Connect Trailer: ಲಾಕ್‌ಡೌನ್ ಟೈಮಲ್ಲಿ ದೆವ್ವ ನೋಡಿ ಬೆಚ್ಚಿಬಿದ್ದ ನಯನತಾರ!

ದೆವ್ವ ನೋಡಿ ಬೆಚ್ಚಿಬಿದ್ದ ನಯನ್

'ಕನೆಕ್ಟ್' ಸಿನಿಮಾ ಟ್ರೈಲರ್ ಭಯಹುಟ್ಟಿಸುವಂತಿದೆ. ಕಣ್ಣಿಗೆ ಕಾಣದ ದೆವ್ವ ಭಯದಿಂದ ನಯನತಾರಾ ಭಯಪಡುತ್ತಾ ನಟಿಸಿರುವುದು ಗಮನ ಸೆಳೆದಿದೆ. ಮದುವೆ ನಂತರ ನಯನತಾರಾ ಲೀಡ್ ರೋಲ್‌ನಲ್ಲಿ ನಟಿಸಿರು ಸಿನಿಮಾ ಇದು. ಡಿಸೆಂಬರ್ 22ಕ್ಕೆ ಸಿನಿಮಾ ತಮಿಳು ಹಾಗೂ ತೆಲುಗಿನಲ್ಲಿ ಏಕಕಾಲಕ್ಕೆ ತೆರೆಗೆ ಬರ್ತಿದೆ.

'ಕನೆಕ್ಟ್' ಸಿನಿಮಾ ಕಥೆಯೇನು?

ಒಂದು ಸುಂದರವಾದ ಊರು. ಅಲ್ಲಿ ಒಂದು ಕುಟುಂಬ. ಯಾವುದೇ ಚಿಂತೆಯಿಲ್ಲದೇ ಸಾಗುತ್ತಿದ್ದ ಅವರ ಜೀವನದಲ್ಲಿ ಲಾಕ್‌ಡೌನ್ ಕಾರಣದಿಂದ ಸಂಕಷ್ಟ ಎದುರಾಗುತ್ತದೆ. ಡಾಕ್ಟರ್ ಆಗಿರುವ ತಂದೆ ಪ್ಯಾಂಡಮಿಕ್ ಸಮಯದಲ್ಲಿ ಆಸ್ಪತ್ರೆಯಲ್ಲಿ ಲಾಕ್ ಆಗುವಂತಾಗುತ್ತದೆ. ತಾಯಿ ವರ್ಕ್‌ಫ್ರಂ ಹೋಮ್‌ ಅಂತ ಬ್ಯುಸಿ ಆಗಿರುತ್ತಾಳೆ. ಇಂತಹ ಸಮಯದಲ್ಲಿ ಅವರ ಮಗಳು ಸ್ಪಿರಿಟ್ ಗೇಮ್ ಆಡಿ ಮನೆಮಂದಿಯೆಲ್ಲಾ ಸಮಸ್ಯೆ ಸಿಲುಕುವಂತೆ ಮಾಡುತ್ತಾಳೆ. ಮುಂದೇನಾಗುತ್ತದೆ ಎನ್ನುವುದು 'ಕನೆಕ್ಟ್' ಸಿನಿಮಾ ಕಥೆ.

ಇಂಟರ್‌ವಲ್ ಇಲ್ದೆ ಹೆದರಿಸುವ ಚಿತ್ರ

2 ನಿಮಿಷದ 'ಕನೆಕ್ಟ್' ಸಿನಿಮಾ ಟ್ರೈಲರ್ ನೋಡುಗರ ಗಮನ ಸೆಳೆದಿದೆ. 99 ನಿಮಿಷದ ರನ್ ಟೈಮ್ ಸಿನಿಮಾ ಇದು. ಇಂಟರ್‌ವಲ್ ಇಲ್ಲೇ ಇಂಗ್ಲೀಷ್ ಸಿನಿಮಾಗಳ ರೀತಿ ಒಂದೂವರೆ ಗಂಟೆ ಸಿನಿಮಾ ಪ್ರೇಕ್ಷಕರನ್ನು ಬೆಚ್ಚಿ ಬೀಳಿಸಲು ಬರ್ತಿದೆ. ಸೈಕಾಲಜಿಸ್ಟ್ ಪಾತ್ರದಲ್ಲಿ ಅನುಪಮ್ ಕೇರ್ ನಟಿಸಿದ್ದಾರೆ. ಲಾಕ್‌ಡೌನ್ ಸಮಯದಲ್ಲಿ ಆ ಮನೆಯಲ್ಲಿ ಸೃಷ್ಟಿಯಾದ ಸಮಸ್ಯೆ ಏನು? ಅದರಿಂದ ಕುಟುಂಬ ಹೇಗೆ ಹೊರಬರುತ್ತೆ ಎನ್ನುವುನ್ನು ತೆರೆಮೇಲೆ ನೋಡಬೇಕು.

ಟ್ರೈಲರ್ ನೋಡಿ ಪ್ರಭಾಸ್ ಮೆಚ್ಚುಗೆ

ಬಾಹುಬಲಿ ಪ್ರಭಾಸ್ 'ಕನೆಕ್ಟ್' ಟ್ರೈಲರ್ ಲಾಂಚ್ ಮಾಡಿ ಚಿತ್ರತಂಡಕ್ಕೆ ಶುಭ ಹಾರೈಸಿದ್ದಾರೆ. "ಟ್ರೈಲರ್ ಬಹಳ ಚೆನ್ನಾಗಿದೆ. ಸಿನಿಮಾ ನೋಡಲು ಕಾತರದಿಂದ ಕಾಯುತ್ತಿದ್ದೀನಿ" ಎಂದು ಇನ್‌ಸ್ಟಾಗ್ರಾಮ್‌ನಲ್ಲಿ ಬರೆದುಕೊಂಡಿದ್ದಾರೆ. ಮಧ್ಯರಾತ್ರಿ 12 ಗಂಟೆಗೆ ಟ್ರೈಲರ್‌ ಲಾಂಚ್ ಮಾಡಿದೆ ಚಿತ್ರತಂಡ. 'ಕನೆಕ್ಟ್' ಝಲಕ್ ನೋಡಿದವರು ಸೂಪರ್ ಎಂದು ಕಾಮೆಂಟ್ ಮಾಡುತ್ತಿದ್ದಾರೆ. ಸಿನಿಮಾ ಕೂಡ ಪ್ರೇಕ್ಷಕರ ಮನಗೆಲ್ಲುತ್ತಾ ಕಾದು ನೋಡಬೇಕು.