Don't Miss!
- Lifestyle ಮಸಾಲ ಭರಿತ ಬಿಸಿ ಬಿಸಿ ಪೊಂಗಲ್ ಮಾಡೋದು ಹೇಗೆ..? ಏನಿದರ ರೆಸಿಪಿ?
- News Namma Metro Pink Line: ಮೆಟ್ರೋ ಸುರಂಗ ಕಾಮಗಾರಿ ಬಹುತೇಕ ಪೂರ್ಣ: ಯೋಜನೆಯ ಅಪ್ಡೇಟ್
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Sports IPL 2024: ಐಪಿಎಲ್ನಲ್ಲಿ ಉಮೇಶ್ ಯಾದವ್ ಅವರ ವಿಶೇಷ ದಾಖಲೆ ಸರಿಗಟ್ಟಿದ ಜಸ್ಪ್ರೀತ್ ಬುಮ್ರಾ
- Automobiles ರಾಜ್ಯದ ಕೈಜಾರಿ ತಮಿಳುನಾಡು ಸೇರಿದ 9000 ಕೋಟಿಯ ಪ್ರಾಜೆಕ್ಟ್: JLR ಇವಿ ಹಬ್ಗೆ ಸಿದ್ದವಾದ ನೆರೆ-ರಾಜ್ಯ!
- Technology ವಿವೋ V30e ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಬೆಲೆ, ಕ್ಯಾಮೆರಾ, ವಿನ್ಯಾಸ ವಿವರ ಇಲ್ಲಿದೆ..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
18 ವರ್ಷಗಳ ಬಳಿಕ ಬದಲಾಯ್ತು ಟಾಟಾ ಸ್ಕೈ: ಕಾರಣವೇನು?
ಡೈರೆಕ್ಟ್ ಬ್ರಾಡ್ಕಾಸ್ಟ್ ಸ್ಯಾಟಲೈಟ್ (ಸರಳ ಶಬ್ದಗಳಲ್ಲಿ 'ಖಾಸಗಿ ಕೇಬಲ್') ಸೇವೆ ನೀಡುತ್ತಿದ್ದ ಟಾಟಾ ಸ್ಕೈ (ಡಿಟಿಎಚ್: ಡೈರೆಕ್ಟ್ ಟು ಹೋಮ್) ಹದಿನೆಂಟು ವರ್ಷಗಳ ಯಶಸ್ವೀ ಸೇವೆ ಬಳಿಕ ಹೆಸರು ಮತ್ತು ಉದ್ಯಮದ ಮಾದರಿಯನ್ನು ಬದಲಾಯಿಸಿಕೊಂಡಿದೆ.
ಟಾಟಾ ಸ್ಕೈ ಇನ್ನು ಮುಂದೆ ಟಾಟಾ ಪ್ಲೇ ಎಂದು ಬದಲಾಗುತ್ತಿದ್ದು, ತಮ್ಮ ಸೇವೆಯನ್ನು ವಿಸ್ತರಣೆ ಹಾಗೂ ಬದಲಾವಣೆ ಮಾಡಿಕೊಳ್ಳುತ್ತಿದೆ. ಟಾಟಾ ಪ್ಲೇ ಇನ್ನು ಮುಂದೆ ಡಿಟಿಎಚ್ (ಕೇಬಲ್ ಚಾನೆಲ್) ಸೇವೆಗಳ ಜೊತೆಗೆ ಒಟಿಟಿ ಸೇವೆಗಳನ್ನು ಸಹ ತನ್ನ ಗ್ರಾಹಕರಿಗೆ ನೀಡಲಿದೆ.
ಈಗಾಗಲೇ 1.9 ಕೋಟಿ ಡಿಟಿಎಚ್ ಚಂದಾದಾರನ್ನು ಹೊಂದಿದ್ದ ಟಾಟಾ ಸ್ಕೈ ಇದೀಗ ಟಾಟಾ ಪ್ಲೇ ಮೂಲಕ ಫೈಬರ್ ಟು ಹೋಮ್ ಮೂಲಕ ಅಂತರ್ಜಾಲ ಸೇವೆ ಹಾಗೂ ಬಿಂಜ್ ಯೋಜನೆ ಮೂಲಕ ಹತ್ತಕ್ಕೂ ಹೆಚ್ಚು ಒಟಿಟಿ ಸೇವೆಗಳನ್ನು ಗ್ರಾಹಕರಿಗೆ ಒದಗಿಸಲಿದೆ. ಬಿಂಜ್ ಯೋಜನೆಯಲ್ಲಿ ನೆಟ್ಫ್ಲಿಕ್ಸ್, ಡಿಸ್ನಿ ಹಾಟ್ಸ್ಟಾರ್ ಸೇರಿದಂತೆ 14 ಜನಪ್ರಿಯ ಒಟಿಟಿ ಕಂಟೆಂಟ್ಗಳನ್ನು ಗ್ರಾಹಕರು ವೀಕ್ಷಿಸಬಹುದಾಗಿದೆ.
''ನಮ್ಮ ಡಿಟಿಎಚ್ ಸೇವೆ ಅತ್ಯಂತ ವೇಗವಾಗಿ, ಬೃಹತ್ ಆಗಿ ಬೆಳೆಯುತ್ತಿದೆ. ಅದರ ಜೊತೆಗೆ ನಾವು ಒಟಿಟಿ ಸೇವೆಯೂ ಬೆಳೆಯಲಿದೆ. ಜೊತೆಗೆ ಅಂತರ್ಜಾಲ (ಬ್ರಾಡ್ಬ್ಯಾಂಡ್) ಸೇವೆಯಲ್ಲಿಯೂ ನಾವು ಪ್ರತ್ಯೇಕ ಗುರುತು ಸಾಧಿಸಲಿದ್ದೇವೆ'' ಎಂಬ ವಿಶ್ವಾಸವನ್ನು ಸಿಇಓ ಹರಿತ್ ನಾಗ್ಪಾಲ್ ವ್ಯಕ್ತಪಡಿಸಿದ್ದಾರೆ.
2004ರಲ್ಲಿ ಟಾಟಾ ಸ್ಕೈ ಪ್ರಾರಂಭವಾಯಿತು. ಆಗ ಟಾಟಾ ಸ್ಕೈನ 80% ಮಾಲಿಕತ್ವ ಟಾಟಾ ಗ್ರೂಪ್ ಬಳಿಯೂ 20% ಮಾಲೀಕತ್ವ ಜಗತ್ ವಿಖ್ಯಾತ ಸೆಂಚುರಿ ಫಾಕ್ಸ್ ಸಂಸ್ಥೆಯ ಸೋದರ ಸಂಸ್ಥೆ ರುಪೆರ್ಟ್ ಮರ್ಡಾಕ್ ಬಳಿಯೂ ಇತ್ತು. ಬಳಿಕ ಸೆಂಚುರಿ ಫಾಕ್ಸ್ ಹಾಗೂ ಟಾಟಾ ಸಂಸ್ಥೆಯು ಜೊತೆಗೂಡಿ ಟಿಎಸ್ ಇನ್ವೆಸ್ಟ್ಮೆಂಟ್ ಪ್ರಾರಂಭ ಮಾಡಿದಾಗ ಟಾಟಾ ಸ್ಕೈನ 20% ಪಾಲುದಾರಿಕೆಯನ್ನು ಹೊಸ ಸಂಸ್ಥೆಗೆ ನೀಡಲಾಯಿತು. ಅದರ ಮೂಲಕ ಸೆಂಚುರಿ ಫಾಕ್ಸ್ ಸಂಸ್ಥೆಯು 9.8% ಹೆಚ್ಚು ಪಾಲುದಾರಿಕೆಯನ್ನು ಟಾಟಾ ಸ್ಕೈನಲ್ಲಿ ಪಡೆದುಕೊಂಡಿತು. ಫಾಕ್ಸ್ ಬಳಿ ಟಾಟಾ ಸ್ಕೈನ 29.8% ಪಾಲುದಾರಿಕೆ ಇತ್ತು. ಬಳಿಕ ಫಾಕ್ಸ್ನ ಮನೊರಂಜನೆ ಸಂಬಂಧಿತ ಉದ್ಯಮವನ್ನು ಜಗತ್ ವಿಖ್ಯಾತ ವಾಲ್ಟ್ ಡಿಸ್ನಿಗೆ ಮಾರಾಟ ಮಾಡಿದಾಗ ಟಾಟಾ ಸ್ಕೈನ ಪಾಲುದಾರಿಕೆ ಸಹ ವಾಲ್ಟ್ ಡಿಸ್ನಿಗೆ ಸೇರಿಕೊಂಡಿತು. ಟಾಟಾ ಸ್ಕೈ (ಈಗ ಟಾಟಾ ಪ್ಲೇ)ನ ಮಾಲೀಕತ್ವವು ಟಾಟಾ ಗ್ರೂಪ್ ಹಾಗೂ ವಾಲ್ಟ್ ಡಿಸ್ನಿ ಬಳಿ ಇದೆ.