ಸೂರ್ಯಾ ನಟನೆಯ ಸಿನಿಮಾ ನೇರ ಒಟಿಟಿಗೆ: ವಿವಾದಕ್ಕೆ ಮುನ್ನುಡಿ?

ಚಿತ್ರಮಂದಿರ ಮಾಲೀಕರ ಸಂಘದ ತೀವ್ರ ವಿರೋಧ

ಸೂರ್ಯಾ ನಿರ್ಮಾಣ ಮಾಡಿದ್ದ, ಪತ್ನಿ ಜ್ಯೋತಿಕಾ ನಟಿಸಿದ್ದ 'ಪೊನ್ಮಗಳ್ ವಂದಾಳ್' ಸಿನಿಮಾ ಚಿತ್ರಮಂದಿರದಲ್ಲಿ ಬಿಡುಗಡೆ ಆಗದೆ ನೇರವಾಗಿ ಒಟಿಟಿಗೆ ಬಿಡುಗಡೆ ಆದಾಗ ಚಿತ್ರಮಂದಿರಗಳ ಮಾಲೀಕರ ಸಂಘ ತೀವ್ರ ವಿರೋಧ ವ್ಯಕ್ತಪಡಿಸಿತ್ತು.

ಸೂರ್ಯಾ ಸಿನಿಮಾ ಬಹಿಷ್ಕಾರಕ್ಕೆ ನಿರ್ಧಾರ

'ಪೊನ್ಮಗಳ್ ವಂದಾಳ್' ಸಿನಿಮಾ ಒಟಿಟಿಗೆ ಬಿಡುಗಡೆ ಮಾಡಿದ್ದಕ್ಕೆ ಸೂರ್ಯಾ ನಟನೆಯ ಎಲ್ಲಾ ಸಿನಿಮಾವನ್ನು ಬಹಿಷ್ಕರಿಸಲು ಚಿತ್ರಮಂದಿರಗಳ ಮಾಲೀಕರ ಸಂಘ ನಿರ್ಧರಿಸಿತ್ತು. ಈಗ ಸ್ವತಃ ಸೂರ್ಯಾ ನಟನೆಯ ಸಿನಿಮಾ ಒಟಿಟಿಗೆ ನೇರವಾಗಿ ಬಿಡುಗಡೆ ಆಗುತ್ತಿದೆ. ಒಟಿಟಿ-ಚಿತ್ರಮಂದಿರಗಳ ತಿಕ್ಕಾಟವನ್ನು ಇದು ಇನ್ನಷ್ಟು ಹೆಚ್ಚಿಸಲಿದೆ.

ಒಟಿಟಿಗೆ ನೀಡುವುದಿಲ್ಲ ಎಂದಿರುವ ವಿಜಯ್, ಧನುಶ್

ತಮಿಳಿನಲ್ಲಿ ಇತರೆ ಸ್ಟಾರ್ ನಟರಾದ ಧನುಶ್, ವಿಜಯ್ ಅವರುಗಳ ಸಿನಿಮಾ ಸಹ ಬಿಡುಗಡೆಗೆ ತಯಾರಾಗಿದ್ದು, ಅವರಿಬ್ಬರೂ ತಾವು ತಮ್ಮ ಸಿನಿಮಾವನ್ನು ಒಟಿಟಿಗೆ ಕೊಡುವುದಿಲ್ಲವೆಂದು ಹೇಳಿದ್ದಾರೆ. ಆದರೆ ಸೂರ್ಯಾ ಮಾತ್ರ ತಮ್ಮ ಸಿನಿಮಾವನ್ನು ಒಟಿಟಿಗೆ ಕೊಟ್ಟು ಸೇಫ್ ಆಗಿದ್ದಾರೆ. ಜೊತೆಗೆ ಚಿತ್ರಮಂದಿರಗಳ ಮಾಲೀಕರ ಕೆಂಗಣ್ಣಿಗೂ ಗುರಿಯಾಗಿದ್ದಾರೆ.

ಕನ್ನಡಿಗ ಜಿ.ಆರ್.ಗೋಪಿನಾಥ್ ಜೀವನ ಆಧರಿತ ಸಿನಿಮಾ

'ಸೂರರೈ ಪೊಟ್ರು' ಸಿನಿಮಾವು ಕರ್ನಾಟಕದ ಜಿ.ಆರ್.ಗೋಪಿನಾಥ್ ಅವರ ಜೀವನದ ಮೇಲೆ ಆಧರಿತವಾಗಿದೆ. ಜಿ.ಆರ್.ಗೋಪಿನಾಥ್ ಭಾರತೀಯ ವಾಯುಪಡೆಯಲ್ಲಿ ಕ್ಯಾಪ್ಟನ್ ಆಗಿದ್ದರು. ನಂತರ ಇವರೇ 'ಏರ್ ಡೆಕ್ಕನ್' ಅನ್ನು ಸ್ಥಾಪಿಸಿದರು.