ಮೀನಾ ತುಟಿಗೆ ಬಾಲಯ್ಯ ತುಟಿ.. ಕಿಟಾರನೇ ಕಿರುಚಿದ ಚೆಲುವೆ: ಪಕ್ಕದಲ್ಲೇ ಇದ್ದ ರಜನಿಕಾಂತ್ ಶಾಕ್!

ಬಾಲಯ್ಯ ಕೆನ್ನೆಗೆ ಮೀನಾ ಮುತ್ತು!

'ಅನ್‌ಸ್ಟಾಪಬಲ್- 2' ಶೋನಲ್ಲಿ ಅಂದು ನಡೆದ ಘಟನೆಯನ್ನು ನಟ ಬಾಲಕೃಷ್ಣ ನೆನಪಿಸಿಕೊಂಡಿದ್ದಾರೆ. "ಅಂದು 'ಬೊಬ್ಬಿಲಿ ಸಿಂಹಂ' ಚಿತ್ರದ ಮುಹೂರ್ತ. ರಜನಿಕಾಂತ್ ಮುಖ್ಯ ಅತಿಥಿಯಾಗಿ ಆಗಮಿಸಿದ್ದರು. ವೇಮುರಿನಲ್ಲಿ ಚಿತ್ರೀಕರಣ ನಡೀತಿತ್ತು. ಮೊದಲ ದೃಶ್ಯಕ್ಕೆ ರಜನಿಕಾಂತ್ ಕ್ಲಾಪ್ ಮಾಡಿದ್ದರು. ರಜನಿ ಕ್ಲಾಪ್ ಮಾಡುತ್ತಿದ್ದಂತೆ ಬಾಲಕೃಷ್ಣ ಸೀರಿಯಸ್ ಆಗಿ ಡೈಲಾಗ್ ಹೇಳಬೇಕು. ನಡುವೆ ಔಟ್‌ ಫೀಲ್ಡ್‌ನಿಂದ ನಟಿ ಮೀನಾ ಓಡಿ ಬಂದು ಬಾಲಯ್ಯ ಕೆನ್ನೆಗೆ ಮುತ್ತು ಕೊಡುವಂತೆ ನಿರ್ದೇಶಕರು ಶಾಟ್ ಡಿಸೈನ್ ಮಾಡಿದ್ದರಂತೆ.

ಕಿಟಾರನೇ ಕಿರುಚಿದ ಮೀನಾ

ರಜನಿಕಾಂತ್ ಕ್ಲಾಪ್ ಮಾಡಿ ಪಕ್ಕ ಬರುತ್ತಿದ್ದಂತೆ ಬಾಲಕೃಷ್ಣ ಡೈಲಾಗ್ ಹೇಳಲು ಆರಂಭಿಸಿದರಂತೆ. ಆದರೆ ಮೀನಾ ಬರುವುದು ಕೊಂಚ ತಡವಾಗಿ ಬಾಲಯ್ಯ ಡೈಲಾಗ್ ಹೇಳುತ್ತಾ ಪಕ್ಕಕ್ಕೆ ತಿರುಗಿದ್ದಾರೆ. ಇದರಿಂದ ಮೀನಾ, ಬಾಲಯ್ಯ ಕೆನ್ನೆ ಬದಲು ತುಟಿಗೆ ತುಟಿ ಒತ್ತಲು ಹೋಗಿಬಿಟ್ಟಿದ್ದರಂತೆ. ಇಬ್ಬರ ತುಟಿ ಹತ್ತಿರ ಬರುತ್ತಿದ್ದಂತೆ ಮೀನಾ ಕಿಟಾರನೇ ಕಿರುಚಿಬಿಟ್ಟಿದ್ದರಂತೆ. ಅಲ್ಲೇ ಪಕ್ಕದಲ್ಲಿ ನಿಂತಿದ್ದ ರಜನಿಕಾಂತ್ ಇದನ್ನು ನೋಡಿ ಅವಕ್ಕಾಗಿದ್ದರಂತೆ. ಈ ಸನ್ನಿವೇಶವನ್ನು ನೆನೆದು ಬಾಲಯ್ಯ ಬಿದ್ದು ಬಿದ್ದು ನಕ್ಕಿದ್ದಾರೆ.

'ಬೊಬ್ಬಿಲಿ ಸಿಂಹಂ' ಸೂಪರ್ ಹಿಟ್

ಕೋದಂಡರಾಮಿ ರೆಡ್ಡಿ ನಿರ್ದೇಶನದ ಆಕ್ಷನ್ ಎಂಟರ್‌ಟೈನರ್ 'ಬೊಬ್ಬಿಲಿ ಸಿಂಹಂ' ಸೂಪರ್ ಹಿಟ್ ಆಗಿತ್ತು. 1994ರಲ್ಲಿ ತೆರೆಕಂಡಿದ್ದ ಸಿನಿಮಾ ಬಾಕ್ಸಾಫೀಸ್ ಶೇಕ್ ಮಾಡಿತ್ತು. ಮೀನಾ ಜೊತೆಗೆ ಮತ್ತೊಬ್ಬ ನಾಯಕಿಯಾಗಿ ರೋಜಾ ಮಿಂಚಿದ್ದರು. ಎಸ್‌. ಎಸ್ ರಾಜಮೌಳಿ ತಂದೆ ವಿ. ವಿಜಯೇಂದ್ರ ಪ್ರಸಾದ್ ಈ ಚಿತ್ರಕ್ಕೆ ಕಥೆ ಬರೆದಿದ್ದರು. ಘಟಾನುಘಟಿ ಕಲಾವಿದರು ಚಿತ್ರದ ತಾರಾಗಣದಲ್ಲಿದ್ದರು.

ಸುಗ್ಗಿ ಹಬ್ಬಕ್ಕೆ ಬಾಲಯ್ಯ 107ನೇ ಚಿತ್ರ

ಸದ್ಯ ಗೋಪಿಚಂದ್ ಮಲಿನೇನಿ ನಿರ್ದೇಶನದ 'ವೀರಸಿಂಹ ರೆಡ್ಡಿ' ಚಿತ್ರದಲ್ಲಿ ಬಾಲಕೃಷ್ಣ ನಟಿಸುತ್ತಿದ್ದಾರೆ. ಚಿತ್ರದ ಮುಖ್ಯ ಪಾತ್ರದಲ್ಲಿ ಕನ್ನಡ ನಟ ದುನಿಯಾ ವಿಜಯ್ ನಟಿಸುತ್ತಿರುವುದು ವಿಶೇಷ. ಇದು ಬಾಲಯ್ಯ ನಟನೆಯ 107ನೇ ಸಿನಿಮಾ. ಸಂಕ್ರಾಂತಿ ಹಬ್ಬದ ಸಂಭ್ರಮದಲ್ಲಿ 'ವೀರಸಿಂಹ ರೆಡ್ಡಿ' ಸಿನಿಮಾ ಬಿಡುಗಡೆಗೆ ಸಿದ್ಧತೆ ನಡೀತಿದೆ.