ವಲಿಮೈ Vs ಭೀಮ್ಲಾ ನಾಯಕ್: ಬಾಕ್ಸಾಫೀಸ್‌ನಲ್ಲಿ ಇನ್ನೂ ನಿಂತಿಲ್ಲ ಗುದ್ದಾಟ

'ವಲಿಮೈ' ಬಾಕ್ಸಾಫೀಸ್ ಕಲೆಕ್ಷನ್ ಎಷ್ಟು?

ಅಜಿತ್ ಅಭಿನಯದ 'ವಲಿಮೈ' ಸಿನಿಮಾ ಬಾಕ್ಸಾಫೀಸ್‌ನಲ್ಲಿ ಉತ್ತಮ ಗಳಿಕೆ ಕಂಡಿದೆ. ಸಿನಿಮಾ ಬಿಡುಗಡೆಯಾದ 11 ದಿನಗಳಲ್ಲಿಯೇ 'ವಲಿಮೈ' ಬಾಕ್ಸಾಫೀಸ್‌ನಲ್ಲಿ 200 ಕೋಟಿ ಲೂಟಿ ಮಾಡಿದೆ. ಭಾರತದಲ್ಲಿಈ ಸಿನಿಮಾದ ಗಳಿಕೆ ಕಡಿಮೆ ಇದ್ದರೂ, ವಿಶ್ವದಾದ್ಯಂತ ಉತ್ತಮ ಗಳಿಕೆ ಕಂಡಿದೆ. ಇದೂವರೆಗೂ 'ವಲಿಮೈ' ಸುಮಾರು 214.16 ಕೋಟಿ ಗಳಿಕೆ ಕಂಡಿದೆ. 'ವಲಿಮೈ' ಮೊದಲ ವಾರ 193.41 ಕೋಟಿ ಗಳಿಸಿತ್ತು. ಅದೇ ಎರಡನೇ ವಾರ ಸಿನಿಮಾ ಗಳಿಕೆಯಲ್ಲಿ ಡ್ರಾಪ್ ಆಗಿದ್ದರೂ, 200 ಕೋಟಿ ಗಡಿ ದಾಟುವಲ್ಲಿ ಗೆದ್ದಿದೆ.

ಭೀಮ್ಲಾ ನಾಯಕ್ ಗಳಿಕೆ ಎಷ್ಟು?

ಪವನ್ ಕಲ್ಯಾಣ್ ಅಭಿನಯದ 'ಭೀಮ್ಲಾ ನಾಯಕ್' ಚಿತ್ರಕ್ಕೂ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗಿತ್ತು. ಆದರೂ ಬಾಕ್ಸಾಫೀಸ್‌ನಲ್ಲಿ ಈ ಚಿತ್ರದ ಸದ್ದು ಕಡಿಮೆ ಆಗಿಲ್ಲ. ಭಾರತದ ಬಾಕ್ಸಾಫೀಸ್‌ನಲ್ಲಿ 'ವಲಿಮೈ' ಸಿನಿಮಾ ಗಳಿಕೆ ಸೂಪರ್ ಆಗಿದೆ. ಈ ಚಿತ್ರ ಮೊದಲ ವಾರ 170.74 ಕೋಟಿ ಗಳಿಕೆ ಕಂಡಿತ್ತು. ಅದೇ ಎರಡನೇ ವಾರ 183.22 ಕೋಟಿ ಲೂಟಿ ಮಾಡಿದೆ. 'ಭೀಮ್ಲಾ ನಾಯಕ್' ಬಿಡುಗಡೆಯಾದ 10 ದಿನಗಳಲ್ಲಿ ಗಳಿಕೆ ಕಂಡಿದೆ. ಅಲ್ಲದೆ 'ಭೀಮ್ಲಾ ನಾಯಕ್' ಗಳಿಕೆ ಎರಡನೇ ವಾರದ ಅಂತ್ಯದಲ್ಲಿ ಹೆಚ್ಚಾಗಿದೆ.

'ವಲಿಮೈ' Vs 'ಭೀಮ್ಲಾ ನಾಯಕ್'

ಅಜಿತ್ 'ವಲಿಮೈ' ಹಾಗೂ ಪವನ್ ಕಲ್ಯಾಣ್ ಭೀಮ್ಲಾ ನಾಯಕ್ ಭಾರತದ ಬಾಕ್ಸಾಫೀಸ್‌ನಲ್ಲಿ ಈ ವರ್ಷ ಅತೀ ಹೆಚ್ಚು ಗಳಿಕೆ ಕಂಡ ಸಿನಿಮಾಗಳ ಪಟ್ಟಿ ಸೇರುತ್ತಿದೆ. 'ವಲಿಮೈ' ತಮಿಳುನಾಡು ಒಂದರಲ್ಲಿಯೇ 69.52 ಕೋಟಿ ಗಳಿಕೆ ಕಂಡಿದೆ. ಅದೇ 'ಭೀಮ್ಲಾ ನಾಯಕ್' ಆಂಧ್ರ ಹಾಗೂ ತೆಲಂಗಾಣದಲ್ಲಿ 59.44 ಕೋಟಿ ಗಳಿಸಿದೆ. ಈ ಎರಡೂ ಸಿನಿಮಾಗಳೂ ಬಾಕ್ಸಾಫೀಸ್‌ನಲ್ಲಿ ನೆಕ್ ಟು ನೆಕ್ ಫೈಟ್ ಕೊಡುತ್ತಿದೆ. ಹೀಗಾಗಿ ಈ ವಾರ ಯಾವ ಸಿನಿಮಾ ಹೆಜ್ಜೆ ಗಳಿಕೆ ಮಾಡುತ್ತೆ ಅನ್ನುವ ಕುತೂಹಲವಿದೆ.

ರಿಮೇಕ್ Vs ಸ್ವಮೇಕ್

ಎರಡು ಕಾರಣಕ್ಕೆ ಈ ಬಾಕ್ಸಾಫೀಸ್ ಕದನಕ್ಕೆ ಕುತೂಹಲ ಕೆರಳಿಸಿದೆ. 'ಭೀಮ್ಲಾ ನಾಯಕ್' ರಿಮೇಕ್. 'ವಲಿಮೈ' ಸ್ವಮೇಕ್. ಹೀಗಾಗಿ ಇದು ಸ್ವಾರ್ ವರ್ಸಸ್ ಸ್ಟಾರ್ ಅಷ್ಟೇ ಅಲ್ಲ. ರಿಮೇಕ್ ವರ್ಸಸ್ ಸ್ವಮೇಕ್ ಸಿನಿಮಾ ಪೈಪೋಟಿ ಕೂಡ ಹೌದು. ಬಾಕ್ಸಾಫೀಸ್‌ನಲ್ಲಿ ರಿಮೇಕ್ ಸಿನಿಮಾ ಗೆಲ್ಲುತ್ತಾ ಇಲ್ಲಾ ಸ್ವಮೇಕ್ ಸಿನಿಮಾ ಗೆಲ್ಲುತ್ತಾ? ಅನ್ನುವ ಕುತೂಹಲ ಕೂಡ ಇದೆ. ಅಂದ್ಹಾಗೆ ವಲಿಮೈ ಸ್ವಮೇಕ್ ಆದರೆ, 'ಭೀಮ್ಲಾ ನಾಯಕ್' ಮಲಯಾಳಂ ಸಿನಿಮಾ 'ಅಯ್ಯಪ್ಪನುಂ ಕೋಶಿಯುಂ' ಸಿನಿಮಾದ ರಿಮೇಕ್.