ನಟಿ ನಯನತಾರಾ ಮದುವೆ ಬಗ್ಗೆ ಬಂತು ಹೊಸ ಸುದ್ದಿ

ದೇವಸ್ಥಾನದಲ್ಲಿ ಮದುವೆ

ತಮಿಳು ನಾಡಿನ ದೇವಾಲಯದಲ್ಲಿ ನಡೆಯಲಿರುವ ತೀರಾ ಖಾಸಗಿ ಹಾಗೂ ಸರಳ ಸಮಾರಂಭದಲ್ಲಿ ತಮ್ಮ ದೀರ್ಘ ಕಾಲದ ಗೆಳೆಯ ವಿಘ್ನೇಶ್ ಶಿವನ್ ಜತೆಗೆ ನಯನತಾರಾ ದಾಂಪತ್ಯ ಜೀವನಕ್ಕೆ ಕಾಲಿರಿಸಲಿದ್ದಾರೆ ಎಂದು ವರದಿಯಾಗಿದೆ.

ಅಭಿಮಾನಿಗಳಿಂದ ಶುಭಾಶಯ

ಈ ಬಗ್ಗೆ ನಯನತಾರಾ ಅಥವಾ ವಿಘ್ನೇಶ್ ಶಿವನ್ ಅವರ ಕಡೆಯಿಂದ ಅಧಿಕೃತ ಹೇಳಿಕೆ ಬಾರದೆ ಇದ್ದರೂ, ಅವರಿಗೆ ಆಪ್ತರಾಗಿರುವ ಕೆಲವು ಮೂಲಗಳಿಂದ ಮಾಹಿತಿ ಹೊರಬಂದಿದೆ ಎನ್ನಲಾಗಿದೆ. ಈ ಸಂಗತಿ ಸಾಮಾಜಿಕ ಜಾಲತಾಣಗಳಲ್ಲಿ ಕಾಳ್ಗಿಚ್ಚಿನಂತೆ ಹರಿದಾಡುತ್ತಿದ್ದು, ಅಭಿಮಾನಿಗಳು ಈಗಾಗಲೇ ಇಬ್ಬರಿಗೂ ಶುಭಾಶಯಗಳನ್ನು ರವಾನಿಸುತ್ತಿದ್ದಾರೆ.

ಸಿನಿಮಾ ಸೆಟ್‌ನಲ್ಲಿ ಮೂಡಿದ ಪ್ರೀತಿ

'ನಾನುಮ್ ರೌಡಿ ಧಾನ್' ಚಿತ್ರದ ಮೂಲಕ ನಯನತಾರಾ ಕಮ್ ಬ್ಯಾಕ್ ಮಾಡಿದ್ದರು. ಈ ಚಿತ್ರ ಅವರ ವೈಯಕ್ತಿಕ ಜೀವನದ ದಿಕ್ಕನ್ನೂ ಬದಲಿಸಿತು. ಏಕೆಂದರೆ ಚಿತ್ರದ ನಿರ್ದೇಶಕ ವಿಘ್ನೇಶ್ ಮತ್ತು ನಯನತಾರಾ ಪ್ರೀತಿಯಲ್ಲಿ ಬೀಳಲು ಕಾರಣವಾಗಿದ್ದು ಇದೇ ಚಿತ್ರ.