ರಜನಿಕಾಂತ್ ರಾಜಕೀಯ ಪ್ರವೇಶ, ಕೊನೆಯ ಚಿತ್ರ ನಿರ್ಧರಿಸಿದ ತಲೈವಾ?

ಅಣ್ಣಾತೆ ಸಿನಿಮಾ ಕೊನೆಯದ್ದಾ?

ಶಿವ ನಿರ್ದೇಶನದಲ್ಲಿ ತಯಾರಾಗುತ್ತಿರುವ ಅಣ್ಣಾತೆ ಸಿನಿಮಾದದಲ್ಲಿ ರಜನಿಕಾಂತ್ ನಟಿಸುತ್ತಿದ್ದಾರೆ. ಈಗಾಗಲೇ ಮೊದಲ ಹಂತದ ಶೂಟಿಂಗ್ ಸಹ ಮುಗಿದಿದೆ. ರಾಜಕೀಯ ಪಕ್ಷ ಘೋಷಣೆ ಮಾಡುವ ವಿಚಾರ ಹೊರಬೀಳುತ್ತಿದ್ದಂತೆ ಅಣ್ಣಾತೆ ಸಿನಿಮಾ ರಜನಿಯ ಕೊನೆಯ ಚಿತ್ರವಾಗಲಿದೆ ಎಂದು ಹೇಳಲಾಗುತ್ತಿದೆ.

ಶೇಕಡಾ 40 ರಷ್ಟು ಚಿತ್ರೀಕರಣ ಬಾಕಿ ಇದೆ

ಸ್ವತಃ ರಜನಿಕಾಂತ್ ಅವರೇ ಹೇಳಿರುವ ಪ್ರಕಾರ ಶೇಕಡಾ 60 ರಷ್ಟು ಚಿತ್ರೀಕರಣ ಮುಗಿದಿದ್ದು, ಶೇಕಡಾ 40 ರಷ್ಟು ಕೆಲಸ ಬಾಕಿ ಇದೆ. 'ಜನವರಿಯಲ್ಲಿ ಅಣ್ಣಾತೆ ಸಿನಿಮಾದಲ್ಲಿ ನಾನು ಬ್ಯುಸಿ ಇರುತ್ತೇನೆ, ಅದು ಮುಗಿದ ತಕ್ಷಣ ರಾಜಕೀಯವಾಗಿ ಸಕ್ರಿಯನಾಗುತ್ತೇನೆ' ಎಂದು ಸ್ವತಃ ರಜನಿ ಹೇಳಿದ್ದಾರೆ.

ಹೊಸ ಸಿನಿಮಾ ಒಪ್ಪಿಕೊಂಡಿಲ್ಲ

ಸದ್ಯದವರೆಗೂ ರಜನಿಕಾಂತ್ ಯಾವುದೇ ಹೊಸ ಸಿನಿಮಾ ಒಪ್ಪಿಕೊಂಡಿಲ್ಲ. ಬಹುಶಃ ಅಣ್ಣಾತೆ ಸಿನಿಮಾ ಮುಗಿಯುತ್ತಿದ್ದಂತೆ ಪೂರ್ಣ ಪ್ರಮಾಣದ ರಾಜಕೀಯದಲ್ಲಿ ತೊಡಗಿಕೊಳ್ಳಲಿರುವ ರಜನಿ, ಪಕ್ಷ ಸಂಘಟನೆ, ಅಭ್ಯರ್ಥಿಗಳ ಆಯ್ಕೆ, ಚುನಾವಣೆ ಪ್ರಚಾರ ಹೀಗೆ ರಾಜಕೀಯವಾಗಿ ಮುಳುಗಿ ಹೋಗಬಹುದು.

Recommended Video

ಸೂಪರ್ ಸ್ಟಾರ್ ನ ಲಾಂಚ್ ಮಾಡ್ತಿದೀನಿ ಅನ್ನೋ ಖುಷಿ ಇದೆ ನಂಗೆ | Super Star movie Director | Filmibeat Kannada

ಫಲಿತಾಂಶ ನಂತರ ಸೆಕೆಂಡ್ ಇನ್ನಿಂಗ್ಸ್

2021ರಲ್ಲಿ ತಮಿಳುನಾಡು ವಿಧಾನಸಭೆ ಚುನಾವಣೆ ನಡೆಯಲಿದ್ದು, ಈ ಚುನಾವಣೆಯಲ್ಲಿ ರಜನಿಕಾಂತ್ ಪಕ್ಷ ಅಧಿಕಾರಕ್ಕೆ ಬರುತ್ತಾ ಇಲ್ಲವೋ ಎಂಬುದರ ಮೇಲೆ ತಲೈವಾ ಸೆಕೆಂಡ್ ಇನ್ನಿಂಗ್ಸ್ ನಿರ್ಧಾರವಾಗಲಿದೆ. ಚುನಾವಣೆ ಬಳಿಕ ಮತ್ತೆ ಸಿನಿಮಾ ಮಾಡ್ತಾರೋ ಇಲ್ಲವೋ ಎನ್ನುವುದು ಸಹ ಕಾದು ನೋಡಬೇಕಿದೆ.