ಸೂರಿ ಕುರಿತ ಬಹುದೊಡ್ಡ ಗುಟ್ಟು ರಟ್ಟು ಮಾಡಿದ ಯೋಗರಾಜ್ ಭಟ್.!

'ಟಗರು' ಮುಹೂರ್ತದ ವೇಳೆ ಸೂರಿ ಹೇಗಿದ್ದರು.?

ಅಸಲಿ ಮ್ಯಾಟರ್ ಗೆ ಬರುವ ಮುನ್ನ, ಇತ್ತೀಚೆಗಷ್ಟೇ ನಡೆದ 'ಟಗರು' ಚಿತ್ರದ ಮುಹೂರ್ತ ಸಮಾರಂಭದಲ್ಲಿ ಸೂರಿ ಹೇಗೆ ಕಾಣ್ತಿದ್ರು ಅಂತ ಸ್ವಲ್ಪ ನೆನಪಿಸಿಕೊಳ್ಳಿ. ಕಳೆದ ವರ್ಷಕ್ಕೆ ಹೋಲಿಸಿದ್ರೆ, ಸೂರಿ ಸ್ವಲ್ಪ ತೆಳ್ಳಗೆ ಆದ ಹಾಗೆ ಕಾಣಲ್ವಾ.?

ಸೂರಿ ಡಯೆಟ್ ಮಾಡ್ತಿದ್ದಾರಾ.?

ಸೂರಿಯ ಹೊಸ ಮೇಕ್ ಓವರ್ ನೋಡಿ, ''ಅವರು ಏನಾದ್ರೂ ಡಯೆಟ್ ಮಾಡ್ತಿದ್ದಾರಾ?'' ಅಂತ ಎಲ್ಲರೂ ಮಾತನಾಡಿಕೊಳ್ಳುವಾಗಲೇ ಸೂರಿಯ ಹೊಸ ಲುಕ್ ಬಗೆಗಿನ ಗುಟ್ಟು ಬಿಟ್ಟುಕೊಟ್ಟರು ಯೋಗರಾಜ್ ಭಟ್. ಆ ಗುಟ್ಟು ಏನು ಅಂತ ತಿಳಿಯಲು ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ....

ರಟ್ಟಾದ 'ಆ' ಗುಟ್ಟು ಇದೇ.!

'ದೊಡ್ಮನೆ ಹುಡ್ಗ' ಪತ್ರಿಕಾಗೋಷ್ಟಿ ನಡೆಯುತ್ತಿರುವ ಗ್ಯಾಪ್ ನಲ್ಲಿ ಮೈಕ್ ಹಿಡಿದ ಯೋಗರಾಜ್ ಭಟ್ರು ''ಸೂರಿ ಸಿಕ್ಸ್ ಪ್ಯಾಕ್ ಮಾಡ್ತಿದ್ದಾನೆ'' ಎಂಬ ಗುಟ್ಟು ರಟ್ಟು ಮಾಡಿದರು.

ಎಲ್ರೂ ನಕ್ಬಿಟ್ರು!

''ದಯವಿಟ್ಟು ನಗಬೇಡಿ. ತುಂಬಾ ಸೀರಿಯಸ್ ಆಗಿ ಮಾಡ್ತಿದ್ದಾನೆ. ಮೂರ್ನಾಲ್ಕು ತಿಂಗಳಿನಿಂದ ತುಂಬಾ ಹತ್ತಿರದಿಂದ ನೋಡಿದ್ದೇವೆ'' ಅಂತ ಮತ್ತೊಮ್ಮೆ ಸ್ಪಷ್ಟವಾಗಿ ಹೇಳಿದರು ಯೋಗರಾಜ್ ಭಟ್

ಸದ್ಯಕ್ಕೆ ಮೂರೇ ಪ್ಯಾಕ್

''ಸಿಕ್ಸ್ ಪ್ಯಾಕ್ ನಲ್ಲಿ ಆರು ಪ್ಯಾಕ್ ಇರುತ್ತೆ. ಮೂರು ಮೂಡಿದೆ. ಇನ್ನೂ ಮೂರು ಮೂಡುವ ಹಂತದಲ್ಲಿ ಇದೆ'' - ಯೋಗರಾಜ್ ಭಟ್

ಮೂರು ಪ್ಯಾಕ್ ಗೆ ಮೂರು ಹಾಡುಗಳು

''ದೊಡ್ಮನೆ ಹುಡ್ಗ' ಚಿತ್ರಕ್ಕೆ ನಾನು ಬರೆದ ಮೂರು ಹಾಡುಗಳನ್ನ, ಸೂರಿ ಮಾಡಿರುವ ಮೂರು ಪ್ಯಾಕ್ ಗೆ ಅರ್ಪಿಸಲು ಇಷ್ಟ ಪಡುತ್ತೇನೆ'' - ಯೋಗರಾಜ್ ಭಟ್