Click it and Unblock the Notifications
Don't Miss!
-
Bengaluru Rain: ಸುದೀರ್ಘ ಕಾಯುವಿಕೆ ಅಂತ್ಯ: ಬೆಂಗಳೂರಿಗೆ ಎಂಟ್ರಿ ಕೊಟ್ಟ ಮಳೆ; ವಿಡಿಯೋ ನೋಡಿ -
ಹ್ಯುಂಡೈನ ಈ ಕಾರಿಗೆ ಭಾರತದಲ್ಲಿ ಭರ್ಜರಿ ಡಿಸ್ಕೌಂಟ್: ಇದಕ್ಕಿಂತ ಉತ್ತಮ ಆಫರ್ ಸದ್ಯಕ್ಕಿಲ್ಲ! -
5 ನಿಮಿಷದಲ್ಲಿ ಪಾತ್ರೆಯನ್ನು ಹೊಳೆಯುವಂತೆ ಮಾಡಿ..! ಸುಲಭದ ಟಿಪ್ಸ್ ಇಲ್ಲಿದೆ -
oneplus: ಒನ್ಪ್ಲಸ್ನಿಂದ ಫ್ಲ್ಯಾಗ್ಶಿಪ್ ಕ್ಯಾಮೆರಾ ಸೌಲಭ್ಯದೊಂದಿಗೆ ಫ್ಲಿಪ್ ಫೋನ್! -
LSG vs CSK IPL 2024: ಲಕ್ನೋ vs ಚೆನ್ನೈ ಪಂದ್ಯದ ವರದಿ, ಫ್ಯಾಂಟಸಿ ಡ್ರೀಮ್ ಟೀಂ, ಸಂಭಾವ್ಯ ಆಡುವ 11ರ ಬಳಗ -
n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
Avatar 2 Twitter Review: 3 ಗಂಟೆ ಸಿನಿಮಾ ಬೋರ್ ಹೊಡೆಸುತ್ತಾ? ಮಜಾ ಕೊಡುತ್ತಾ?
ಜೇಮ್ಸ್ ಕ್ಯಾಮರೂನ್ ನಿರ್ದೇಶನದ 'ಅವತಾರ್ -2' ಸಿನಿಮಾ ತೆರಗಪ್ಪಳಿಸಿ ಸದ್ದು ಮಾಡ್ತಿದೆ. ತ್ರೀ ಕನ್ನಡಕದಲ್ಲಿ ಸಿನಿಮಾ ನೋಡಿದವರು ಥ್ರಿಲ್ ಆಗಿದ್ದಾರೆ. ಬೆಳಗ್ಗೆ 7 ಗಂಟೆಯಿಂದಲೇ ದೇಶಾದ್ಯಂತ ಸಿನಿಮಾ ಪ್ರದರ್ಶನ ಶುರುವಾಗಿದೆ. ಸಿನಿಮಾ ನೋಡಿದವರ ಟ್ವಿಟ್ಟರ್‌ನಲ್ಲಿ ತಮ್ಮ ರಿವ್ಯೂ ಬರೆಯುತ್ತಿದ್ದಾರೆ.
ದೇಶ್ಯಾದ್ಯಂತ 3800ಕ್ಕೂ ಅಧಿಕ ಸ್ಕ್ರೀನ್‌ಗಳಲ್ಲಿ 'ಅವತಾರ್ -2' ರಿಲೀಸ್ ಆಗಿದೆ. ಪ್ರತಿದಿನ 17 ಸಾವಿರ ಶೋಗಳು ಪ್ರದರ್ಶನವಾಗುತ್ತಿದೆ. ರಿಲೀಸ್‌ಗೂ ಮೊದಲೇ ದೇಶದಲ್ಲಿ ಅಡ್ವಾನ್ಸ್ ಬುಕ್ಕಿಂಗ್‌ನಿಂದ ಸಿನಿಮಾ 12 ಕೋಟಿಗೂ ಅಧಿಕ ಕಲೆಕ್ಷನ್ ಮಾಡಿತ್ತು. ಅಡ್ವಾನ್ಸ್ ಬುಕ್ಕಿಂಗ್ ಚೆನ್ನಾಗಿ ಇದ್ದಿದ್ದರಿಂದ ಚಿತ್ರಕ್ಕೆ ಒಳ್ಳೆ ಓಪನಿಂಗ್ ಕೂಡ ಸಿಕ್ಕಿದೆ. ಬೆಳ್ಳಂಬೆಳಗ್ಗೆ ಜೇಮ್ಸ್ ಕ್ಯಾಮರೂನ್ ದೃಶ್ಯಕಾವ್ಯ ಕಣ್ತುಂಬಿಕೊಂಡು ಪ್ರೇಕ್ಷಕರು ಥಿಯೇಟರ್‌ಗಳಿಂದ ಹೊರ ಬರುತ್ತಿದ್ದಾರೆ.
ವಾರಕ್ಕೂ ಮೊದಲೇ ದೇಶ ವಿದೇಶಗಳಲ್ಲಿ ಕೆಲವೆಡೆ ಸಿನಿಮಾ ಪ್ರೀಮಿಯರ್‌ ಶೋಗಳು ಶುರುವಾಗಿತ್ತು. 13 ವರ್ಷಗಳ ನಂತರ 'ಅವತಾರ್' ಸೀಕ್ವೆಲ್ ಪ್ರೇಕ್ಷಕರ ಮುಂದೆ ಬಂದಿದೆ. ಹಾಗಾಗಿ ಪ್ರೀಕ್ವೆಲ್ ನೋಡಿದವರು ಸೀಕ್ವೆಲ್‌ಗಾಗಿ ಚಾತಕ ಪಕ್ಷಿಗಳಂತೆ ಕಾಯುತ್ತಿದ್ದರು. ಸಿನಿಮಾ ನೋಡಿದವರ ಟ್ವಿಟ್ಟರ್ ರಿವ್ಯೂ ಮುಂದೆ ಓದಿ.
ಜೇಮ್ಸ್ ಕ್ಯಾಮರೂನ್‌ಗೆ ಹ್ಯಾಟ್ಸಾಫ್
ಕುಮಾರ್ ಸ್ವಾಯಮ್ ಎನ್ನುವವರು ಟ್ವೀಟ್ ಮಾಡಿ "ಅವತಾರ್- 2 ಉತ್ತಮವಾದ ಬರವಣಿಗೆ, ವಿಷ್ಯುವಲ್ಸ್ ಅಂತೂ 100% ಅದ್ಭುತ, ಚಿತ್ರದ ದೀರ್ಘ ಕಾಲಾವಧಿ ನನಗೆ ಸಮಸ್ಯೆ ಅನ್ನಿಸಲಿಲ್ಲ. ಜೇಮ್ಸ್ ಕ್ಯಾಮರೂನ್ ಹ್ಯಾಟ್ಸಾಫ್, ಇಷ್ಟು ದಿನ ಕಾದಿದ್ದಕ್ಕೂ ತೃಪ್ತಿ ಆಯಿತು. ಸಿನಿಮಾ ಬಗ್ಗೆ ಬರುವ ಮೊದಲ ವಿಮರ್ಶೆಗಳೇ ಬೇರೆ. ಸಿನಿಮಾ ನೋಡಿದ ಸಾಮಾನ್ಯ ಪ್ರೇಕ್ಷಕರ ಅನುಭವವೇ ಬೇರೆ ಎನ್ನುವುದು ಮತ್ತೊಮ್ಮೆ ಸಾಬೀತಾಗುತ್ತಿದೆ.
ಪ್ಲಸ್‌ ಪಾಯಿಂಟ್
1. ವಿಷ್ಯುವಲ್ಸ್
2. ಎಮೋಷನಲ್ ಕಂಟೆಂಟ್
3. ಕಥೆ
4. ಚಿತ್ರಕಥೆ
5. ಮ್ಯೂಸಿಕ್
ಮೈನಸ್ ಪಾಯಿಂಟ್
ಏನು ಇಲ್ಲ, ಎಂದು ಬರೆದುಕೊಂಡಿದ್ದಾರೆ.
ಸಿನಿಮಾ ಕಟ್ಟಿಹಾಕಿ ಬಿಡುತ್ತದೆ
ರಾಜ್‌ಶೇಖರ್ ಎನ್ನುವ ಮತ್ತೊಬ್ಬರು "ಅವತಾರ್-2 ಫಸ್ಟ್ ಹಾಫ್ ಅದ್ಭುತ, ಜೇಮ್ಸ್ ಕ್ಯಾಮರೂನ್ ಸೃಷ್ಟಿಸಿರುವ ಪ್ರಪಂಚ, ಅದರಲ್ಲೂ ನೀರಿನ ಆಳದ ಸನ್ನಿವೇಶಗಳು ಚಿಂದಿ. ಜೇಕ್ ಸುಲ್ಲಿ ಹಾಗೂ ಅವನ ಕುಟುಂಬದ ನಡುವಿನ ಭಾವನಾತ್ಮಕ ಅನುಬಂಧ ನಮ್ಮ ಕಟ್ಟಿಹಾಕಿಬಿಡುತ್ತದೆ. ನಿಜಕ್ಕೂ ಸಿನಿಮಾ ಅದ್ಭುತ" ಎಂದಿದ್ದಾರೆ.
ತಪ್ಪದೇ ನೋಡಬೇಕಾದ ಸಿನಿಮಾ
"ಜೇಮ್ಸ್ ಕ್ಯಾಮರೂನ್ ಈ ಚಿತ್ರವನ್ನು ಮತ್ತೊಂದು ಗ್ರಹದ ಮೇಲೆ ಕಟ್ಟಿಕೊಟ್ಟಿದ್ದಾರೆ ಎಂದು ನಾನು ನಂಬಿಬಿಟ್ಟೆ. ಸಿನಿಮಾ ಅದ್ಭುತ ಮತ್ತು ಸಿನಿಮಾ ನೋಡುತ್ತಾ ಕಳೆದು ಹೋಗಿದ್ದೆ. ಸಿನಿಮಾದಲ್ಲಿ ತಲ್ಲೀನಾಗಿ ಹೋಗಿದ್ದೆ. 13 ವರ್ಷಗಳ ಹಿಂದೆ ಬಂದ 'ಅವತಾರ್' ಇದು ಕೂಡ ಒಂದು ಸಿನಿಮ್ಯಾಟಿಕ್ ಅದ್ಭುತ. ತಪ್ಪದೇ ನೋಡಲೇಬೇಕಾದ ಸಿನಿಮಾ" ಎಂದು ಮತ್ತೊಬ್ಬ ನೆಟ್ಟಿಗ ಬರೆದಿದ್ದಾನೆ.
ಕಥೆಯಲ್ಲಿ ಕೊಂಚ ಧಮ್ ಇಲ್ಲ
"ನಾನು ಈವರೆಗೆ ನೋಡದ ಅದ್ಭುತ ವಿಎಫ್‌ಎಕ್ಸ್‌ನಿಂದ 'ಅವತಾರ್- 2' ಬಹಳ ರೋಚಕ ಮತ್ತು ಅಷ್ಟೇ ಸುಂದರವಾಗಿದೆ. ನಾನು ತ್ರಿಡಿಯಲ್ಲಿ ನೋಡಿದ್ದು. ಪ್ರೀಕ್ವೆಲ್‌ಗೆ ಹೋಲಿಸಿದರೆ ಕಥೆಯಲ್ಲಿ ಕೊಂಚ ಧಮ್ ಇಲ್ಲ ಎನ್ನಿಸುತ್ತದೆ. 3 ಗಂಟೆಗಳ ಕಾಲಾವಧಿ ಕೊಂಚ ಜಾಸ್ತಿ ಆಯಿತು ಅನ್ನಿಸದೇ ಇರುವುದಿಲ್ಲ. ಆದರೆ ಒಟ್ಟಾರೆಯಾಗಿ ನೋಡಿದರೆ ಸಿನಿಮಾ ಬಹಳ ಚೆನ್ನಾಗಿದೆ. ಕೊನೆ ಒಂದು ಗಂಟೆ ಅಂತೂ ಅದ್ಭುತ" ಎಂದು ಇನ್ನೊಬ್ಬರು ಟ್ವೀಟ್ ಮಾಡಿದ್ದಾರೆ.
