'ಗಾಳಿಪಟ 2' ಮೂಲಕ ಹಿಟ್ ಬಾರಿಸಿದ್ದ ಗಣೇಶ್ ಅಭಿನಯದ 'ತ್ರಿಬಲ್ ರೈಡಿಂಗ್' ಗೆಲ್ತಾ, ಸೋಲ್ತಾ?

ಹಿಟ್ ಸಿನಿಮಾ

ಗಣೇಶ್ ಅಭಿನಯದ ತ್ರಿಬಲ್ ರೈಡಿಂಗ್ ವೀಕ್ಷಿಸಿದ ಪ್ರಸನ್ನ ಕಶ್ಯಪ್ ಎಂಬ ಸಿನಿರಸಿಕ ಚಿತ್ರವನ್ನು ಹಿಟ್ ಎಂದು ಬರೆದು ಟ್ವೀಟ್ ಮಾಡಿದ್ದಾರೆ. ವಿಶೇಷವಾಗಿ ಚಿತ್ರದ ಕಾಮಿಡಿಗೆ 5ಕ್ಕೆ 4 ಅಂಕಗಳನ್ನು ಕೊಟ್ಟಿರುವ ಇವರು ಚಿತ್ರವನ್ನು ಚಿತ್ರಮಂದಿರಗಳಲ್ಲಿ ವೀಕ್ಷಿಸಬಹುದು ಎಂದಿದ್ದಾರೆ.

ಕಾಮಿಡಿ ಎಂಟರ್‌ಟೈನರ್

ದೀಕ್ಷಾ ಶೇಖರ್ ಎಂಬ ಚಿತ್ರ ಪ್ರೇಕ್ಷಕಿ ತ್ರಿಬಲ್ ರೈಡಿಂಗ್ ವೀಕ್ಷಿಸಿದ ನಂತರ ಚಿತ್ರದ ಕುರಿತು ಟ್ವೀಟ್ ಮಾಡಿದ್ದು ಇದೊಂದು ಪಕ್ಕಾ ಕಾಮಿಡಿ ಎಂಟರ್‌ಟೈನರ್ ಎಂದಿದ್ದಾರೆ. ಚಿತ್ರ ಎಂಗೇಜಿಂಗ್ ಆಗಿ ಇದ್ದು, ಕಥೆಯಲ್ಲಿನ ತಿರುವುಗಳು ಚೆನ್ನಾಗಿವೆ ಮತ್ತು ಚಿತ್ರದ ಹಾಡುಗಳು ಹಾಗೂ ಛಾಯಾಗ್ರಾಹಣ ಸೂಪರ್‌ ಎಂದು ಬರೆದುಕೊಂಡಿದ್ದಾರೆ.

ಗಣೇಶ್ ಕೆರಿಯರ್‌ನ ದೊಡ್ಡ ರಿಲೀಸ್

ಇನ್ನು ಇಲ್ಲಿಯವರೆಗೂ ಬಿಡುಗಡೆಗೊಂಡಿರುವ ಗಣೇಶ್ ಅಭಿನಯದ ಎಲ್ಲಾ ಚಿತ್ರಗಳಿಗಿಂತ ತ್ರಿಬಲ್ ರೈಡಿಂಗ್ ಅತಿಹೆಚ್ಚು ಚಿತ್ರಮಂದಿರಗಳಲ್ಲಿ ಬಿಡುಗಡೆಗೊಂಡು ಚಿತ್ರ ಎನಿಸಿಕೊಂಡಿದೆ. ಇಂದು ( ನವೆಂಬರ್ 25 ) 300ಕ್ಕೂ ಹೆಚ್ಚು ಚಿತ್ರಮಂದಿರಗಳಲ್ಲಿ ತ್ರಿಬಲ್ ರೈಡಿಂಗ್ ತೆರೆ ಕಂಡಿದೆ. ಬೆಂಗಳೂರಿನ ಕೆಜಿ ರಸ್ತೆಯ ಮುಖ್ಯ ಚಿತ್ರಮಂದಿರ ನರ್ತಕಿಯಲ್ಲಿ ತೆರೆಕಂಡಿರುವ ತ್ರಿಬಲ್ ರೈಡಿಂಗ್ ಬೆಂಗಳೂರು ನಗರದಲ್ಲಿ ಮೊದಲ ದಿನ 238 ಪ್ರದರ್ಶನ ಕಂಡಿದೆ. ಇಂದು ಬೆಂಗಳೂರಿನಲ್ಲಿ ಪ್ರದರ್ಶನಗೊಳ್ಳುತ್ತಿರುವ ಎಲ್ಲಾ ಚಿತ್ರಗಳಿಗಿಂತ ತ್ರಿಬಲ್ ರೈಡಿಂಗ್ ಹೆಚ್ಚು ಪ್ರದರ್ಶನಗಳನ್ನು ಪಡೆದುಕೊಂಡಿದೆ.

ನವೆಂಬರ್ 25ರಂದು ಬೆಂಗಳೂರಿನಲ್ಲಿ ವಿವಿಧ ಚಿತ್ರಗಳು ಪಡೆದ ಪ್ರದರ್ಶನಗಳ ಸಂಖ್ಯೆ

ತ್ರಿಬಲ್ ರೈಡಿಂಗ್: 238 ಪ್ರದರ್ಶನಗಳು

ಭೇದಿಯಾ: 206 ಪ್ರದರ್ಶನಗಳು

ದೃಶ್ಯಂ 2 : 178 ಪ್ರದರ್ಶನಗಳು

ರೇಮೊ : 103 ಪ್ರದರ್ಶನಗಳು

ವಾಕಂಡಾ ಫಾರೆವರ್ : 90 ಪ್ರದರ್ಶನಗಳು

ಕಾಂತಾರ : 72 ಪ್ರದರ್ಶನಗಳು