For Quick Alerts
    ALLOW NOTIFICATIONS  
    For Daily Alerts

    ತಮಿಳು ನಟ ವಿಜಯ್ ಐಟಿಗೆ 'ಟಾರ್ಗೆಟ್' ಆಗಲು ಕಾರಣ ಆ 65 ಕೋಟಿ

    |
    65 ಕೋಟಿ ರೂಪಾಯಿಯ ರಹಸ್ಯ ಏನು? | Vijay | IT Raid | filmibeat Kannada

    ತಮಿಳು ಸೂಪರ್ ಸ್ಟಾರ್ ವಿಜಯ್ ತಮ್ಮ ಮುಂದಿನ ಸಿನಿಮಾ 'ಮಾಸ್ಟರ್' ಚಿತ್ರೀಕರಣದಲ್ಲಿದ್ದಾರೆ. ಲೋಕೇಶ್ ಕನಕರಾಜ್ ನಿರ್ದೇಶನ ಮಾಡುತ್ತಿರುವ ಈ ಚಿತ್ರದಲ್ಲಿ ವಿಜಯ್ ಮತ್ತು ವಿಜಯ್ ಸೇತುಪತಿ ನಟಿಸುತ್ತಿದ್ದಾರೆ.

    ಜೇವಿಯರ್ ಬ್ರಿಟ್ಟೊ ನಿರ್ಮಿಸುತ್ತಿರುವ ಈ ಚಿತ್ರ ದೊಡ್ಡ ಬಜೆಟ್ ನಲ್ಲಿ ನಿರ್ಮಾಣವಾಗುತ್ತಿದೆ. ಸದ್ಯಕ್ಕೆ ತಮಿಳಿನಲ್ಲಿ ವಿಜಯ್ ಅತಿ ಹೆಚ್ಚು ಸಂಭಾವನೆ ಪಡೆಯುತ್ತಿದ್ದಾರೆ ಎಂಬ ಮಾತು ಕೂಡ ಇದೆ.

    ತೆರಿಗೆ ವಂಚನೆ ಆರೋಪದಲ್ಲಿ ತಮಿಳು ನಟ ವಿಜಯ್ ಗೆ ಐಟಿ ವಿಚಾರಣೆ

    ತಮಿಳುನಾಡಿನ ಕಡಲೂರು ಜಿಲ್ಲೆಯ ನೆವಿಲಿಯಲ್ಲಿ ಮಾಸ್ಟರ್ ಸಿನಿಮಾ ಶೂಟಿಂಗ್ ಆಗುತ್ತಿದ್ದ ಸಮಯದಲ್ಲಿ ವಿಜಯ್ ಅವರನ್ನು ಐಟಿ ದಾಳಿ ಮಾಡಿದ್ದಾರೆ. ಅದಕ್ಕೆ ಕಾರಣ ಬಿಗಿಲ್ ಸಿನಿಮಾದ ನಿರ್ಮಾಪಕರ 65 ಕೋಟಿ. ಏನಿದು 65 ಕೋಟಿ ಕಥೆ? ಮುಂದೆ ಓದಿ....

    ಫೈನಾನ್ಶಿಯರ್ ದಾಳಿಯಲ್ಲಿ 65 ಕೋಟಿ ಪತ್ತೆ

    ಫೈನಾನ್ಶಿಯರ್ ದಾಳಿಯಲ್ಲಿ 65 ಕೋಟಿ ಪತ್ತೆ

    ತಮಿಳು ಸಿನಿಮಾ ಇಂಡಸ್ಟ್ರಿಯಲ್ಲಿ ದೊಡ್ಡ ಫೈನಾನ್ಶಿಯರ್ ಎನಿಸಿಕೊಂಡಿರುವ ಅನ್ಬು ಚೆಲಿಯಾನ್ ಕಛೇರಿ ಮೇಲೆ ಐಟಿ ದಾಳಿ ಆಗಿದೆ. ಈ ಸಮಯದಲ್ಲಿ ಸುಮಾರು 65 ಕೋಟಿ ಪತ್ತೆಯಾಗಿದೆ. ಇದಕ್ಕೆ ಸರಿಯಾದ ಲೆಕ್ಕ ಸಿಕ್ಕಿಲ್ಲ. ಈ ಹಣಕ್ಕೆ ಸಂಬಂಧಿಸಿದಂತೆ ತಮಿಳು ನಟ ವಿಜಯ್ ಅವರ ವಿಚಾರಣೆಯೂ ಆಗಿದೆ ಎನ್ನಲಾಗಿದೆ.

    ವಿಜಯ್ ಗೆ ಏನು ಸಂಬಂಧ?

    ವಿಜಯ್ ಗೆ ಏನು ಸಂಬಂಧ?

    ಫೈನಾನ್ಶಿಯರ್ ಅನ್ಬು ಚೆಲಿಯಾನ್ ಮತ್ತು ನಟ ವಿಜಯ್ ನಡುವೆ ಹಣದ ವಹಿವಾಟು ನಡೆದಿದೆ. ಅದಕ್ಕೆ ಸರಿಯಾದ ಲೆಕ್ಕ ಸಿಕ್ಕಿಲ್ಲ. ಹಾಗಾಗಿ, ನಟ ವಿಜಯ್ ಅವರನ್ನು ಐಟಿ ಅಧಿಕಾರಿಗಳು ಪ್ರಶ್ನಿಸಿದ್ದಾರೆ.

    ಭಾರತೀಯ ಚಿತ್ರರಂಗದಲ್ಲಿ ಅತೀ ಹೆಚ್ಚು ಸಂಭಾವನೆ ಪಡೆಯುವ ನಟ ವಿಜಯ್?

    ಬಿಗಿಲ್ ನಿರ್ಮಾಪಕನಿಗೂ ನಂಟು

    ಬಿಗಿಲ್ ನಿರ್ಮಾಪಕನಿಗೂ ನಂಟು

    ಅಂದ್ಹಾಗೆ, ಫೈನಾನ್ಶಿಯರ್ ಅನ್ಬು ಚೆಲಿಯಾನ್ ಗೂ ಮತ್ತು ಬಿಗಿಲ್ ಸಿನಿಮಾದ ನಿರ್ಮಾಪಕ ಎಜಿಎಸ್ ಪ್ರೊಡಕ್ಷನ್ ಸಂಸ್ಥೆಗೂ ಸಂಬಂಧ ಇದೆ. ಬಿಗಿಲ್ ಚಿತ್ರದಲ್ಲಿ ವಿಜಯ್ ನಾಯಕನಾಗಿ ನಟಿಸಿದ್ದರು. ಹಾಗಾಗಿ, ಒಬ್ಬರಿಗೊಬ್ಬರು ಸಂಬಂಧ ಇರುವ ಕಾರಣ ಐಟಿ ಅಧಿಕಾರಿಗಳು ಈ ಮೂವರನ್ನು ಆಸ್ತಿಪಾಸ್ತಿ ಲೆಕ್ಕಾಚಾರ ಕೇಳುತ್ತಿದ್ದಾರೆ.

    ಬಿಗಿಲ್ ಸಿನಿಮಾ ಬಜೆಟ್-ಲಾಭ ಎಷ್ಟು?

    ಬಿಗಿಲ್ ಸಿನಿಮಾ ಬಜೆಟ್-ಲಾಭ ಎಷ್ಟು?

    ವಿಜಯ್ ನಟಿಸಿ, ಅಟ್ಲಿ ನಿರ್ದೇಶನ ಮಾಡಿದ್ದ ಬಿಗಿಲ್ ಸಿನಿಮಾ ಕಳೆದ ವರ್ಷದ ಅಂತ್ಯದಲ್ಲಿ ಬಿಡುಗಡೆಯಾಗಿತ್ತು. 150 ಕೋಟಿಗೂ ಅಧಿಕ ಬಜೆಟ್ ನಲ್ಲಿ ತಯಾರಾಗಿದ್ದ ಈ ಚಿತ್ರ ಸುಮಾರು 250 ಕೋಟಿ ಬಿಸಿನೆಸ್ ಮಾಡಿತ್ತು ಎನ್ನಲಾಗಿದೆ. ಇನ್ನು ಫೈನಾನ್ಶಿಯರ್ ಮತ್ತು ಬಿಗಿಲ್ ನಿರ್ಮಾಪಕ ಎಜಿಎಸ್ ಸಂಸ್ಥೆಯ ವಹಿವಾಟು ಮೇಲೆ ಐಟಿ ಅಧಿಕಾರಿಗಳು ಮೊದಲಿನಿಂದಲೂ ಗಮನ ಹರಿಸಿದ್ದರು ಎಂದು ಹೇಳಲಾಗಿದೆ.

    ತೆಲುಗು ಖ್ಯಾತ ನಿರೂಪಕಿ ಸುಮಾ-ಅನುಸೂಯ ಮನೆ ಮೇಲೆ ಐಟಿ ದಾಳಿ

    ವಿಜಯ್ ಪರ ನಿಂತ ಅಭಿಮಾನಿಗಳು

    ವಿಜಯ್ ಪರ ನಿಂತ ಅಭಿಮಾನಿಗಳು

    ಇನ್ನು ತಮಿಳು ನಟ ವಿಜಯ್ ಅವರನ್ನು ನೇರವಾಗಿ ಐಟಿ ಅಧಿಕಾರಿಗಳು ಟಾರ್ಗೆಟ್ ಮಾಡಿಲ್ಲ. ಆದರೂ ಫೈನಾನ್ಶಿಯರ್, ಬಿಗಿಲ್ ನಿರ್ಮಾಪಕರ ವಹಿವಾಟುವಿನಲ್ಲಿ ಸಂಬಂಧ ಹೊಂದಿರುವುದರಿಂದ ವಿಚಾರಣೆ ನಡೆಸಿದ್ದಾರೆ. ಆದರೆ, ನೆಚ್ಚಿನ ನಟನ ಮನೆ ಮೇಲೆ ದಾಳಿ ಮಾಡಿರುವುದನ್ನು ವಿಜಯ್ ಅಭಿಮಾನಿಗಳು ವಿರೋಧಿಸಿದ್ದಾರೆ. ತಮಿಳುನಾಡಿನ ಹಲವು ಕಡೆ ಐಟಿ ದಾಳಿಯನ್ನು ಖಂಡಿಸಿದ್ದಾರೆ. ''#WeStandWithVIJAY'' ಎಂಬ ಹ್ಯಾಷ್ ಟ್ಯಾಗ್ ಕೂಡ ಟ್ವಿಟ್ಟರ್ ನಲ್ಲಿ ಟ್ರೆಂಡ್ ಆಗಿದೆ.

    English summary
    Tamil actor Vijay questioned by income tax offices on wednesday. after it raid on vijay's home fans are supporting the actor.

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X