ಜೀವನ ಸಾಗಿಸಲು ದಿನಸಿ ಅಂಗಡಿ ತೆರೆದ ಸಿನಿಮಾ ನಿರ್ದೇಶಕ

ಹತ್ತು ವರ್ಷಗಳಿಂದ ಸಿನಿರಂಗದಲ್ಲಿರುವ ಆನಂದ್

ತಮಿಳು ಸಿನಿಮಾ ಕಳೆದ ಹತ್ತು ವರ್ಷಗಳಿಂದ ದುಡಿದಿರುವ ನಿರ್ದೇಶಕ ಆನಂದ್ ಜೀವನ ನಡೆಸಲು ದಿನಸಿ ಅಂಗಡಿಯನ್ನು ತೆರೆದಿದ್ದಾರೆ. ಚೆನ್ನೈ ನಿವಾಸಿ ಆಗಿರುವ ಅವರು, ಚೆನ್ನೈನ ಮೋಲಿವಕ್ಕುಂ ನಲ್ಲಿ ಅಂಗಡಿ ತೆರೆದಿದ್ದಾರೆ.

ಜೀವನ ಸಾಗಿಸಲು ದಿನಸಿ ಅಂಗಡಿ

'ಕೊರೊನಾ ಪ್ರಕರಣಗಳ ಸಂಖ್ಯೆ ಏರಿಕೆ ಆಗುತ್ತಿರುವುದು ನೋಡಿದರೆ ಒಂದು ವರ್ಷದ ವರೆಗೆ ಚಿತ್ರಮಂದಿರಗಳು ತೆರೆಯುವುದಿಲ್ಲವೆನಿಸುತ್ತದೆ. ಅಲ್ಲಿಯವರೆಗೆ ನಮಗೆ ಉದ್ಯೋಗ ಇರುವುದಿಲ್ಲ, ಹಾಗಾಗಿ ಜೀವನ ಸಾಗಿಸಲು ದಿನಸಿ ಅಂಗಡಿ ತೆರೆದಿದ್ದೇನೆ' ಎಂದಿದ್ದಾರೆ ಆನಂದ್.

ಶಾಲೆ, ಜಿಮ್, ಬೀಚ್ ತೆರೆದ ಮೇಲೆ ಚಿತ್ರಮಂದಿರ

ಮೊದಲಿಗೆ ಶಾಲೆಗಳು, ಜಿಮ್‌ಗಳು, ಪಾರ್ಕ್‌ಗಳು, ಬೀಚ್‌ಗಳು ತೆರೆಯಬೇಕು ಆ ನಂತರವೇ ಚಿತ್ರಮಂದಿರಗಳನ್ನು ತೆಗೆಯುತ್ತಾರೆ. ಇದೆಲ್ಲವೂ ಆಗುವ ವೇಳೆಗೆ ಒಂದು ವರ್ಷವಾಗಿರುತ್ತದೆ ಹಾಗಾಗಿ ಈ ನಡುವೆ ಲಾಭವಿರುವುದು ದಿನಸಿ ಅಂಗಡಿಗಳಿಗೆ ಮಾತ್ರ ಹಾಗಾಗಿ ದಿನಸಿ ಅಂಗಡಿ ತೆರೆದಿದ್ದೇನೆ ಎಂದಿದ್ದಾರೆ ಆನಂದ್.

ಕೆಲವು ಸಿನಿಮಾ ನಿರ್ದೇಶಿಸಿದ್ದಾರೆ

ಆನಂದ್ ಅವರು ಕಡಿಮೆ ಬಜೆಟ್‌ನ ಸಿನಿಮಾಗಳನ್ನು ತೆಗೆಯುವುದಕ್ಕೆ ಖ್ಯಾತರು. 'ಒರು ಮಳೈ ನಂಗು ಸಾರಲ್', 'ಮೌನ ಮಳೈ' ಇನ್ನೂ ಕೆಲವು ಸಿನಿಮಾಗಳನ್ನು ನಿರ್ದೇಶಿಸಿದ್ದಾರೆ. ಇತ್ತೀಚೆಗೆ 'ತುನಿಂತು ಸೇಯ್' ಸಿನಿಮಾ ನಿರ್ದೇಶಿಸಿದ್ದು ಎರಡು ಹಾಡುಗಳ ಚಿತ್ರೀಕರಣ ಬಾಕಿ ಇದೆ. ಈ ನಡುವೆ ಕೊರೊನಾ ಬಂದ ಕಾರಣ ಚಿತ್ರೀಕರಣ ಬಂದ್ ಆಗಿದೆ.