'ಸೂರರೈ ಪೊಟ್ರು' ಸಿನಿಮಾದಲ್ಲಿ ಕನ್ನಡಿಗರ ಹೆಮ್ಮೆಯ ಕುವೆಂಪು

ಸಿನಿಮಾದ ದೃಶ್ಯವೊಂದರಲ್ಲಿ ಕುವೆಂಪು ಚಿತ್ರ

ಹೌದು, ಸಿನಿಮಾದಲ್ಲಿ ನಾಯಕ ನಟ ಮಾರನ್ ಹಾಗೂ ನಾಯಕಿ ಪೊನ್ನಿ ಮದುವೆ ಆಗುವ ದೃಶ್ಯವಿದೆ. ಸಿನಿಮಾದಲ್ಲಿ ಅವರು ಮಂತ್ರ ಮಾಂಗಲ್ಯ ಮಾದರಿಯಲ್ಲಿ ವಿವಾಹವಾಗುವಂತೆ ತೋರಿಸಲಾಗುತ್ತದೆ. ಗಂಡು-ಹೆಣ್ಣೆ ನಿಂತಿರುವ ಸ್ಟೇಜ್‌ಮೇಲೆ ಕುವೆಂಪು ಅವರ ಚಿತ್ರ ಇರುತ್ತದೆ.

ಕುವೆಂಪು ಪ್ರಾರಂಭಿಸಿದ 'ಮಂತ್ರ ಮಾಂಗಲ್ಯ'

ಕುವೆಂಪು ಅವರು ತಮ್ಮ ಪುತ್ರ ಪೂರ್ಣಚಂದ್ರ ತೇಜಸ್ವಿ ವಿವಾಹವನ್ನು ಮಂತ್ರ ಮಾಂಗಲ್ಯ ಮಾದರಿಯಲ್ಲಿ ಮಾಡಿದರು. ಆ ನಂತರ ಮಂತ್ರ ಮಾಂಗಲ್ಯ ಬಹಳ ಜನಪ್ರಿಯವಾಯಿತು. ಯಾವುದೇ ಆಡಂಭರವಿಲ್ಲದೆ, ಶಾಸ್ತ್ರ-ಆಚರಣೆಗಳ ಹೊರೆಯಿಲ್ಲದೆ, ಸರಳವಾಗಿ ಮದುವೆ ಆಗುವ ಪದ್ಧತಿಯದು.

ಪೆರಿಯಾರ್ ಚಿತ್ರ ಬಳಸಲಾಗಿದೆ

ಕುವೆಂಪು ಅವರ ಚಿತ್ರ ಕಾಣುವುದು ಸೂರರೈ ಪೊಟ್ರು ಸಿನಿಮಾದ ಕನ್ನಡ ಅವತರಣಿಕೆಯಲ್ಲಿ ಮಾತ್ರ. ತಮಿಳು ಅವತರಣಿಕೆಯಲ್ಲಿ ತಮಿಳಿನ ಖ್ಯಾತ ಸಾಮಾಜಿಕ ಹೋರಾಟಗಾರ ಪೆರಿಯಾರ್ ಅವರ ಚಿತ್ರವನ್ನು ಬಳಸಿಕೊಳ್ಳಲಾಗಿದೆ. ಪೆರಿಯಾರ್ ಆತ್ಮಗೌರವ ಚಳವಳಿಯನ್ನು ಆರಂಭಿಸಿದ್ದರು.

Recommended Video

ಸೈಬರ್ ರಾಣೆ ಮೆಟ್ಟಿಲೇರಿದ Vinod Raj | Filmibeat Kannada

ಕತೆಯಲ್ಲಿ ಬದಲಾವಣೆ

ಸೂರರೈ ಪೊಟ್ರು ಸಿನಿಮಾದ ಕನ್ನಡ ಅವತರಣಿಕೆಯಲ್ಲಿ ಸಿನಿಮಾದ ನಾಯಕ ಗೋರೂರು ಗ್ರಾಮದವನಾಗಿದ್ದರೆ, ತಮಿಳಿನಲ್ಲಿ ಮಧುರೈ ಸಮೀಪದ ಹಳ್ಳಿಯವನಾಗಿರುತ್ತಾನೆ. ಹೀಗೆ ಭಾಷೆಗಳ ಅನ್ವಯ ಕತೆಯ ಮಾಹಿತಿಯನ್ನು ಬದಲಾವಣೆ ಮಾಡಲಾಗಿದೆ. ಒಟ್ಟಾರೆಯಾಗಿ ಸಿನಿಮಾ ಚೆನ್ನಾಗಿದೆ.