Don't Miss!
- Lifestyle 5 ನಿಮಿಷದಲ್ಲಿ ಪಾತ್ರೆಯನ್ನು ಹೊಳೆಯುವಂತೆ ಮಾಡಿ..! ಸುಲಭದ ಟಿಪ್ಸ್ ಇಲ್ಲಿದೆ
- News ಬೆಂಗಳೂರಿನ ಜನತೆಗೆ ಬಾಂಬು..ಮತಾಂಧರಿಗೆ ಕೊಂಬು: ಚೊಂಬು ಜಾಹೀರಾತಿಗೆ ಆರ್.ಅಶೋಕ್ ಗುಡುಗು
- Technology oneplus: ಒನ್ಪ್ಲಸ್ನಿಂದ ಫ್ಲ್ಯಾಗ್ಶಿಪ್ ಕ್ಯಾಮೆರಾ ಸೌಲಭ್ಯದೊಂದಿಗೆ ಫ್ಲಿಪ್ ಫೋನ್!
- Automobiles Bangaluru: ನಮ್ಮ ಯಾತ್ರಿ ಕ್ಯಾಬ್ ಸೇವೆ ಆರಂಭ.. ಎಷ್ಟಿದೆ ದರ?
- Sports LSG vs CSK IPL 2024: ಲಕ್ನೋ vs ಚೆನ್ನೈ ಪಂದ್ಯದ ವರದಿ, ಫ್ಯಾಂಟಸಿ ಡ್ರೀಮ್ ಟೀಂ, ಸಂಭಾವ್ಯ ಆಡುವ 11ರ ಬಳಗ
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಅಜಿತ್ 'ವಲಿಮೈ' ಮೊದಲ ದಿನದ ಕಲೆಕ್ಷನ್: ಬಾಕ್ಸಾಫೀಸ್ ಧೂಳೆಬ್ಬಿಸಿದ ಚಿತ್ರ!
ತಮಿಳು ನಟ ಅಜಿತ್ ಕುಮಾರ್ ಅವರ 'ವಲಿಮೈ' ಸಿನಿಮಾ ರಿಲೀಸ್ ಆಗಿ ಸಿಕ್ಕಾಪಟ್ಟೆ ಸದ್ದು ಮಾಡ್ತಿದೆ. ಬಹು ನಿರೀಕ್ಷೆಯೊಂದಿಗೆ ರಿಲೀಸ್ ಆದ ಚಿತ್ರ ಉತ್ತಮ ಓಪನಿಂಗ್ ಪಡೆದುಕೊಂಡಿದೆ. ಎಲ್ಲೆಡೆ ಕೊರೊನಾ ಛಾಯೆ ಇನ್ನೂ ಕೂಡ ಇದೆ. ಆದರೆ ಸಿನಿಮಾಗಳಿಗೆ ಮಾತ್ರ ಉತ್ತಮ ಪ್ರತಿಕ್ರಿಯೆ ಸಿಗುತ್ತಿದೆ. 'ವಲಿಮೈ' ಸಿನಿಮಾ ಎಲ್ಲಾ ಬ್ಯಾರಿಕೇಡ್ಗಳನ್ನು ಒಡೆದು ಹಾಕಿ ಬಾಕ್ಸಾಫೀಸ್ ಚಿಂದಿ ಮಾಡಲು ಮುಂದಾಗಿದೆ.
ಅಜಿತ್ ಅಭಿನಯದ ಚಿತ್ರಗಳು ಗಲ್ಲಾಪೆಟ್ಟಿಗೆಯಲ್ಲಿ ಸಹಜವಾಗಿಯೇ ಉತ್ತಮ ಗಳಿಕೆ ಮಾಡುತ್ತವೆ. ಹಾಗಾಗಿ 'ವಲಿಮೈ' ಚಿತ್ರದ ಮೇಲೂ ಕೂಡ ಹೆಚ್ಚಿ ನಿರೀಕ್ಷೆ ಇತ್ತು. ಅಂತೆಯೇ ಈ ಚಿತ್ರ ಕೂಡ ಬಾಕ್ಸಾಫೀಸ್ನಲ್ಲಿ ಸಿಕ್ಕಾಪಟ್ಟೆ ಸದ್ದು ಮಾಡುತ್ತಿದೆ. ರಿಲೀಸ್ ಆದ ಮೊದಲ ದಿನವೇ ಬಾಕ್ಸಾಫಿಸ್ ಧೂಳೆಬ್ಬಿಸಿದೆ.
ಅಜಿತ್ ಅಭಿಮಾನಿಗಳ ಮೇಲೆ ಪೆಟ್ರೋಲ್ ಬಾಂಬ್ ದಾಳಿ! ಹುಚ್ಚಾಟ ಮೆರೆದ ಅಭಿಮಾನಿಗಳು
'ವಲಿಮೈ' ಚಿತ್ರದ ಮೊದಲ ದಿನದ ಕಲೆಕ್ಷನ್ ಬಗ್ಗೆ ಮಾಹಿತಿ ಹೊರ ಬಿದ್ದಿದೆ. ಸಿನಿಮಾ ಕಲೆಕ್ಷನ್ ಕಂಡು ಚಿತ್ರ ತಂಡ ಚಿತ್ರ ತಂಡ ಖುಷಿಯಾಗಿದೆ. ಈ ಚಿತ್ರದ ಮೊದಲ ದಿನದ ಕಲೆಕ್ಷನ್ ವಿಶ್ವಾದ್ಯಂತ ಹೇಗಿದೆ, ತಮಿಳುನಾಡಿನಲ್ಲಿ ಚಿತ್ರ ಗಳಿಸಿದ್ದು ಎಷ್ಟು ಎನ್ನುವ ಬಗ್ಗೆ ಮಾಹಿತಿ ಇಲ್ಲಿದೆ. ಮುಂದೆ ಓದಿ...
ರಜನಿಕಾಂತ್ ಸಿನಿಮಾ ನಿರಾಕರಿಸಿದ ಬೋನಿಕಪೂರ್: 170ನೇ ಸಿನಿಮಾ ಯಾರ ಪಾಲಿಗೆ!
ಮೊದಲ ದಿನವೇ ಬಾಕ್ಸಾಫೀಸ್ ಚಿಂದಿ ಮಾಡಿದ 'ವಲಿಮೈ'!
'ವಲಿಮೈ' ಸಿನಿಮಾ ಚಿತ್ರ ತಂಡದ ನಿರೀಕ್ಷೆಯಂತೆ, ಬಾಕ್ಸಾಫೀಸ್ನಲ್ಲಿ ಸದ್ದು ಮಾಡ್ತಿದೆ. ವಿಶ್ವಾದ್ಯಂತ ಹೆಚ್ಚಿನ ಗಳಿಕೆ ಮಾಡಿ ಚಿತ್ರ ದಾಖಲೆ ಬರೆದಿದೆ. ಮೊದಲ ದಿನವೇ ಅರ್ಧ ಕೋಟಿ ಗಳಿಕೆಯ ಗಡಿ ಮುಟ್ಟಿದೆ 'ವಲಿಮೈ' ಸಿನಿಮಾ. ವರದಿಗಳ ಪ್ರಕಾರ 'ವಲಿಮೈ' ಮೊದಲ ದಿನದ ವಿಶ್ವಾದ್ಯಂತ ಕಲೆಕ್ಷನ್ 45 ರಿಂದ 50 ಕೋಟಿ ಆಗಿದೆಯಂತೆ. ಹಾಗಾಗಿ ಈ ವಾರಂತ್ಯದ ಒಳಗೆ ಸಿನಿಮಾ 100 ಕೋಟಿ ದಾಟಿ, 150 ಕೋಟಿ ಕಲೆ ಹಾಕ ಬಹುದು ಎನ್ನುವ ನಿರೀಕ್ಷೆ ಇದೆ.
ತಮಿಳು ನಾಡಿನಲ್ಲಿ 36 ಕೋಟಿ ಗಳಿಕೆ!
ನಟ ಅಜಿತ್ಗೆ ತಮಿಳುನಾಡಿನಾದ್ಯಂತ ದೊಡ್ಡ ಫ್ಯಾನ್ಸ್ ಕ್ರೇಜ್ ಇದೆ. ಹಾಗಾಗಿ ಅವರ ಸಿನಿಮಾಗಳು ತಮಿಳುನಾಡು ಬಾಕ್ಸಾಫೀಸ್ನಲ್ಲಿ ಮಿಸ್ ಇಲ್ಲದೇ ದಾಖಲೆ ಬರೆಯುತ್ತವೆ. 'ವಲಿಮೈ' ಸಿನಿಮಾ ಮೊದಲ ದಿನ, ಕೇವಲ ತಮಿಳುನಾಡಿನಲ್ಲಿ 36.17 ಕೋಟಿ ರೂ ಗಳಿಸಿದೆ. ವಿಶ್ವಾದ್ಯಂತ ಕಲೆಕ್ಷನ್ಗೆ ಹೋಲಿಸಿದರೆ ಈ ಚಿತ್ರ ತಮಿಳುನಲ್ಲೆ ಅಧಿಕ ಮೊತ್ತ ಗಳಿಸಿದೆ. ಚಿತ್ರದ ಒಟ್ಟಾರೆ ಗಳಿಕೆಯಲ್ಲಿ ತಮಿಳುನಾಡಿನದ್ದೇ ಸಿಂಹಪಾಲು. ಇನ್ನು ಈ ಚಿತ್ರ ಚೆನ್ನೈನಲ್ಲಿ ಒಂದೇ ದಿನಕ್ಕೆ 1.82 ಕೋಟಿ ರೂ. ಗಳಿಸಿದೆ ಎನ್ನುವುದು ಕೂಡ ಗಮನಾರ್ಹ.
'ವಲಿಮೈ' ರಿಲೀಸ್ಗೂ ಮುನ್ನವೇ ಗಳಿಸಿದೆ ಕೋಟಿ, ಕೊಟಿ!
'ವಲಿಮೈ' ಸಿನಿಮಾ ರಿಲೀಗೂ ಮುನ್ನವೇ ಕೋಟಿ, ಕೋಟಿ ಹಣ ಗಳಿಸಿದೆ. ಚಿತ್ರದ ಪ್ರೀ-ರಿಲೀಸ್ ಬ್ಯುಸಿನೆಸ್ ಬಗ್ಗೆಯೂ ಸಾಕಷ್ಟು ಚರ್ಚೆ ಆಗುತ್ತಿದೆ. 'ವಲಿಮೈ' ತಮಿಳುನಾಡು ಥಿಯೇಟ್ರಿಕಲ್ ರೈಟ್ಸ್ 62 ಕೋಟಿ ರೂ.ಗೆ ಮಾರಾಟವಾಗಿದೆಯಂತೆ. ಹಾಗೆ ಕೇರಳದಲ್ಲಿ 3.5 ಕೋಟಿ ಮತ್ತು ಕರ್ನಾಟಕದಲ್ಲಿ 5.5 ಕೋಟಿ ರೂ.ಗೆ ಮಾರಾಟ ಮಾಡಲಾಗಿದೆಯಂತೆ. ಇದರ ಜೊತೆಗೆ ಹಿಂದಿ ಥಿಯೇಟ್ರಿಕಲ್ ರೈಟ್ಸ್ ಎಲ್ಲವೂ ಸೇರಿ 'ವಲಿಮೈ' 16 ಕೋಟ ವ್ಯಾಪಾರ ಮಾಡಿದೆಯಂತೆ. ಒಟ್ಟಾರೆ ರಿಲೀಸ್ಗೂ ಮುನ್ನವೇ ಸಿನಿಮಾ 11 ಕೋಟಿ ರೂ. ಲಾಭದಲ್ಲಿ ಇತ್ತು ಎನ್ನಾಗಿದೆ.
'ವಲಿಮೈ'ಗೆ ಗಂಗೂಬಾಯಿ, ಭೀಮ್ಲಾ ನಾಯಕ್ ಕಂಟಕ?
'ವಲಿಮೈ' ಸಿನಿಮಾ ಫೆಬ್ರವರಿ 24ಕ್ಕೆ ರಿಲೀಸ್ ಆಗಿದೆ. ಆದರೆ ಫೆಬ್ರವರಿ 25ಕ್ಕೆ ಬಾಲಿವುಡ್ ಮತ್ತು ಟಾಲಿವುಡ್ ಚಿತ್ರಗಳಾದ ಗಂಗೂಬಾಯಿ ಕಠಿಯಾವಾಡಿ ಮತ್ತು ಭೀಮ್ಲಾ ನಾಯಕ್ ಚಿತ್ರಗಳು ರಿಲೀಸ್ ಆಗಿವೆ. ಹಾಗಾಗಿ ಈ ಚಿತ್ರಗಳು 'ವಲಿಮೈ' ಗಳಿಕೆಯ ಮೇಲೆ ಪರಿಣಾಮ ಬೀರುವ ಸಾಧ್ಯತೆ ಇದೆ. ಹಾಗಾಗಿ ಸಿನಿಮಾ ವೀಕೆಂಡ್ನಲ್ಲಿ ಎಷ್ಟು ಗಳಿಕೆ ಮಾಡುತ್ತದೆ ಎನ್ನುವ ಬಗ್ಗೆ ಕುತೂಹಲ ಮೂಡಿದೆ.