ತಮಿಳು ಸಿನಿಮಾಕ್ಕಾಗಿ ಗನ್ ಹಿಡಿದ ಸ್ವಿಂಗ್ ಮಾಸ್ಟರ್ ಇರ್ಫಾನ್ ಪಠಾಣ್

ತಮಿಳು ಸಿನಿಮಾರಂಗಕ್ಕೆ ಇರ್ಫಾನ್ ಎಂಟ್ರಿ

ಭಾರತ ತಂಡದಲ್ಲಿ ಆಡಿದ್ದ ಪ್ರಖ್ಯಾತ ಬೌಲರ್ ಇರ್ಫಾನ್ ಪಠಾಣ್ ಇದೀಗ ಸಿನಿಮಾ ನಟ ಆಗಿದ್ದಾರೆ. ಅದೂ ಹೀರೋ ಆಗಿ ತಮಿಳು ಸಿನಿಮಾರಂಗಕ್ಕೆ ಎಂಟ್ರಿ ಕೊಡುತ್ತಿದ್ದಾರೆ ಇರ್ಫಾನ್ ಪಠಾಣ್. ಸಿನಿಮಾದ ಪೋಸ್ಟರ್ ಬಿಡುಗಡೆ ಆಗಿದ್ದು ಸಖತ್ ವೈರಲ್ ಆಗಿದೆ.

ಗನ್ ಹಿಡಿದು ನಿಂತಿರುವ ಇರ್ಫಾನ್ ಪಠಾಣ್

ಬಾಲ್ ಹಿಡಿದು ಸ್ವಿಂಗ್ ಮಾಡುತ್ತಿದ್ದ ಸ್ವಿಂಗ್ ಮಾಸ್ಟರ್ ಇರ್ಫಾನ್ ಪಠಾಣ್, ಸಿನಿಮಾಕ್ಕಾಗಿ ಗನ್ ಹಿಡಿದಿದ್ದಾರೆ. ಇರ್ಫಾನ್ ಗನ್ ಹಿಡಿದು ಕಪ್ಪು ಬಟ್ಟೆ ಧರಿಸಿ ನಿಂತಿರುವ ಪೋಸ್ಟರ್ ಬಿಡುಗಡೆ ಆಗಿದ್ದು, ಸಿನಿಮಾವು ಪಕ್ಕಾ ಆಕ್ಷನ್ ಸಿನಿಮಾ ಆಗಿರಲಿದೆ ಎಂಬುದನ್ನು ಸಾರಿ ಹೇಳುತ್ತಿದೆ.

ಫ್ರೆಂಚ್ ಇಂಟರ್‌ಪೋಲ್ ಅಧಿಕಾರಿ ಪಾತ್ರದಲ್ಲಿ ಇರ್ಫಾನ್

ಸಿನಿಮಾದ ಹೆಸರು ಕೋಬ್ರಾ ಎಂದಿದ್ದು, ಇರ್ಫಾನ್ ಪಠಾಣ್ ಅಸ್ಲಮ್ ಇಲ್ಮಾಜ್ ಎಂಬ ಫ್ರೆಂಚ್ ಇಂಟರ್‌ಪೋಲ್‌ ಅಧಿಕಾರಿ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಇಂದು ಇರ್ಫಾನ್ ಪಠಾಣ್ ಹುಟ್ಟುಹಬ್ಬವಿದ್ದು, ಇದೇ ಸಂದರ್ಭದಲ್ಲಿ ಇರ್ಫಾನ್ ಅವರ ಪೋಸ್ಟರ್ ಅನ್ನು ಬಿಡುಗಡೆ ಮಾಡಲಾಗಿದೆ.

ವಿಕ್ರಂ-ಶ್ರೀನಿಧಿ ಶೆಟ್ಟಿ ನಟನೆ

ಕೋಬ್ರಾ ಸಿನಿಮಾದಲ್ಲಿ ಮುಖ್ಯ ನಾಯಕ ನಟನಾಗಿ ವಿಕ್ರಂ ಅಭಿನಯಿಸಿದ್ದಾರೆ. ಕೆಜಿಎಫ್ ನಾಯಕ ನಟಿ ಶ್ರೀನಿಧಿ ಶೆಟ್ಟಿ ಸಿನಿಮಾದ ನಾಯಕಿಯಾಗಿದ್ದಾರೆ. ಮತ್ತೊಬ್ಬ ಖ್ಯಾತ ನಟಿ ಮಿಯಾ ಇದ್ದಾರೆ. ಸಿನಿಮಾಕ್ಕೆ ಸಂಗೀತವನ್ನು ಎ.ಆರ್.ರೆಹಮಾನ್ ನೀಡಿದ್ದಾರೆ. ಸಿನಿಮಾದ ನಿರ್ದೇಶನ ಅಜಯ್ ಜ್ಞಾನಮುತ್ತು ಮಾಡಿದ್ದಾರೆ.