ಅವಾರ್ಡ್ ಕಾರ್ಯಕ್ರಮಕ್ಕೆ ಹೋದ ನಯನತಾರ ವಿರುದ್ಧ ಆಕ್ರೋಶ

ನಯನತಾರ ಕಂಡಿಷನ್ ಏನು?

ನಯನತಾರ ಸಿನಿಮಾಗೆ ಒಪ್ಪಿಕೊಳ್ಳುವ ಸಂದರ್ಭದಲ್ಲಿ ಷರತ್ತು ಹಾಕಿ ಸಹಿ ಹಾಕ್ತಾರೆ ಎಂಬ ಮಾತಿದೆ. ಚಿತ್ರೀಕರಣ ಮಾಡ್ತೀನಿ, ಶೂಟಿಂಗ್ ಮುಗಿದ ಮೇಲೆ ನಾನು ಪ್ರಚಾರಕ್ಕೆ ಬರಲ್ಲ ಎನ್ನುವುದು ನಯನತಾರ ಕಂಡಿಷನ್. ಈ ಷರತ್ತಿನ ಬಗ್ಗೆ ತಮಿಳು ನಿರ್ದೇಶಕ ಮತ್ತು ನಿರ್ಮಾಪಕರು ಆಕ್ರೋಶ ಹೊರಹಾಕಿದ್ದಾರೆ.

ಪ್ರಚಾರಕ್ಕೆ ಬರಲ್ಲ, ಪ್ರಶಸ್ತಿ ಮಾತ್ರ ಬೇಕು

ನಿರ್ಮಾಪಕರು ಕೋಟಿ ಕೋಟಿ ಹಣ ಹಾಕಿ ಸಿನಿಮಾ ಮಾಡ್ತಾರೆ. ನಯನತಾರ ಮಾತ್ರ ಸಿನಿಮಾ ಪ್ರಚಾರಕ್ಕೆ ಬರಲ್ಲ. ಆದರೆ, ಅವಾರ್ಡ್ ಕಾರ್ಯಕ್ರಮಗಳಿಗೆ ಮಾತ್ರ ತಪ್ಪದೇ ಹೋಗ್ತಾರೆ. ಅನ್ನದಾತರು ಎನ್ನುವ ನಿರ್ಮಾಪಕರಿಗಿಂತ ಅವಾರ್ಡ್ ಹೆಚ್ಚಾಯ್ತು ಅವರಿಗೆ ಎಂದು ಅಸಮಾಧಾನ ವ್ಯಕ್ತಪಡಿಸುತ್ತಿದ್ದಾರೆ.

ಹೀರೋ ಯಾರೇ ಆದರೂ ಬರಲ್ಲ

ಪ್ರಚಾರಕ್ಕೆ ಬರಲ್ಲ ಎಂದು ಷರತ್ತು ಹಾಕುವ ನಯನತಾರ, ಹೀರೋ ಯಾರೇ ಇದ್ದರೂ ನಿರ್ಧಾರ ಮಾತ್ರ ಬದಲಾಯಿಸಲ್ಲ. ಇತ್ತೀಚಿಗಷ್ಟೆ ವಿಜಯ್ ಜೊತೆ ಬಿಗಿಲ್ ಸಿನಿಮಾ ಮಾಡಿದ್ರು. ಆ ಚಿತ್ರದ ಕಾರ್ಯಕ್ರಮಕ್ಕೂ ಬಂದಿಲ್ಲ. ಈಗ ದರ್ಬಾರ್ ಸಿನಿಮಾ ಮಾಡಿದ್ರು. ಈ ಚಿತ್ರದ ಪ್ರಚಾರಕ್ಕೂ ಬಂದಿಲ್ಲ.

ನಯನತಾರ ಯಾಕೆ ಪ್ರಚಾರಕ್ಕೆ ಬರಲ್ಲ?

ನಯನತಾರ ಯಾಕೆ ಪ್ರಚಾರಕ್ಕೆ ಭಾಗಿಯಾಗಿಲ್ಲ ಎಂಬುದರ ಬಗ್ಗೆ ಈ ಹಿಂದೆ ಮಾತನಾಡಿದ್ದರು. ''ನಾನು ಬಹಳ ಖಾಸಗಿ ವ್ಯಕ್ತಿ. ಹೆಚ್ಚು ಜನರು ಸೇರುವ ಕಡೆ ನಾನು ಹೋಗಲು ಇಷ್ಟಪಡುವುದಿಲ್ಲ. ನನ್ನನ್ನು ಸಾಕಷ್ಟು ಬಾರಿ ತಪ್ಪಾಗಿ ಉಲ್ಲೇಖಿಸಲಾಗಿದೆ ಮತ್ತು ಅರ್ಥೈಸಲಾಗಿದೆ. ಹಾಗಾಗಿ, ನಾನು ಜನದಟ್ಟಣೆ ಇರುವ ಸ್ಥಳದಿಂದ ಹಿಂದೆ ಇರುತ್ತೇನೆ'' ಎಂದು ನಯನತಾರ ಸ್ಪಷ್ಟಪಡಿಸಿದ್ದಾರೆ.