ಟ್ವಿಟ್ಟರ್ ವಿಮರ್ಶೆ: 'ರಾಜರಥ' ನೋಡಿ ಬಂದವರ ಕಥೆ ಮತ್ತು ವ್ಯಥೆ

ಜನ ಮೆಚ್ಚಿದ ರಾಜರಥ

''ರಾಜರಥ ನೋಡಲು ತುಂಬಾ ಚೆನ್ನಾಗಿದೆ. ಅನೂಪ್ ಭಂಡಾರಿ ಸುಪ್ರೀಂ ಮತ್ತು ನಿರೂಪ್ ಭಂಡಾರಿಯ ಮುಗ್ದತೆ ಚಿತ್ರಕ್ಕೆ ಶಕ್ತಿ ತುಂಬಿದೆ. ಹಿನ್ನೆಲೆ ಸಂಗೀತ ಸೂಪರ್ ಆಗಿದೆ'' ಎಂದು ಚಿತ್ರತಂಡಕ್ಕೆ ಶುಭಕೋರಿದ್ದಾರೆ.

ಫ್ರೆಶ್ 'ರಾಜರಥ' ಇಷ್ಟವಾಯಿತು

''ಅನೂಪ್ ಭಂಡಾರಿಯ ರಾಜರಥ ಫ್ರೆಶ್ ಆಗಿದೆ. ಕಾಮಿಡಿ ಇಷ್ಟವಾಗುತ್ತೆ. ತಾಂತ್ರಿಕವಾಗಿ ಸಿನಿಮಾ ಗೆದ್ದಿದೆ. ಚಿತ್ರಕಥೆ ಎಲ್ಲದಕ್ಕಿಂತ ಉತ್ತಮವಾಗಿದೆ. ಅಂತಿಮವಾಗಿ ಹೇಳುವುದಾದರೇ ಸಿನಿಮಾ ಆವರೇಜ್ ಎನಿಸಿಕೊಳ್ಳುತ್ತೆ'' ಎಂದು ಪ್ರೇಕ್ಷಕರೊಬ್ಬರು ಕಾಮೆಂಟ್ ಮಾಡಿದ್ದಾರೆ.

ಗ್ರೇಟ್ ಫರ್ಫಾಮೆನ್ಸ್ ನಿರೂಪ್

ರಾಜರಥ ಸಿನಿಮಾ ನಿನ್ನೆಯೇ ಪ್ರಿಮಿಯರ್ ಶೋ ಕಂಡಿದೆ. ಹೀಗಾಗಿ, ಕಳೆದ ರಾತ್ರಿಯೇ ಹೆಚ್ಚು ಜನ ಸಿನಿಮಾ ನೋಡಿ ಖುಷಿಪಟ್ಟಿದ್ದಾರೆ. ''ರಾಜರಥ ಚಿತ್ರದಲ್ಲಿ ನಿರೂಪ್ ಭಂಡಾರಿ ಗ್ರೇಟ್ ಫರ್ಫಾಮೆನ್ಸ್ ನೀಡಿದ್ದಾರೆ. ಸಿನಿಮಾ ತುಂಬ ಇಷ್ಟವಾಯಿತು.

ಮ್ಯಾಜಿಕ್ ಮಾಡಲಿಲ್ಲ

'ರಾಜರಥ' ಚಿತ್ರವನ್ನ ನೋಡಿ ಮೆಚ್ಚಿಕೊಳ್ಳದವರು ಇದ್ದಾರೆ. ''ಸಿನಿಮಾ ನೋಡಿ ತುಂಬಾ ಬೇಸರವಾಗಿದೆ. ರಂಗಿತರಂಗ ಮಾಡಿದಂತೆ ಮ್ಯಾಜಿಕ್ ಮಾಡಲು ಈ ಸಿನಿಮಾ ವಿಫಲವಾಗಿದೆ. ಮೊದಲಾರ್ಧ ಚಿತ್ರದ ಪಾತ್ರಗಳನ್ನ ಪರಿಚಯ ಮಾಡುವಲ್ಲಿಯೇ ಕಳೆದುಹೋಗುತ್ತೆ. ಅಷ್ಟರಲ್ಲೇ ವಿರಾಮ. ತಾಳ್ಮೆ ಕಳೆದು ಹೋಗುತ್ತೆ. ಕಾಮಿಡಿ ಹೆಸರಿನಲ್ಲಿ ಬೋರ್ ಆಗಿತ್ತೆ'' ಎಂದು ಪ್ರೇಕ್ಷಕರು ಬೇಸರ ಹೊರಹಾಕಿದ್ದಾರೆ.

ತುಂಬಾ ಬೇಸರ ಆಗಿದೆ

'ರಾಜರಥ' ಸಿನಿಮಾವನ್ನ ನೋಡಿ ತುಂಬಾ ಬೇಸರವಾಗಿದೆ. ಚಿತ್ರದಲ್ಲಿ ಯಾವುದೇ ಒಂದೇ ಒಂದು ಅಂಶವೂ ಗಮನ ಸೆಳೆಯುವುದಿಲ್ಲ. ಚಿತ್ರದ ಕಥೆ ತುಂಬ ವೀಕ್ ಆಗಿದೆ'' ಎಂದು ಮತ್ತೊಬ್ಬ ಪ್ರೇಕ್ಷಕ ಬೇಸರ ವ್ಯಕ್ತಪಡಿಸಿದ್ದಾರೆ.