Don't Miss!
- Sports ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್
- Lifestyle ಪರಿಸರ ದಿನ: ಇಂದು ನೀವು ಹೀಗೆ ಮಾಡಿದರೆ ಮುಂದಿನ ಪೀಳಿಗೆಗೆ ನೀಡುವ ದೊಡ್ಡ ಆಸ್ತಿ
- News ಮೈಸೂರು: ಪ್ರಧಾನಿ ಮೋದಿ ಕುರಿತಾದ ಹಾಡು ಶೇರ್ ಮಾಡಿ ಎಂದಿದ್ದಕ್ಕೆ ಯುವಕನ ಮೇಲೆ ಹಲ್ಲೆ
- Automobiles ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಎರಡನೆ ಮದುವೆ:ಕಾಮಿಡಿ ಜೀವನ ಸಾಕ್ಷಾತ್ಕಾರ
ಬಹುಶಃ ಇತ್ತೀಚೆಗೆ ಈ ಮಟ್ಟದ ಮನರಂಜನಾತ್ಮಕ ಚಿತ್ರ ಬಂದಿರಲಿಕ್ಕಿಲ್ಲ. ದಿನೇಶ್ ಬಾಬು ಮತ್ತೊಮ್ಮೆಗೆದ್ದಿದ್ದಾರೆ. ಹತ್ತರಲ್ಲಿ ಒಂಬತ್ತು ಕೆಟ್ಟ ಚಿತ್ರ ಮಾಡಿ, ಒಂದನ್ನುಚೆನ್ನಾಗಿ ಮಾಡು ತ್ತಾರೆ ಎನ್ನುವುದಕ್ಕೆ ಮತ್ತೊಂದು ಪ್ರತ್ಯಕ್ಷ ಪುರಾವೆ 'ಎರಡನೇ ಮದುವೆ'!
ಇಡೀ ಚಿತ್ರ ಪೋಷಕ ನಟರ ಸರೋವರ. ಇತ್ತ ಅನಂತನಾಗ್ ಅವರದ್ದು ಬೆಂಕಿಯಂಥ ನಟನೆ. ಅತ್ತ ಸುಹಾಸಿನಿ ಬಿರುಗಾಳಿ. ಶರಣ್ ನಿಂತಲ್ಲೇ ನಗಿಸುತ್ತಾರೆ. ನಗಿಸುತ್ತಾ ನಿಲ್ಲುತ್ತಾರೆ. ತಾರಾ ಬಹಳ ದಿನಗಳ ನಂತರ ಕಾಮಿಡಿ ಪಾತ್ರ ಮಾಡಿದ್ದಾರೆ.
ದ್ವಿತಿಯಾರ್ಧದಲ್ಲಿ ಶರಣ್-ತಾರಾ ಪರದೆ ಮೇಲೆ ಕಂಡರೆ ಜನ ನಗಲು ಶುರುಮಾಡುತ್ತಾರೆ. ನಗುತ್ತಲೇ ಇರುತ್ತಾರೆ. ಜೆನಿಫರ್ಗೆ ಹಲ್ಲು ಕಿರಿಯುವುದನ್ನು ಬಿಟ್ಟು ಮತ್ತೇನೂ ಗೊತ್ತಿಲ್ಲ. ಕತೆಯಲ್ಲಿ ಲಾಜಿಕ್ ಹುಡುಕುವ ಪ್ರಶ್ನೆಯೇ ಇಲ್ಲ. ಎರಡು ತಾಸು ಎಂಜಾಯ್ ಮಾಡಬೇಕು ಎಂದು ಬರುವವರಿಗೆಎರಡನೇ ಮದುವೆ ಮಸ್ತ್ ಮಜಾ ಕೊಡುತ್ತದೆ.
ಅಲ್ಲಲ್ಲಿ ಒಂದೊಂದು ಬ್ರೇಕ್ ಕೊಟ್ಟು ನಗಿಸುತ್ತದೆ. ಸುಸ್ತಾಗುವ ಹಂತಕ್ಕೆ ಸಿನಿಮಾ ಮುಗಿಯುತ್ತದೆ! ಅನಂತನಾಗ್ ಪಾತ್ರದ ಬಗ್ಗೆ ಕಾಮೆಂಟ್ ಮಾಡುವುದೇ ಕಷ್ಟ. ರಂಗಾಯಣ ರಘು ಎಂದಿನಂತೆ ನಗಿಸುತ್ತಾರೆ. ನೆನಪಿರಲಿ ಪ್ರೇಮ್ ಪಾತ್ರ ಕೊನೆತನಕ ಮರೆಯುವುದಿಲ್ಲ.
ರಾಜೇಂದ್ರ ಕಾರಂತ್ ಸಂಭಾಷಣೆ ಚಿತ್ರದ ಮತ್ತೊಂದು ವಿಶೇಷ. ಒಂದೇ ಮನೆಯ ಸುತ್ತ ನಡೆಯುವ ಘಟನೆಯನ್ನು ನವಿರಾಗಿ ಹೆಣೆಯುವುದರಲ್ಲಿ ದಿನೇಶ್ ಬಾಬು ಸಿದ್ಧ ಹಸ್ತರು.
ವರ್ಷದ ಹಿಂದೆ ಮಿಸ್ಟರ್ ಗರಗಸ ಚಿತ್ರಬಂದಿತ್ತು. ಈಗ 'ಎರಡನೇ ಮದುವೆ' ಸರದಿ. ಈಸ್ವಮೇಕ್ ಮದುವೆಯಲ್ಲಿ ಉಂಡೋನೇ ಜಾಣ !