Don't Miss!
- News Congress Candidates List : ಕಾಂಗ್ರೆಸ್ 2 ನೇ ಲಿಸ್ಟ್ ಗೆ ಕೌಂಟ್ ಡೌನ್ : ಯಾರ್ಯಾರಿಗೆ 'ಕೈ' ಟಿಕೆಟ್?
- Sports IPL 2024: ಐಪಿಎಲ್ ಆರಂಭಕ್ಕೂ ಮುನ್ನವೇ 'ಸೂಪರ್' ಭವಿಷ್ಯ; ಆರ್ಸಿಬಿ ಈ ಬಾರಿ ಕಪ್ ಗೆಲ್ಲುತ್ತದಾ? ಇಲ್ಲಿದೆ ಉತ್ತರ
- Finance ಬೆಂಗಳೂರಿನಿಂದ ಲಕ್ಷದ್ವೀಪಕ್ಕೆ ನೇರ ವಿಮಾನ ಸೇವೆ ಆರಂಭ, ದಿನಾಂಕ ವಿವರ
- Automobiles ರಾಂಗ್ ರೂಟ್ನಲ್ಲಿ ಬಂದು ಪ್ರಶ್ನಿಸಿದ ಬೈಕ್ ಸವಾರನಿಗೆ ಥಳಿಸಿದ ಕಾರು ಚಾಲಕ: ವಿಡಿಯೋ
- Lifestyle ಬಾಯಲ್ಲಿ ನೀರು ತರಿಸುವ ಮಸಾಲೆ ಮೊಟ್ಟೆ ಬುರ್ಜಿ ಮಾಡೋದು ಹೇಗೆ.? ತುಂಬಾ ಸಿಂಪಲ್ ರೆಸಿಪಿ
- Technology Best Coolers: ಭಾರತದಲ್ಲಿ 5 ಸಾವಿರಕ್ಕಿಂತ ಕಡಿಮೆ ಬೆಲೆಯಲ್ಲಿ ಲಭ್ಯ ಇರುವ ಅತ್ಯುತ್ತಮ ಕೂಲರ್ಗಳು! ಫೀಚರ್ಸ್ ಏನಿದೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ವಿಮರ್ಶೆ: ರೆಬೆಲ್ ತಾಯಿಗೆ ರೆಬೆಲ್ ಮಗ
Recommended Video
'ಒಳ್ಳೆ ಸಮಾಜ ಬೇಕು ಅಂದ್ರೆ ಯಾರಾದ್ರೂ ಕೋಪ ಮಾಡ್ಕೊಳ್ಳೇ ಬೇಕು'......ಇದೇ 'ತಾಯಿಗೆ ತಕ್ಕ ಮಗ' ಚಿತ್ರದ ಇಡೀ ಕಥೆ. ಮೊದಲ ದೃಶ್ಯದಿಂದ ಕೊನೆಯ ದೃಶ್ಯದವರೆಗೂ ಆಕ್ಷನ್ ಪ್ಯಾಕೇಜ್ ಮೂಲಕ ಪ್ರೇಕ್ಷರನ್ನ ರಂಜಿಸುವ ಆಕ್ಷನ್ ಸಿನಿಮಾ 'ತಾಯಿಗೆ ತಕ್ಕ ಮಗ'.
ರೆಬೆಲ್ ತಾಯಿಗೆ ರೆಬೆಲ್ ಮಗ
ಮೋಹನ್ ದಾಸ್ (ಅಜಯ್ ರಾವ್) ಗೆ ಅನ್ಯಾಯ ಕಂಡ್ರೆ ಆಗಲ್ಲ. ಅದು ಚಿಕ್ಕದೇ ಇರಲಿ, ದೊಡ್ಡದೇ ಇರಲಿ ಅನ್ಯಾಯ ಕಂಡ್ರೆ ಬೆಂಕಿಯಂತೆ ಸಿಡಿದೇಳುತ್ತಾನೆ. ಶಿವ ಮೂರನೇ ಕಣ್ಣು ಬಿಟ್ರೆ ಹೇಗೆ ಅಲ್ಲೋಲ ಕಲ್ಲೋಲ ಆಗುತ್ತೋ ಹಾಗೆ, ಮೋಹನ್ ದಾಸ್ ಗೆ ಕೋಪ ಬಂದ್ರೆ, ಅನ್ಯಾಯ ಮಾಡಿದವರು ಯಾರೇ ಆಗಲಿ ಅವರ ಕಥೆ ಮುಗಿತು ಅಂತಾನೆ ಅರ್ಥ. ಮಗನ ರೆಬೆಲ್ ಸಮಾಜ ಸೇವೆಗೆ ಸ್ಫೂರ್ತಿ ರೆಬೆಲ್ ತಾಯಿ ಪಾರ್ವತಿ (ಸುಮಲತಾ). ತನ್ನ ಮಗ ತನಗೆ ಮಾತ್ರ ಮಗನಲ್ಲ, ಸಮಾಜಕ್ಕೆ ಒಳ್ಳೆಯ ಮಗ ಎಂದು ಭಾವಿಸುವ ತಾಯಿ ಪಾರ್ವತಿ ಜನರಿಗೆ ಒಳ್ಳೆಯದು ಮಾಡು ಎಂದು ಬೆನ್ನ ಹಿಂದೆ ನಿಲ್ಲುತ್ತಾರೆ.
'ತಾಯಿಗೆ ತಕ್ಕ ಮಗ'ನ ಬಗ್ಗೆ ನೀವು ತಿಳಿಯಬೇಕಾದ ಆ 'ನಾಲ್ಕು' ಅಂಶಗಳು
ತಾಯಿಗೆ ತಕ್ಕ ಮಗ, ಮಗನಿಗೆ ತಕ್ಕ ತಾಯಿ
'ನಮ್ಮಮ್ಮ ಕಾನೂನು ಫಾಲೋ ಮಾಡ್ತಾರೆ, ನಾನು ನಮ್ಮಮ್ಮನ ಮಾತ್ರ ಫಾಲೋ ಮಾಡ್ತೀನಿ' ಇದು ಚಿತ್ರದ ಒಂದು ಡೈಲಾಗ್. ಈ ಡೈಲಾಗ್ ನಂತೆ ಮೋಹನ್ ದಾಸ್ ಗೆ ತಾಯಿಯೇ ಸರ್ವಸ್ವ. ಇಲ್ಲಿ ತಾಯಿ ಮತ್ತು ಮಗನ ಪ್ರೀತಿ, ವಾತ್ಸಲ್ಯ, ಮಮತೆ, ಕರ್ತವ್ಯ ಎಲ್ಲವೂ ಇದೆ. ಜನರಿಗೆ ನ್ಯಾಯ ಕೊಡಿಸುವುದು ತಾಯಿಯ ಕೆಲಸ. ತಾಯಿಗೆ ರಕ್ಷಣೆ ನೀಡುವುದು ಮಗನ ಕರ್ತವ್ಯ. ಇವರಿಬ್ಬರ ಜುಗಲ್ ಬಂದಿ ನೋಡೋದೇ ಒಂದು ಮಜಾ. ಇದೇ ಚಿತ್ರದ ಪ್ರಮುಖ ಆಕರ್ಷಣೆ.
'ತಾಯಿಗೆ ತಕ್ಕ ಮಗ' ಚಿತ್ರಕ್ಕೆ ಬೆಂಗಳೂರಿನಲ್ಲಿ ನಡೆದ ನೈಜ ಘಟನೆ ಪ್ರೇರಣೆ.?
ಸರಸ್ವತಿ ಪ್ರೀತಿಯ ಬಂಧನ
ಹೀಗೆ, ತಾಯಿ ಮಗನ ಜೀವನದಲ್ಲಿ ಎಂಟ್ರಿ ಕೊಡುವ ಹುಡುಗಿಯೇ ಸರಸ್ವತಿ (ಆಶಿಕಾ ರಂಗನಾಥ್). ಚಿತ್ರದ ಹೈವೋಲ್ಟೇಜ್ ಗ್ಲಾಮರ್ ಎನ್ನಬಹುದು. ಈ ಸಿನಿಮಾದಲ್ಲಿ ಅಷ್ಟು ಹಾಟ್ ಆಗಿ ಆಶಿಕಾ ಅಭಿನಯಿಸಿದ್ದಾರೆ. ಎಲ್ಲ ಲವ್ ಸ್ಟೋರಿಯಿಂತೆ ಇಲ್ಲಿಯೂ ಪ್ರೀತಿ, ಭಾವನೆ, ಬ್ರೇಕ್ ಅಪ್, ಹೀಗೆ ಎಲ್ಲವೂ ಇದೆ. ಹಾಗ್ನೋಡಿದ್ರೆ, ಅಜಯ್-ಆಶಿಕಾ ಜೋಡಿ ಕ್ಯೂಟ್ ಆಗಿದೆ.
'ತಾಯಿಗೆ ತಕ್ಕ ಮಗ'ನ ಜೊತೆ 'ರಾಘು' ಮೊದಲ ಹೆಜ್ಜೆ
ಸ್ಕ್ರಿಪ್ಟ್ ಗೆ ಬಲ ಬೇಕಿತ್ತು
ಸಿನಿಮಾದಲ್ಲಿ ಹೇಳಿರುವ ಅಂಶಗಳು ಚೆನ್ನಾಗಿದೆ. ಆದ್ರೆ, ಅದನ್ನ ಪ್ರೆಸೆಂಟ್ ಮಾಡುವಾಗ ಕೆಲವು ಕಡೆ ನೈಜತೆ ಕಾಣುವುದಿಲ್ಲ. ಸ್ಕ್ರಿಪ್ಟ್ ನಲ್ಲಿ ಇನ್ನಷ್ಟು ರೋಚಕತೆ ಬೇಕಿತ್ತು. ಜ್ವಾಲಾಮುಖಿಯಂತಿದ್ದ ಹೀರೋ ಪುಡಿರೌಡಿಗಳಿಗೆ ಎದುರಿ ಮನೆಯೊಳಗೆ ಅಸಹಾಯಕನಾಗಿ ಕೂರುವುದನ್ನ ಸಹಿಸಲಾಗುವುದಿಲ್ಲ. ಇನ್ನು ಮನೆಯೊಳಗೆ ಮತ್ತು ಹೊರಗೆ ನಡೆಯುವ ಟಾಮ್ ಅಂಡ್ ಜೆರಿ ಆಟ ಇಂತಹ ಟೈಮಲ್ಲಿ ಇದೆಲ್ಲಾ ಬೇಕಾ ಎನಿಸುತ್ತೆ. ಕೆಲವೊಮ್ಮೆ ಈ ಚಿತ್ರವನ್ನ ಶಶಾಂಕ್ ನಿರ್ದೇಶನ ಮಾಡಿದ್ದಾರಾ ಎಂಬ ಅನುಮಾನ ಕೂಡ ಮೂಡುತ್ತೆ. ಅಂತಿಮವಾಗಿ ಒಂದೊಳ್ಳೆ ಸಂದೇಶ ನೀಡುವ ಸಿನಿಮಾದ ಶ್ರಮವನ್ನ ಅಲ್ಲೆಗಳೆಯುವಂತಿಲ್ಲ.
ನಟಿ ಸುಮಲತಾ ಟ್ಯಾಟೂ ಹಾಕಿಸಿಕೊಂಡ ಅಜಯ್ ರಾವ್
ಇನ್ನುಳಿದಂತೆ ಸಿನಿಮಾದಲ್ಲಿ ಏನಿದೆ.?
ಅಧಿಕಾರ ದಾಹಕ್ಕಾಗಿ ಏನೂ ಬೇಕಾದರು ಮಾಡುವ ರಾಜಕಾರಣಿ, ಗಣ್ಯ ವ್ಯಕ್ತಿಯ ಮಗ ಎಂಬ ಕಾರಣಕ್ಕೆ ಸಾಮಾನ್ಯ ಜನರನ್ನ ಹಿಂಸಿಸುವ ಕ್ರೂರಿ ಯುವಕ (ಭಜರಂಗಿ ಲೋಕಿ), ಇವರ ವಿರುದ್ಧ ತಾಯಿ ಮತ್ತು ಮಗನ ಹೋರಾಟ. ಈ ಮಧ್ಯೆ ಆಗಾಗ ಬರುವ ಸಾಧುಕೋಕಿಲಾ ಕಾಮಿಡಿ ಕೊಂಚ ಮಟ್ಟಿಗೆ ಕಚಕುಳಿ ನೀಡುತ್ತೆ. ಇದರ ಮಧ್ಯೆ ನಾಲ್ಕೈದು ಜಬರ್ ದಸ್ತ್ ಫೈಟ್ ಆಕ್ಷನ್ ಪ್ರಿಯರಿಗೆ ಜೋಶ್ ನೀಡುತ್ತೆ. ಅಗಾಗಾ ಬರುವ ಹಾಡುಗಳು ಕೂಡ ನೋಡುಗರಿಗೆ ಖುಷಿ ನೀಡುತ್ತೆ. ಸಿನಿಮಾಟೋಗ್ರಫಿ (ಶೇಖರ್ ಚಂದ್ರ), ಸಂಗೀತವೂ (ಜುಡಾ ಸ್ಯಾಂಡಿ) ಚಿತ್ರಕ್ಕೆ ಪೂರಕವಾಗಿದೆ.
ಕೊನೆಯದಾಗಿ ಹೇಳುವುದೇನು...
ಶಶಾಂಕ್ ಸಿನಿಮಾಗಳಲ್ಲಿ ಎಲ್ಲಾ ವರ್ಗದ ಪ್ರೇಕ್ಷಕರು ನೋಡಬಹುದಾದ ಅಂಶಗಳು ಇರುತ್ತೆ. ಇದು ಅಂತಹದ್ದೇ ಸಿನಿಮಾ.ಸಿಂಪಲ್ ಕಥೆಯನ್ನ ಕಮರ್ಷಿಯಲ್ ಆಗಿ ಪ್ರೆಸೆಂಟ್ ಮಾಡಿದ್ದಾರೆ. ಅಜಯ್ ರಾವ್ ಅವರನ್ನ ಇಷ್ಟು ದಿನ ಲವರ್ ಬಾಯ್ ಆಗಿದ್ದ ನೋಡಿದವರಿಗೆ 'ತಾಯಿಗೆ ತಕ್ಕ ಮಗ' ಸರ್ಪ್ರೈಸ್ ಪ್ಯಾಕೇಜ್.