರ ಜೊತೆ ಕಾವ್ಯಶೆಟ್ಟಿ ಹೆಜ್ಜೆ ಹಾಕಿದ್ದಾರೆ. ಇವರ ಅಭಿನಯಕ್ಕೆ ಉತ್ತಮ ಪ್ರಶಂಸೆ ಸಿಕ್ಕಿತ್ತು.[ಗೂಗಲ್ ನಲ್ಲಿ ವರ್ಷವಿಡೀ 'ಸೌಂಡ್' ಮಾಡಿದ ನಟ ಯಾರು.?]

ನೇಹಾ ಶೆಟ್ಟಿ

ಕನ್ನಡದ ಎವರ್ ಗ್ರೀನ್ ಚಿತ್ರ 'ಮುಂಗಾರು ಮಳೆ' ಚಿತ್ರದ ಮೂಲಕ ಪೂಜಾಗಾಂಧಿ ಸ್ಯಾಂಡಲ್ ವುಡ್ ಗೆ ಎಂಟ್ರಿಯಾಗಿದ್ದರು. ಅದೇ ರೀತಿ 'ಮುಂಗಾರು ಮಳೆ-2' ಚಿತ್ರದ ಮೂಲಕ ಗಾಂಧಿನಗರದಕ್ಕೆ ಲಗ್ಗೆಯಿಟ್ಟ ನಟಿ ನೇಹಾ ಶೆಟ್ಟಿ. ಗೋಲ್ಡನ್ ಸ್ಟಾರ್ ಗಣೇಶ್ ಜೊತೆ ಅಭಿನಯಿಸಿ ಸೈ ಎನಿಸಿಕೊಂಡ ನೇಹಾ ಶೆಟ್ಟಿ ಈ ವರ್ಷದ ಅತ್ಯುತ್ತಮ ಯುವ ನಟಿಯ ಪಟ್ಟಿಯಲ್ಲಿರುವ ಮತ್ತೊಬ್ಬ ಯುವ ಪ್ರತಿಭೆ.[2016ರ ಅತ್ಯುತ್ತಮ ಕನ್ನಡ ನಟ ಯಾರು? ನಿಮ್ಮ ಆಯ್ಕೆ?]

ಸನುಷ

ಸೆಂಚುರಿಸ್ಟಾರ್ ಶಿವರಾಜ್ ಕುಮಾರ್ ಅಭಿನಯದ 'ಕಬೀರ' ಚಿತ್ರದ ಮೂಲಕ ಕರ್ನಾಟಕಕ್ಕೆ ಬಂದ ನಟಿ ಸನುಷ. ಮಲಯಾಳಂ ಚಿತ್ರಗಳಲ್ಲಿ ನಾಯಕಿಯಾಗಿ ಮಿಂಚಿದ್ದ ಸನುಷಗೆ ಕಬೀರ ಮೊದಲ ಕನ್ನಡ ಚಿತ್ರ. ಹೀಗಾಗಿ, ಈ ವರ್ಷದ ಅತ್ಯುತ್ತಮ ಕನ್ನಡದ ನವನಟಿಯರಲ್ಲಿ ಸನುಷ ಅವರ ಹೆಸರು ಕೇಳುತ್ತಿದೆ.

ಪೂಜಾ

'ತಿಥಿ' ಚಿತ್ರದ ಮೂಲಕ ಹಲವು ಪ್ರತಿಭೆಗಳು ಹೊರಬಂದವು. ಇವರಲ್ಲಿ ನಟಿ ಪೂಜಾ ಕೂಡ ಒಬ್ಬರು. ಹಳ್ಳಿ ಹುಡುಗಿಯಾಗಿ ಕಾಣಿಸಿಕೊಂಡಿದ್ದ ಪೂಜಾ ಕೂಡ ಈ ವರ್ಷ ಗಮನ ಸೆಳೆದಿದ್ದಾರೆ.

ಇವರಲ್ಲಿ ಯಾರು ವರ್ಷದ ಯುವನಟಿ?

ಈ ಎಲ್ಲ ನಾಯಕಿಯರು ಈ ವರ್ಷ ಕನ್ನಡ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟವರು. ತಮ್ಮದೇ ಆದ ಪ್ರತಿಭೆ ಮೂಲಕ ಕನ್ನಡ ಕಲಾರಸಿಕರ ಮನಗೆದ್ದರವರು. ಇವರಲ್ಲಿ ಯಾರು ಈ ವರ್ಷದ ಅತ್ಯುತ್ತಮ ನಟ ನಟಿ ಎನಿಸಿಕೊಳ್ತಾರೆ ಎಂದು ನಿಮ್ಮ ಅಭಿಪ್ರಾಯ ತಿಳಿಸಿ.