'ಕಾಲಾ' ಮೊದಲ ವಿಮರ್ಶೆ: 4 ಸ್ಟಾರ್ ಕೊಟ್ಟ ದುಬೈ ವಿಮರ್ಶಕ, ಹೇಗಿದೆ.?

ರಜನಿಗೆ ಹೊಸ ಮಾರ್ಕೆಟ್ ಸೃಷ್ಠಿಸಿದ ಪಾ ರಂಜಿತ್

''ರಜನಿಕಾಂತ್ ಅವರನ್ನ ಈ ಹಿಂದೆ ಎಂದೂ ಈ ರೀತಿ ನೋಡಿರಲಿಲ್ಲ. ಅವರ ಸ್ಟೈಲ್, ಲುಕ್, ಬಾಡಿ ಲಾಂಗ್ವೇಜ್ ಎಲ್ಲದರಲ್ಲೂ ಹೊಸ ಹುಮ್ಮಸ್ಸು ಎದ್ದು ಕಾಣುತ್ತಿದೆ. ರಜನಿಕಾಂತ್ ಅವರಿಗಿದ್ದ ಇಮೇಜ್ ಬದಲಿಸಿ, ಹೊಸದೊಂದು ಮಾರುಕಟ್ಟೆ ಸೃಷ್ಠಿಸುವಲ್ಲಿ ನಿರ್ದೇಶಕ ಪಾ ರಂಜಿತ್ ಯಶಸ್ವಿಯಾಗಿದ್ದಾರೆ. ಪಾ ರಂಜಿತ್ ನಿರ್ದೇಶನ ಮಾಡಿರುವ ಕಲರ್ ಫುಲ್ ಸಿನಿಮಾದಲ್ಲಿ ಅತ್ಯುತ್ತಮವಾದ ಸಾಹಸಮಯ ದೃಶ್ಯಗಳು ಗಮನ ಸೆಳೆಯುತ್ತೆ. ರಜನಿಕಾಂತ್ ಅಭಿನಯದ 'ಕಾಲಾ' ಬ್ಲ್ಯಾಕ್ ಬಸ್ಟರ್ ಆಗಿದೆ. ರಜನಿಕಾಂತ್ ಸ್ಟೈಲ್ ಆಕ್ಷನ್, ಡೈಲಾಗ್ ಸೂಪರ್ ಆಗಿದೆ'' ಎಂದು ದುಬೈ ವಿಮರ್ಶಕರ ಉಮರ್ ಸಂಧು ಬರೆದುಕೊಂಡಿದ್ದಾರೆ.

ತಾಂತ್ರಿಕವಾಗಿ ಕಾಲಾ ಹೊಸ ಕ್ರಾಂತಿ

''ತಾಂತ್ರಿಕವಾಗಿ ಕಾಲಾ ಹೊಸ ಕ್ರಾಂತಿ. ಪೈಸಾ ವಸೂಲ್ ಕಥೆ ಮತ್ತು ಚಿತ್ರಕಥೆ. ರೋಚಕವಾದ ಸಾಹಸ ದೃಶ್ಯಗಳು. ಕಣ್ಮನ ಸೆಳೆಯುವ ಸಿನಿಮಾಟೋಗ್ರಫಿ. ಸ್ಲಂನಲ್ಲಿ ಹಾಕಿರುವ ಸೆಟ್ ದೃಶ್ಯಗಳು ಸಖತ್ ಆಗಿದೆ. ಹಿನ್ನೆಲೆ ಸಂಗೀತ ಅದ್ಭುತ. ಸಂಕಲನ ಮೋಡಿ ಮಾಡಿದ್ದು, ನಿರ್ದೇಶಕ ಪಾ ರಂಜಿತ್ ಗ್ರೇಟ್ ಎನಿಸಿಕೊಂಡಿದ್ದಾರೆ'' - ಉಮರ್ ಸಂಧು

ಕಲಾವಿದರ ಅಭಿನಯಕ್ಕೆ ಫುಲ್ ಮಾರ್ಕ್ಸ್

''ಸಿನಿಮಾ ಪೂರ್ತಿ ಬೋರ್ ಮಾಡುವ ಯಾವುದೇ ದೃಶ್ಯವಿಲ್ಲ. ರಜನಿಕಾಂತ್ ಅವರ ಫರ್ಫಾಮೆನ್ಸ್ ಗೆ ಪ್ರಶಸ್ತಿ ಸಿಕ್ಕರೂ ಅಚ್ಚರಿಯಿಲ್ಲ. ಎಲ್ಲ ರೀತಿಯಲ್ಲೂ ಕಿಕ್ ನೀಡಿದ್ದಾರೆ. ನಾನಾ ಪಟೇಕರ್ ಅವರಂತೂ ಚಿಂದಿ ಫರ್ಫಾಮೆನ್ಸ್. ಹುಮಾ ಖುರೇಶಿ ಕೂಡ ಉತ್ತಮವಾಗಿ ಅಭಿನಯಿಸಿದ್ದಾರೆ. ಎಲ್ಲ ಪೋಷಕ ನಟರು ಕೂಡ ಉತ್ತಮ ಸಾಥ್ ನೀಡಿದ್ದಾರೆ'' - ಉಮರ್ ಸಂಧು.

ಕೊನೆಯದಾಗಿ....

''ಕೊನೆಯದಾಗಿ 'ಕಾಲಾ' ಸಿನಿಮಾ ಭರ್ಜರಿ ಓಪನಿಂಗ್ ಮಾಡಲಿದೆ. ಬಾಕ್ಸ್ ಆಫೀಸ್ ನಲ್ಲಿ ಹೊಸ ರೆಕಾರ್ಡ್ ಕ್ರಿಯೇಟ್ ಮಾಡೋದಂತೂ ಪಕ್ಕಾ. ಕಾಲಾ ಚಿತ್ರದ ನಿರ್ಮಾಪಕರು, ವಿತಕರಕರು ಎಲ್ಲವೂ ಖುಷಿ ಪಡುವ ವಿಚಾರ. ಒಟ್ನಲ್ಲಿ ಕಾಲಾ ಬ್ಲ್ಯಾಕ್ ಬಸ್ಟರ್ ಹಿಟ್ ಸಿನಿಮಾ'' ಎಂದು ವಿಮರ್ಶೆ ಬರೆದು ಉಮರ್ ಸಂಧು ನಾಲ್ಕು ಸ್ಟಾರ್ ಕೊಟ್ಟಿದ್ದಾರೆ.