'ಹಾಫ್ ಮೆಂಟ್ಲು' ನೋಡಿ ವಿಮರ್ಶಕರು ಏನಂದ್ರು?

ನೋಡಿದವರಿಗೆ 'ಹಾಫ್ ಮೆಂಟ್ಲು'- ವಿಜಯ ಕರ್ನಾಟಕ

ಸಂದೀಪ್‌ ಗೌಡ ಮತ್ತು ಸೋನು ಗೌಡ ನಾಯಕ ನಾಯಕಿಯಾಗಿ ನಟಿಸಿರುವ ಈ ಚಿತ್ರದ ಕತೆ ಏನು ಎನ್ನುವುದನ್ನು ಚಿತ್ರದ ಹೆಸರೇ ಹೇಳಿಬಿಡುತ್ತದೆ. ನಾಯಕ ಅರೆ ಹುಚ್ಚನೋ, ಬುದ್ಧಿಮಾಂದ್ಯನೋ ಎಂಬ ಅನುಮಾನಗಳನ್ನು ಇಟ್ಟುಕೊಂಡೇ ಸಿನಿಮಾ ನೋಡಬೇಕಾಗುತ್ತದೆ. ನಾಯಕನಿಗೆ ಎಲ್ಲರಂತೆ ಸಹಜವಾಗಿ ಯೋಚಿಸುವ ಶಕ್ತಿ ಇಲ್ಲ. ತಿಳಿವಳಿಕೆಯೂ ಕಮ್ಮಿ. ಕೆಲ ಸಂದರ್ಭಗಳಲ್ಲಿ ಮಗುವಿನಂತೆ ಯೋಚಿಸುತ್ತಾನೆ. ತಾಯಿಯನ್ನು ಅನಾಥ ಆಶ್ರಮದಲ್ಲಿ ಬಿಟ್ಟು ತಾನು ಒಂಟಿಯಾಗಿದ್ದುಬಿಡುವ ಇವನಿಗೆ ಸುಂದರ ಹುಡುಗಿ ಮಧು ಎಂಬುವವಳ ಜತೆ ಲವ್‌ ಆಗುತ್ತದೆ! ಕೈ ಮೇಲೆ ಅವಳ ಹೆಸರನ್ನೇ ಟ್ಯಾಟೋ ಹಾಕಿಸಿಕೊಂಡು ಅವಳನ್ನು ಕಾಪಾಡುತ್ತಾನೆ. ಕೆಟ್ಟ ದೃಷ್ಟಿಯಲ್ಲಿ ಅವಳನ್ನು ನೋಡುವವರನ್ನು ತದುಕುತ್ತಾನೆ.- ಪದ್ಮಾ ಶಿವಮೊಗ್ಗ.

'ಅರೆಬೆಂದ 1/2 ಮೆಂಟಲ್ಲಾಗ್ ಒಂದು ಲವ್ ಸ್ಟೋರಿ'- ಕನ್ನಡ ಪ್ರಭ

ನಾಯಕ ನಟ ಪ್ರೀತಿಗೆ ಬಿದ್ದ 14ನೇ ದಿನ ಹೂ ಕೊಳ್ಳಲು ಹೋದಾಗ, ಹೂವು ಮಾರುವ ಮಹಿಳೆ ಮಲ್ಲಿಗೆ ಕೊಳ್ಳಲು ಹೇಳುತ್ತಾಳೆ. ಮಲ್ಲಿಗೆ ಹೂವು ಕಾಮದ ಸಂಕೇತ, ರೋಸ್ ಪ್ರೀತಿಯ ಸಂಕೇತ ಎಂದು ಭಾಷಣ ಬಿಗಿಯುವ ನಾಯಕನಿಗೆ, ಮಲ್ಲಿಗೆ ಹೂವು ಕೊಂಡು ಪಲ್ಲಂಗದ ಮೇಲೆ ಗಂಡಸಾಗ್ತೀಯೋ ಅಥವಾ ಗುಲಾಬಿ ಹಿಡಿದು ಗೆಣಸಾಗ್ತೀಯೋ ಯೋಚನೆ ಮಾಡು ಎನ್ನುವ ಮಹಿಳೆಯ ಮಾತುಗಳು ಸಿನಿಮಾಗೆ ಮೂಡ್ ಸೆಟ್ ಮಾಡುತ್ತವೆ. ಅಲ್ಲಿಂದ ಆರಂಭವಾಗುವ 'ಹಾಫ್ ಮೆಂಟ್ಲು' ನಾಯಕ ನಟನ ಸ್ವಗತಕ್ಕೆ, ಹುಚ್ಚು ಪ್ರೀತಿಗೆ ಮೊದಲೆಲ್ಲಿ ಕೊನೆಯೆಲ್ಲಿ?.

'ಪಾಗಲ್ ಪ್ರೇಮಿಯ ಪರಿಶುದ್ಧ ಕನವರಿಕೆ' - ಉದಯವಾಣಿ

ಸ್ಮಶಾನದ ಗೇಟು ಪಕ್ಕದಲ್ಲಿ 'ಮ್ಯಾನ್ ಬಿಹೈಂಡ್ ಫೀಲಿಂಗ್ಸ್' ಎಂಬ ಟ್ಯಾಗ್ ಲೈನ್ ಇಟ್ಟು ಇಂಟರ್ ವಲ್ ಬರುತ್ತದೆ. ಅಲ್ಲಿಗೆ ಇದು ದೆವ್ವದ ಜೊತೆಗಿನ ಲವ್ ಸ್ಟೋರಿನಾ ಅಥವಾ ಮತ್ತೆ 'ಆತ್ಮ' ಆಟವೋ ಎಂಬ ಸಣ್ಣ ಅನುಮಾನ ಪ್ರೇಕ್ಷಕರಲ್ಲಿ ಮೂಡುತ್ತದೆ. ಇಂಟರ್ ವಲ್ ನಲ್ಲಿ ಹೊಟ್ಟೆ ತಣ್ಣಗೆ ಮಾಡಿಕೊಂಡು ಬಂದು ಕೂತ ಪ್ರೇಕ್ಷಕನ ಲೆಕ್ಕಾಚಾರ ಉಲ್ಟಾ ಆಗಿರುತ್ತದೆ. ಅದೃಷ್ಟವಶಾತ್, ಇದು ದೆವ್ವದ, ಆತ್ಮದ ಸಿನಿಮಾವಂತೂ ಆಗಿರೋದಿಲ್ಲ. ನೇರಾನೇರ ಒಂದು ಲವ್ ಸ್ಟೋರಿ. ಹಾಗಾದರೆ ಸ್ಮಶಾನದ ಎದುರು ನಾಯಕ ಯಾಕೆ ಹೋಗುತ್ತಾನೆಂದು ನೀವು ಕೇಳಬಹುದು. ಅಷ್ಟೊಂದು ಕುತೂಹಲವಿದ್ದರೆ ನೀವು ಸಿನಿಮಾ ನೋಡಿ. - ರವಿಪ್ರಕಾಶ್ ರೈ.

'Psycho-Stalker Strikes Again' - The Hindu

Through a string of double entendre dialogues and the droning voice of the hero, the filmmaker tells us that when men fall in love, it is pure and real, while women first fall for the man's money and walk all over his feelings. There is a ridiculous dialogue in the film where another jilted lover says that men are like idlis, hence pure; women are like dosas (nobody knows what this metaphor is supposed to mean but the man was serious about it when he said it.) Half Mentalu, with its half-baked plot and misunderstood idea of love drives you mad, for sure.