ವೆಬ್ ಸೀರಿಸ್ ಲೋಕದಲ್ಲಿ 'ಫಿದಾ' ಸುಂದರಿ: ಸಾಯಿ ಪಲ್ಲವಿ ಅಪ್ಪನ ಪಾತ್ರದಲ್ಲಿ ಖ್ಯಾತ ನಟ

ತಂದೆ ಮಗಳ ಪಾತ್ರದಲ್ಲಿ ಸಾಯಿ ಪಲ್ಲವಿ-ಪ್ರಕಾಶ್ ರೈ

ಈಗಾಗಲೆ ಖ್ಯಾತ ನಟಿಯರಾದ ಸಮಂತಾ, ಕಾಜಲ್ ಸೇರಿದ್ದಂತೆ ಅನೇಕರು ವೆಬ್ ಸೀರಿಸ್ ಗೆ ಎಂಟ್ರಿ ಕೊಟ್ಟಿದ್ದಾರೆ. ಇದೀಗ ಸಾಯಿ ಪಲ್ಲವಿ ಸಹ ಸಿದ್ಧರಾಗಿದ್ದಾರೆ. ವಿಶೇಷ ಅಂದರೆ ಸಾಯಿ ಪಲ್ಲವಿ ದಕ್ಷಿಣ ಭಾರತದ ಖ್ಯಾತ ನಟ ಪ್ರಕಾಶ್ ರೈ ಜೊತೆ ತೆರೆಹಂಚಿಕೊಳ್ಳುತ್ತಿದ್ದಾರೆ. ಪ್ರಕಾಶ್ ರೈ ನಟಿ ಸಾಯಿ ಪಲ್ಲವಿ ತಂದೆಯ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರಂತೆ.

ನೆಟ್ ಫ್ಲಿಕ್ಸ್ ಬಂಡವಾಳ ಹೂಡುತ್ತಿದೆ

ಸಸ್ಪೆನ್ಸ್ ಥ್ರಿಲ್ಲರ್ ಶೈಲಿಯ ವೆಬ್ ಸರಣಿಗೆ ಖ್ಯಾತ ನಿರ್ದೇಶಕ ವೆಟ್ರಿಮಾರನ್ ಆಕ್ಷನ್ ಕಟ್ ಹೇಳುತ್ತಿದ್ದಾರೆ. ವೆಬ್ ಸೀರಿಸ್ ಗೆ ನೆಟ್ ಫ್ಲಿಕ್ಸ್ ಇಂಡಿಯಾ ಬಂಡವಾಳ ಹೂಡುತ್ತಿದೆ. ಈಗಾಗಲೆ ಪ್ರಿಪ್ರೊಡಕ್ಷನ್ ಕೆಲಸ ಮುಗಿಸಿರುವ ತಂಡ ಸದ್ಯದಲ್ಲೇ ಚಿತ್ರೀಕರಣಕ್ಕೆ ಹೊರಡಲಿದೆಯಂತೆ.

ಸದ್ಯದಲ್ಲೇ ಪ್ರಾರಂಭವಾಗಲಿದೆ ಚಿತ್ರೀಕರಣ

ಕೊರೊನಾ ಲಾಕ್ ಡೌನ್ ನಿಂದ ವೆಬ್ ಸೀರಿಸ್ ಬಗ್ಗೆ ಯಾವದೇ ಮಾಹಿತಿ ಬಹಿರಂಗಪಡಿಸಿರಲಿಲ್ಲ. ಆದರೀಗ ಚಿತ್ರೀಕರಣಕ್ಕೆ ಅನುಮತಿ ಸಿಕ್ಕ ಹಿನ್ನಲೆ ವೆಬ್ ಸರಣಿ ಬಗ್ಗೆ ರಿವೀಲ್ ಆಗಿದೆ. ಇನ್ನೇನು ಸದ್ಯದಲ್ಲೇ ಚಿತ್ರೀಕರಣಕ್ಕೆ ಹೊರಡಲಿದೆ. ಅಂದ್ಹಾಗೆ ಸಾಯಿ ಪಲ್ಲವಿ ಬಳಿ ಲವ್ ಸ್ಟೋರಿ ಮತ್ತು ವಿರಾಟ ಪರ್ವಂ ಸಿನಿಮಾ ಕೈಯಲ್ಲಿದೆ.

ಚಿರಂಜೀವಿ ಪುತ್ರಿಯ ವೆಬ್ ಸೀರಿಸ್ ನಲ್ಲಿ ಪ್ರಕಾಶ್ ರೈ

ಇನ್ನೂ ಪ್ರಕಾಶ್ ರೈ ಈಗಾಗಲೆ ಒಂದು ವೆಬ್ ಸೀರಿಸ್ ಗೆ ಗ್ರೀನ್ ಸಿಗ್ನಲ್ ನೀಡಿದ್ದಾರೆ. ಮೆಗಾ ಸ್ಟಾರ್ ಚಿರಂಜೀವಿ ಪುತ್ರಿ ಸುಶ್ಮಿತಾ ನಿರ್ಮಾಣದಲ್ಲಿ ಬರ್ತಿರುವ ವೆಬ್ ಸೀರಿಸ್ ನಲ್ಲಿ ಪ್ರಕಾಶ್ ರೈ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಇದೀಗ ಮತ್ತೊಂದು ವೆಬ್ ಸೀರಿಸ್ ಗೆ ಗ್ರೀನ್ ಸಿಗ್ನಲ್ ನೀಡುವ ಮೂಲಕ ವೆಬ್ ಸರಣಿ ಲೋಕದಲ್ಲಿ ಬ್ಯುಸಿಯಾಗುತ್ತಿದ್ದಾರೆ.