Don't Miss!
- Technology Best Coolers: ಭಾರತದಲ್ಲಿ 5 ಸಾವಿರಕ್ಕಿಂತ ಕಡಿಮೆ ಬೆಲೆಯಲ್ಲಿ ಲಭ್ಯ ಇರುವ ಅತ್ಯುತ್ತಮ ಕೂಲರ್ಗಳು! ಫೀಚರ್ಸ್ ಏನಿದೆ?
- Sports IPL 2024: ಮುಂಬೈ ಇಂಡಿಯನ್ಸ್ಗೆ ಆಘಾತದ ಮೇಲೆ ಆಘಾತ; ಸ್ಟಾರ್ ಬೌಲರ್ ಔಟ್
- News DV Sadananda Gowda: ಕಾಂಗ್ರೆಸ್ ನತ್ತ ಡಿ ವಿ ಸದಾನಂದಗೌಡ? ನಾಲ್ಕು ಕ್ಷೇತ್ರಗಳ ಆಫರ್ ಕೊಟ್ಟ ಕೈ ನಾಯಕರು?
- Lifestyle ಫ್ಲ್ಯಾಟ್ನಲ್ಲಿ ವಾಸಿಸಲು ಹೋಗುವಾಗ ಸಮೃದ್ಧಿ, ಆರೋಗ್ಯಕ್ಕಾಗಿ ವಾಸ್ತು ಹೀಗಿದೆಯೇ ಎಂದು ನೋಡಬೇಕು
- Automobiles ಡಿ ಬಾಸ್ ಪತ್ನಿ ಖರೀದಿಸಿದ್ದು ಸಾಮಾನ್ಯ ಕಾರಲ್ಲ: ಬಂಗಲೆಯಂತಹ ಇಂಟೀರಿಯರ್!
- Finance ಭಾರತದಲ್ಲಿ ಚಿನ್ನದ ಬೆಲೆ ಇಳಿಕೆ, ನಿಮ್ಮ ನಗರದಲ್ಲಿ 24 ಕ್ಯಾರೆಟ್ ಚಿನ್ನದ ದರ ತಿಳಿಯಿರಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ನಟನಾದ ಗಾಯಕ ಸಂಜಿತ್ ಹೆಗ್ಡೆ: ಶ್ರುತಿ ಹಾಸನ್ ಜೊತೆ ರೊಮ್ಯಾನ್ಸ್!
ಕನ್ನಡದ ಮಧುರ ಕಂಠದ ಗಾಯಕ ಸಂಜಿತ್ ಹೆಗ್ಡೆ ನಟರಾಗಿ ಪಾದಾರ್ಪಣೆ ಮಾಡಿದ್ದಾರೆ. ಸಂಚಿತ್ ನಟಿಸಿರುವ ತೆಲುಗು ಸಿನಿಮಾ ಶೀಘ್ರದಲ್ಲಿಯೇ ಬಿಡುಗಡೆ ಆಗಲಿದೆ.
ತೆಲುಗು ಸಿನಿಮಾ 'ಪಿಟ್ಟ ಕತಲು' ಸಿನಿಮಾದ ಮೂಲಕ ಸಂಜಿತ್ ಹೆಗಡೆ ನಟರಾಗಿದ್ದು, ಸಿನಿಮಾದ ಟ್ರೇಲರ್ ಬಿಡುಗಡೆ ಆಗಿದೆ. ಟ್ರೇಲರ್ನಲ್ಲಿ ಕಾಣುತ್ತಿರುವಂತೆ ಠಪೋರಿ ಯುವಕನಾಗಿ ಹಸಿ-ಬಿಸಿ ದೃಶ್ಯಗಳಲ್ಲಿ ಕಾಣಿಸಿಕೊಂಡಿದ್ದಾರೆ ಸಂಜಿತ್ ಹೆಗ್ಡೆ.
ಕನ್ನಡ ಸೇರಿದಂತೆ ಹಲವು ಭಾಷೆಗಳಲ್ಲಿ ನೂರಾರು ಹಾಡುಗಳನ್ನು ಹಾಡಿರುವ ಸಂಜಿತ್ ಹೆಗ್ಡೆ ನಟರಾಗಿದ್ದು ಅಭಿಮಾನಿಗಳಿಗೆ ಸಖತ್ ಆಶ್ಚರ್ಯ ಮೂಡಿಸಿದೆ.
ನಟನಾಗಿ ಹೊಸ ಪಯಣ ಆರಂಭಿಸಿದ ಸಂಜಿತ್ ಹೆಗ್ಡೆ
ಕನ್ನಡದ ಸಾರಿಗಮಪ ರಿಯಾಲಿಟಿ ಶೋ ಮೂಲಕ ಬೆಳಕಿಗೆ ಬಂದ ಈ ಪ್ರತಿಭೆ ಅತ್ಯಂತ ಕಡಿಮೆ ಅವಧಿಯಲ್ಲಿ ಅದ್ಭುತ ಗಾಯಕನಾಗಿ ಹೊರಹೊಮ್ಮಿದ್ದಾರೆ. ಇದೀಗ ನಟನಾಗಿ ಹೊಸ ಪಯಣ ಆರಂಭಿಸಿದ್ದು, ನಟನಾಗಿ ಎಷ್ಟು ಯಶಸ್ವಿಯಾಗುತ್ತಾರೆ ಎಂಬುದನ್ನು ಕಾದು ನೋಡಬೇಕಿದೆ.
ಮೊದಲ ಸಿನಿಮಾದಲ್ಲಿಯೇ ಶ್ರುತಿ ಹಾಸನ್ ಜೊತೆ ರೊಮ್ಯಾನ್ಸ್
ಸಂಜಿತ್ ನಟಿಸಿರುವ ಮೊದಲ ಸಿನಿಮಾದಲ್ಲಿಯೇ ಖ್ಯಾತ ನಟಿ ಶ್ರುತಿ ಹಾಸನ್ ಜೊತೆ ತೆರೆ ಹಂಚಿಕೊಳ್ಳುವ ಅವಕಾಶ ದೊರೆತಿದೆ. ಕೆಲವು ರೊಮ್ಯಾಂಟಿಕ್ ದೃಶ್ಯಗಳಲ್ಲಿ ಶ್ರುತಿ ಹಾಸನ್ ಜೊತೆ ನಟಿಸಿದ್ದಾರೆ. ಸಂಜಿತ್ ನಟಿಸಿರುವ ಕತೆಯನ್ನು ನಿರ್ದೇಶಿಸಿರುವುದು 'ಮಹಾನಟಿ' ನಿರ್ದೇಶಕ ನಾಗ್ ಅಶ್ವಿನ್. ಇದೇ ನಾಗ್ ಅಶ್ವಿನ್ ಪ್ರಭಾಸ್ ಹಾಗೂ ದೀಪಿಕಾ ಪಡುಕೋಣೆ ಸಿನಿಮಾವನ್ನು ಸಹ ನಿರ್ದೇಶಿಸುತ್ತಿದ್ದಾರೆ.
ನೆಟ್ಫ್ಲಿಕ್ಸ್ನ ಮೊದಲ ತೆಲುಗು ಸಿನಿಮಾ
ಸಂಜಿತ್ ಹೆಗಡೆ ನಟಿಸಿರುವ 'ಪಿಟ್ಟ ಕತಲು' ಮೊದಲ ನೆಟ್ಫ್ಲಿಕ್ಸ್ ಒರಿಜಿನಲ್ ತೆಲುಗು ಸಿನಿಮಾ ಆಗಿದೆ. ಈ ಹಿಂದೆ ಇನ್ನಾವುದೇ ತೆಲುಗು ಸಿನಿಮಾಕ್ಕೆ ನೆಟ್ಫ್ಲಿಕ್ಸ್ ಬಂಡವಾಳ ಹೂಡಿರಲಿಲ್ಲ. ಇದೊಂದು ಅಂತಾಲಜಿ ಸಿನಿಮಾ ಆಗಿದ್ದು ನಾಲ್ಕು ಮಂದಿ ನಿರ್ದೇಶಕರು ನಾಲ್ಕು ಕತೆಗಳನ್ನು ನಿರ್ದೇಶಿಸಿದ್ದಾರೆ.
ಫೆಬ್ರವರಿ 19 ರಂದು ಸಿನಿಮಾ ಬಿಡುಗಡೆ
ಪಿಟ್ಟ್ ಕತಲು ಸಿನಿಮಾದ ನಾಲ್ಕು ಕತೆಗಳಲ್ಲಿ ಅಮಲಾ ಪೌಲ್, ಜಗಪತಿ ಬಾಬು, ಅಶ್ವಿನಿ ಕಾಕಮಾನು, ಲಕ್ಷ್ಮಿ ಮಂಚು, ಸಾನ್ವೆ ಮೇಘನಾ, ಶ್ರುತಿ ಹಾಸನ್, ಸಂಜಿತ್ ಹೆಗ್ಡೆ ಹಾಗೂ ಇನ್ನೂ ಹಲವರು ನಟಿಸಿದ್ದಾರೆ. ಸಿನಿಮಾದ ಟ್ರೇಲರ್ ಇಂದು ಬಿಡುಗಡೆ ಆಗಿದ್ದು, ನಾಲ್ಕು ಮಹಿಳೆಯರ ನಾಲ್ಕು ಕತೆಗಳನ್ನು ಸಿನಿಮಾ ಒಳಗೊಂಡಿದೆ. ಸಿನಿಮಾವು ಫೆಬ್ರವರಿ 19 ರಂದು ನೆಟ್ಫ್ಲಿಕ್ಸ್ನಲ್ಲಿ ಬಿಡುಗಡೆ ಆಗಲಿದೆ.