ಅಭಿಮಾನಿ ಕಣ್ಣಲ್ಲಿ 'ಯುವ': ಜಬರ್ದಸ್ತ್ ಪೋಸ್ಟರ್ ವೈರಲ್

'ಯುವ' ಪ್ಯಾನ್ ಮೇಡ್ ಪೋಸ್ಟರ್

ಸಂತೋಷ್ ಆನಂದ್‌ರಾಮ್ ನಿರ್ದೇಶನದಲ್ಲಿ ಶೀಘ್ರವೇ ಯುವ ರಾಜ್‌ಕುಮಾರ್ ನಟನೆಯ ಸಿನಿಮಾ ಶುರುವಾಗಲಿದೆ. ಅಭಿಮಾನಿಯೊಬ್ಬರು ಜಬರ್ದಸ್ತ್‌ ಪೋಸ್ಟರ್ ಡಿಸೈನ್ ಮಾಡಿದ್ದಾರೆ. ಅಪ್ಪು- ಯುವ ಇಬ್ಬರನ್ನು ಸೇರಿಸಿ ಪೋಸ್ಟರ್ ತೇಲಿ ಬಿಟ್ಟಿದ್ದಾರೆ. ಇನ್ನು ಚಿತ್ರಕ್ಕೆ ಟೈಟಲ್ ಫಿಕ್ಸ್ ಆಗಿಲ್ಲ. ಆದರೆ ಅಭಿಮಾನಿ ಡಿಸೈನ್ ಮಾಡಿರೋ ಪೋಸ್ಟರ್‌ನಲ್ಲಿ 'ಯುವ' ಅನ್ನುವ ಟೈಟಲ್ ಹಾಕಿದ್ದಾರೆ.

ಯುವ ಚಿತ್ರಕ್ಕಾಗಿ ಆಡಿಷನ್

ಹೊಂಬಾಳೆ ಫಿಲ್ಮ್ಸ್ ಸಂಸ್ಥೆ ದೊಡ್ಡದಾಗಿ ಚಿತ್ರವನ್ನು ನಿರ್ಮಾಣ ಮಾಡುತ್ತಿದೆ. ಚಿತ್ರತಂಡ ಸಹ ಕಲಾವಿದರ ಆಯ್ಕೆಗಾಗಿ ಆಡಿಷನ್ ಕರೆದಿದೆ. ಇನ್ನು 16 ರಿಂದ 25 ವರ್ಷದೊಳಗಿನವರು ಆಡಿಷನ್‌ನಲ್ಲಿ ಭಾಗವಹಿಸಬಹುದು ಎಂದು ಚಿತ್ರತಂಡ ಹೇಳಿದೆ. ಮಂಗಳೂರು ನಗರದ ಕೂಟಕ್ಕಳ ಆಡಿಟೋರಿಯಂನಲ್ಲಿ ನವೆಂಬರ್ 26ರಂದು ಬೆಳಗ್ಗೆ 9 ಗಂಟೆಯಿಂದ ಮಧ್ಯಾಹ್ನ 2 ಗಂಟೆಯವರೆಗೆ ಆಡಿಷನ್ ನಡೆಯಲಿದೆ.

ಸಿನಿಮಾ ಕಥೆಯೇನು?

'KGF', 'ಕಾಂತಾರ' ರೀತಿಯ ದೊಡ್ಡದೊಡ್ಡ ಸಿನಿಮಾಗಳನ್ನು ನಿರ್ಮಿಸಿದ ಹೊಂಬಾಳೆ ಫಿಲ್ಮ್ಸ್ ಸಂಸ್ಥೆ ಈ ಚಿತ್ರಕ್ಕೆ ಬಂಡವಾಳ ಹೂಡುತ್ತಿದೆ. 'ಯುವರತ್ನ' ಅದೇ ಕಾಂಬಿನೇಷನ್‌ನಲ್ಲಿ ಪುನೀತ್ ರಾಜ್‌ಕುಮಾರ್ ಮತ್ತೊಂದು ಸಿನಿಮಾದಲ್ಲಿ ನಟಿಸಬೇಕಿತ್ತು. ಅದೇ ಕಥೆಯಲ್ಲಿ ಈಗ ಯುವ ರಾಜ್‌ಕುಮಾರ್ ನಟಿಸುತ್ತಾರಾ ಎನ್ನುವ ಅನುಮಾನವೂ ಇದೆ.

PRK ಬ್ಯಾನರ್‌ನಲ್ಲೂ ಯುವ ನಟನೆ

ಅಪ್ಪು ಅಗಲಿಕೆ ನಂತರ PRK ಪ್ರೊಡಕ್ಷನ್ಸ್ ಜವಾಬ್ದಾರಿಯನ್ನು ಅಶ್ವಿನಿ ಪುನೀತ್ ರಾಜ್‌ಕುಮಾರ್ ವಹಿಸಿಕೊಂಡಿದ್ದಾರೆ. ಅವರ ಬ್ಯಾನರ್‌ಲ್ಲಿ ಈಗಾಗಲೇ ಎರಡ್ಮೂರು ಸಿನಿಮಾಗಳ ಚಿತ್ರೀಕರಣ ನಡೀತಿದೆ. ಹೊಸ ಪ್ರತಿಭೆಗಳಿಗೆ ತಮ್ಮ ಸಂಸ್ಥೆಯಲ್ಲಿ ಅವಕಾಶ ಕೊಡುತ್ತಿದ್ದಾರೆ. ಯುವ ರಾಜ್‌ಕುಮಾರ್ ಕೂಡ ಮುಂದಿನ ದಿನಗಳಲ್ಲಿ PRK ಬ್ಯಾನರ್‌ನಲ್ಲಿ ನಟಿಸುವ ಸಾಧ್ಯತೆಯಿದೆ.