'ಮಾಸ್ಟರ್' ಕಲೆಕ್ಷನ್: ಕೊರೊನಾ ನಡುವೆಯೂ ಮೊದಲ ದಿನ ದಾಖಲೆ ಬರೆದ ವಿಜಯ್

ಮೊದಲ ದಿನ 'ಮಾಸ್ಟರ್' ಕಲೆಕ್ಷನ್ ಎಷ್ಟು?

ವಿಜಯ್ ನಟನೆಯ 'ಮಾಸ್ಟರ್' ಸಿನಿಮಾ ಮೊದಲನೇ ದಿನ ಭರ್ಜರಿ ಬಿಸಿನೆಸ್ ಮಾಡಿದೆ. ಕೇವಲ 50 ಪರ್ಸೆಂಟ್ ಆಸನ ಭರ್ತಿ ನಿಯಮ ಇದ್ದರೂ ಗಳಿಕೆಯಲ್ಲಿ ದಾಖಲೆ ಬರೆದಿದೆ. ವರದಿಗಳ ಪ್ರಕಾರ, 'ಮಾಸ್ಟರ್' ಸಿನಿಮಾ ಮೊದಲ ದಿನ 40 ಕೋಟಿಗೂ ಹೆಚ್ಚು ಗಳಿಕೆ ಕಂಡಿದೆ. ಕೊರೊನಾ ಆತಂಕದಲ್ಲಿ ಮೊದಲ ದಿನ ಇಷ್ಟೊಂದು ಗಳಿಕೆ ಕಂಡಿರುವುದು ನಿಜಕ್ಕೂ ಅದ್ಭುತ ಎಂಬ ಅಭಿಪ್ರಾಯ ಕೇಳಿ ಬರುತ್ತಿದೆ.

ತಮಿಳಿನಾಡಿನಲ್ಲಿ 'ಮಾಸ್ಟರ್' ಅಬ್ಬರ

ತಮಿಳುನಾಡಿನಲ್ಲಿ ಮಾತ್ರ 'ಮಾಸ್ಟರ್' ಸಿನಿಮಾ 23 ರಿಂದ 27 ಕೋಟಿ ಗಳಿಕೆ ಕಂಡಿದೆ ಎನ್ನಲಾಗಿದೆ. ಇದಕ್ಕೂ ಮುಂಚೆ ವಿಜಯ್ ನಟಿಸಿದ್ದ 'ಸರ್ಕಾರ್' ಸಿನಿಮಾ (ಮೊದಲ ದಿನ) 32 ಕೋಟಿ, 'ಬಿಗಿಲ್' 26.5 ಕೋಟಿ ಹಾಗೂ 'ಮೆರ್ಸಲ್' ಸಿನಿಮಾ 23.5 ಕೋಟಿ ಗಳಿಸಿದೆ ಎಂದು ಹೇಳಲಾಗಿದೆ.

ಕರ್ನಾಟಕದಲ್ಲಿ ಮಾಸ್ಟರ್ ಗಳಿಸಿದ್ದು ಎಷ್ಟು?

ಕರ್ನಾಟಕದಲ್ಲೂ 'ಮಾಸ್ಟರ್' ಚಿತ್ರಕ್ಕೆ ಭರ್ಜರಿ ರೆಸ್‌ಪಾನ್ಸ್ ಸಿಕ್ಕಿದೆ. ವರದಿಗಳ ಪ್ರಕಾರ ಕರ್ನಾಟಕದಲ್ಲಿ 'ಮಾಸ್ಟರ್' ಸಿನಿಮಾ ಮೊದಲ ದಿನ 3 ಕೋಟಿಗೂ ಹೆಚ್ಚು ಹಣ ಗಳಿಕೆ ಮಾಡಿದೆಯಂತೆ. ಆ ಕೇರಳದಲ್ಲೂ ಮೊದಲ ದಿನ ಸುಮಾರು 3 ಕೋಟಿ ಕಲೆಕ್ಷನ್ ಮಾಡಿದೆ ಎಂದು ಹೇಳಲಾಗಿದೆ.

Recommended Video

ರಾಜಮೌಳಿ ತಂದೆ ಗರಡಿಯಲ್ಲಿ ತಯಾರಾಗಿದೆ 'ಕಬ್ಜ'ದ ಕಥೆ | Filmibeat Kannada

ಆಂಧ್ರ-ತೆಲಂಗಾಣದಲ್ಲಿ 5 ಕೋಟಿ

ತೆಲುಗಿನಲ್ಲಿ ಬಿಡುಗಡೆಯಾಗಿದ್ದ 'ಮಾಸ್ಟರ್' ಸಿನಿಮಾ ಆಂಧ್ರ ಮತ್ತು ತೆಲಂಗಾಣದಲ್ಲಿ ಅಬ್ಬರಿಸಿದೆ. ತೆಲುಗು ರಾಜ್ಯಗಳಲ್ಲಿ ಮೊದಲ ದಿನ 'ಮಾಸ್ಟರ್' ಸಿನಿಮಾ 4.5 ಕೋಟಿಯಿಂದ 5 ಕೋಟಿವರೆಗೂ ಗಳಿಕೆ ಕಂಡಿದೆ. ರಜನಿಕಾಂತ್ ನಂತರ ತಮಿಳು ನಟನೊಬ್ಬನ ಡಬ್ಬಿಂಗ್ ಚಿತ್ರ 5 ಕೋಟಿ ಗಳಿಸಿರುವುದು ಇದೇ ಮೊದಲು ಎನ್ನಲಾಗಿದೆ.