'ಪಾದರಸ'ನ ಚೆಲ್ಲಾಟಗಳನ್ನು ನೋಡಿ ವಿಮರ್ಶಕರು ಏನಂದರು.?

ಆಟ, ಚೆಲ್ಲಾಟಗಳ ಸಿನಿಮಾ: ವಿಜಯ ಕರ್ನಾಟಕ

ಚಿತ್ರದ ಬಹುತೇಕ ಭಾಗ ಪಾದರಸನ ಆಟಗಳು, ಚೆಲ್ಲಾಟಗಳಿಂದ ಕೂಡಿದೆ. ಎಷ್ಟು ಅತಿರೇಕಕ್ಕೆ ಇದು ಹೋಗುತ್ತದೆ ಎಂದರೆ ನೋಡುವವರಿಗೆ ಪಾದರಸನ ಕ್ಯಾರೆಕ್ಟರ್‌ ಬಹಳ ಕಿರಿಕಿರಿಯನ್ನುಂಟು ಮಾಡುತ್ತದೆ. ಇಲ್ಲಿ ಸಂಚಾರಿ ವಿಜಯ್‌ ಪಾತ್ರ ಪೂರ್ಣ ನೆಗೆಟಿವ್‌. ಪ್ರಮುಖವಾಗಿ ಕೆಲ ಘಟನೆಗಳು ಪ್ರೇಕ್ಷಕನಿಗೆ ಚಿತ್ರಮಂದಿರದಿಂದ ಎದ್ದು ಹೋಗಬೇಕು ಎನ್ನಿಸುವಷ್ಟು ಕಿರಿಕಿರಿ ಉಂಟು ಮಾಡುತ್ತವೆ. ಆದರೆ, ಕೊನೆಯಲ್ಲಿ ಇದಕ್ಕೆ ಅರ್ಥವನ್ನು ಕಟ್ಟಿಕೊಡುವಲ್ಲಿ ನಿರ್ದೇಶಕ ಸಫಲರಾಗಿದ್ದಾರೆ - ಪದ್ಮಾ ಶಿವಮೊಗ್ಗ

ಸರಸ+ವಿರಸ=ಪಾದರಸ - ಉದಯವಾಣಿ

ಬಹುಶಃ ರಾಷ್ಟ್ರಪ್ರಶಸ್ತಿ ವಿಜೇತ ನಟ ಸಂಚಾರಿ ವಿಜಯ್‌, ಇಂಥದ್ದೊಂದು ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ ಎನ್ನುವುದು ಬಿಟ್ಟರೆ, ಚಿತ್ರದಲ್ಲಿ ವಿಶೇಷವೇನಿಲ್ಲ. ಇದುವರೆಗೂ ಮಾಡದಂತಹ ಒಂದು ವಿಭಿನ್ನ ಪಾತ್ರದಲ್ಲಿ ವಿಜಯ್‌ ಕಾಣಿಸಿಕೊಂಡಿದ್ದಾರೆ. ಅದು ಅವರಿಗೆ ಸ್ವಲ್ಪ ಹೆಚ್ಚಾದಂತೆ ಕಾಣುತ್ತದೆ. ಆದರೂ ವಿಜಯ್‌ ತಮ್ಮ ಶಕ್ತಿಮೀರಿ, ಪಾತ್ರಕ್ಕೆ ನ್ಯಾಯ ಸಲ್ಲಿಸುವುದಕ್ಕೆ ಒದ್ದಾಡಿದ್ದಾರೆ. ಇದೊಂದು ಅಂಶ ಬಿಟ್ಟರೆ, ಚಿತ್ರದಲ್ಲಿ ಹೊಸತನವಾಗಲೀ, ವಿಶೇಷತೆಗಳಾಗಲೀ ಕಡಿಮೆಯೇ - ಚೇತನ್ ನಾಡಿಗೇರ್

ಇದು ಪಾದರಸ, ಬರಿಯ ಕಸ, ಕೊನೆಗೆ ವಿಧಿವಶ - ಪ್ರಜಾವಾಣಿ

ತೆರೆಯ ಮೇಲೆ ಪಾದರಸನ ಚೇಷ್ಟೆಗಳು ಬಹುಬೇಗ ಬೇಸರ ಹುಟ್ಟಿಸುತ್ತವೆ. ಹಲವು ಬಾರಿ ಕ್ರೌರ್ಯದ ಗಡಿ ದಾಟುವ ಅವನ ವರ್ತನೆಗಳಿಗೂ ಕೊನೆಯಲ್ಲಿ ನೀಡುವ ಸಮಜಾಯಿಷಿಗೂ ಹೊಂದಾಣಿಕೆಯೇ ಆಗುವುದಿಲ್ಲ. ಖುಷಿಯಾಗಿರುವುದು ಅಥವಾ ನೋವನ್ನು ಮರೆಯುವುದಕ್ಕೆ ದುಶ್ಚಟಗಳಿಗೆ ದಾಸರಾಗುವುದೊಂದೇ ಮಾರ್ಗ ಎಂದು ನಿರ್ದೇಶಕರು ಹೇಳಹೊರಟಿದ್ದಾರೆಯೇ ಎಂಬ ಅನುಮಾನವೂ ಹುಟ್ಟುತ್ತವೆ - ಪದ್ಮನಾಭ ಭಟ್

Padarasa Movie - Times of India

This film has a mixture of elements, such a humour, sorrow, misery and innocence. The first half of the film will leave you in splits, thanks to the hilarious content, while the second half is slightly more serious. Thanks to all these elements, this is a time-pass movie, making it a good watch for the weekend - Nithya Mandyam