ಜಂಜೀರ್ : ಹಳೆ ಗಾಯಕ್ಕೆ ಹೊಸ ಮುಲಾಮು

ಹಳೆ ಚಿತ್ರ ಮರೆತು ನೋಡಿ

ಜಂಜೀರ್ ಅಮಿತಾಬ್ ಚಿತ್ರ ಎನ್ನುವುದಕ್ಕಿಂತ ಪ್ರಾಣ್ ಅವರ ಚಿತ್ರ ಎಂದರೆ ತಪ್ಪಾಗಲಾರದು.

ರಾಮ್ ಚರಣ್ ತೇಜ ಎಲ್ಲಾ ದೃಶ್ಯಗಳಲ್ಲಿ ಇಷ್ಟವಾಗುವುದು ಕಷ್ಟ. ಎನ್ನಾರೈ ಮಾಲ ಪಾತ್ರಧಾರಿ ಪ್ರಿಯಾಂಕಾಗೆ ಹೆಚ್ಚಿನ ಕೆಲಸವಿಲ್ಲ. ಹಾಡುಗಳನ್ನು ಹಳೆಚಿತ್ರದ ಜತೆ ದಯವಿಟ್ಟು ಹೋಲಿಸಬೇಡಿ

ನಟನೆ ಓಕೆ, ಅದರೆ

ರಾಮ್ ಚರಣ್ ತೇಜ ಕುಣಿತ, ನಟನೆ ಓಕೆ, ಪ್ರಿಯಾಂಕಾ ಛೋಪ್ರಾ ಜತೆ ಜೋಡಿ ಕೂಡಾ ಸೂಪರ್. ಖಳನಾಗಿ ಪ್ರಕಾಶ್ ರೈ ಹಾಗೂ ಜೋಡಿ ಮಾಹಿ ಗಿಲ್ ಸಹಿಸಿಕೊಳ್ಳಬಹುದು. ಶೇರ್ ಖಾನ್ ಆಗಿ ಸಂಜಯ್ ದತ್ ಆಯ್ಕೆ ಬಗ್ಗೆಯೇ ಪ್ರಶ್ನೆಗಳಿತ್ತು. ತಕ್ಕಮಟ್ಟಿನ ನಟನೆ ಹೊರ ಹೊಮ್ಮಿದ್ದರೂ ಅಸಲಿ ಶೇರ್ ಖಾನ್ ಖದರ್ ಮಾಯವಾಗಿದೆ.

ಲಾಖಿಯಾ ಸೋತಿದ್ದೆಲ್ಲಿ

ಪ್ರಕಾಶ್ ಮೆಹ್ರಾ ಅವರಿಗಿಂತ ಡಿಫರೆಂಟ್ ಆಗಿ ಚಿತ್ರ ತೆರೆಗೆ ತರಬಲ್ಲೆ ಎನ್ನುವ ನಿರ್ದೇಶಕ ಲಾಖಿಯಾ ಅವರ ಅತಿಯಾದ ಆತ್ಮವಿಶ್ವಾಸ ಕೈಕೊಟ್ಟಿದೆ. ರಘುಪತಿ ರಾಘವ ಹಿನ್ನೆಲೆ ದನಿ, ಎನ್ನಾರೈ ಗರ್ಲ್ ಆಗಿ ಪ್ರಿಯಾಂಕಾ ಪಾತ್ರ ಬೆಳವಣಿಗೆ, ಜರ್ನಲಿಸ್ಟ್ ಜೆ ಡೇ ಪಾತ್ರ ಸೃಷ್ಟಿ ಹಾಗೂ ಅದರ ಪೋಷಣೆ ಎಲ್ಲವೂ ಪೇಲವ. ರಿಮೇಕ್ ಕಿಂಗ್ ರೋಹಿತ್ ಶೆಟ್ಟಿ ಆಗಲು ಹೊರಟ್ಟಂತೆ ಹಲವು ಕಡೆ ತೋರುತ್ತದೆ.

ಏಕೆ ನೋಡಬೇಕು

ಈ ಚಿತ್ರ ಏಕೆ ನೋಡಬಾರದು ಎಂಬುದಕ್ಕೆ ಹಲವು ಕಾರಣ ನೀಡಬಹುದಾದರೂ. ಏಕೆ ನೋಡಬೇಕು ಎಂದರೆ, ರಾಮ್ ಚರಣ್ ತೇಜ, ಪ್ರಕಾಶ್ ರಾಜ್, ಸಂಜಯ್ ದತ್ ಅಥವಾ ಪ್ರಿಯಾಂಕಾ ಛೋಪ್ರಾ ಅಭಿಮಾನಿಯಾಗಿದ್ದರೆ ಒಮ್ಮೆ ನೋಡಿ ಬನ್ನಿ. ಇಲ್ಲದಿದ್ದರೆ ಡಿವಿಡಿ ಬಂದ ಮೇಲೆ ಮನೆಯಲ್ಲಿ ಆರಾಮಾಗಿ ಕೂತು ಬ್ರೇಕ್ ಮೇಲೆ ಬ್ರೇಕ್ ತೆಗೆದುಕೊಂಡು ನೋಡಿಕೊಳ್ಳಿ.. ಈ ಚಿತ್ರ ಪೈಸಾ ವಸೂಲ್ ಅಂತೂ ಖಂಡಿತ ಅಲ್ಲ. ಆದರೆ, ಅಲ್ಲಲ್ಲಿ ಇಷ್ಟವಾಗುವುದರಿಂದ ಒಮ್ಮೆ ನೋಡಲು ಅಡ್ಡಿಯಿಲ್ಲ.