'ಪೊನ್ನಿಯನ್ ಸೆಲ್ವನ್'ಗಾಗಿ ರಜನಿಕಾಂತ್, ಕಮಲ್ ಹಾಸನ್ ಸಮಾಗಮ!

ಚೋಳರ ಕಥೆ ಹೇಳೊ ಪೊನ್ನಿಯಿನ್ ಸೆಲ್ವನ್!

ಬಹುನಿರೀಕ್ಷಿತ ಮಣಿರತ್ನಂ ನಿರ್ದೇಶನದ ಸಿನಿಮಾ 'ಪೊನ್ನಿಯನ್ ಸೆಲ್ವನ್'. ಈ ಚಿತ್ರದ ಬಗ್ಗೆ ಸಾಕಷ್ಟು ನಿರೀಕ್ಷೆಗಳು ಹುಟ್ಟಿಕೊಂಡಿವೆ. ಈ ನಿರೀಕ್ಷೆ ಮತ್ತು ಕುತೂಹಲಗಳನ್ನು ಮತ್ತಷ್ಟು ಹೆಚ್ಚು ಮಾಡಿದೆ. ಈ ಹಿಂದೆ ರಿಲೀಸ್ ಆಗಿರುವ ಟೀಸರ್, ಸಿನಿಮಾದ ಬಗ್ಗೆ ಒಂದಷ್ಟು ಸುಳಿವು ಬಿಟ್ಟುಕೊಟ್ಟಿತು. ಪಾತ್ರ ವರ್ಗದ ಪರಿಚಯ ಟೀಸರ್‌ನಲ್ಲಿ ಆಗಿದೆ. ಇನ್ನು ಎಆರ್ ರೆಹಮಾನ್ ಸಂಗೀತ ಚಿತ್ರಕ್ಕಿದ್ದು ಆಡಿಯೋ ಮೇಲೆ ಸಾಕಷ್ಟು ನಿರೀಕ್ಷೆ ಮನೆ ಮಾಡಿದೆ.

ಚೆನ್ನೈನಲ್ಲಿ ಅದ್ಧೂರಿ ಆಡಿಯೋ ಲಂಚ್!

'ಪೊನ್ನಿಯನ್ ಸೆಲ್ವನ್' ಸಿನಿಮಾದ ಆಡಿಯೋ ಲಾಂಚ್‌ಗೆ ಸಕಲ ಸಿದ್ಧತೆ ನಡೆದಿದೆ. ದೊಡ್ಡದಾಗಿ ನಡೆಯುವ ಆಡಿಯೋ ಲಾಂಚ್‌ನಲ್ಲಿ ಸಿನಿಮಾರಂಗದ ಗಣ್ಯರು ಭಾಗಿಯಾಗಲಿದ್ದಾರೆ. ಚೆನ್ನೈನ ನೆಹರೂ ಒಳಾಂಗಣ ಸ್ಟೇಡಿಯಂನಲ್ಲಿ ಸೆಪ್ಟೆಂಬರ್ 6ರಂದು ಕಾರ್ಯಕ್ರಮ ನಡೆಯಲಿದೆ. ಮಣಿರತ್ನಂ ಮತ್ತು ಎ.ಆರ್. ರೆಹೆಮಾನ್ ಕಾಂಬಿನೇಷನ್ ಇರುವ ಕಾರಣಕ್ಕೆ ಚಿತ್ರದ ಆಡಿಯೋ ರಿಲೀಸ್ ಹೆಚ್ಚಿನ ಗಮನ ಸೆಳೆದಿದೆ.

ರಜನಿಕಾಂತ್, ಕಮಲ್ ಹಾಸನ್ ಅತಿಥಿ!

'ಪೊನ್ನಿಯನ್ ಸೆಲ್ವನ್' ಚಿತ್ರದ ಆಡಿಯೋ ರಿಲೀಸ್ ಕಾರ್ಯಕ್ರಮ ಅದ್ಧೂರಿಯಾಗಿ ನಡೆಯಲಿದ್ದು, ಈ ಕಾರ್ಯಕ್ರಮಕ್ಕೆ ನಟ ರಜನಿಕಾಂತ್ ಮತ್ತು ಕಮಲ್ ಹಾಸನ್ ಮುಖ್ಯ ಅತಿಥಿಗಳಾಗಿ ಬರಲಿದ್ದಾರೆ. ಈ ವಿಚಾರ ಸದ್ಯ ರಿವೀಲ್ ಆಗಿದ್ದು, ಈ ಇಬ್ಬರು ಸೂಪರ್ ಸ್ಟಾರ್‌ಗಳನ್ನು ಒಟ್ಟಿಗೆ ವೇದಿಕೆ ಮೇಲೆ ನೋಡಲು ಅಭಿಮಾನಿಗಳು ಕಾತರರಾಗಿದ್ದಾರೆ. ಲೈವ್ ಪ್ರದರ್ಶನದ ಮೂಲಕ ಹಾಡುಗಳನ್ನು ಪ್ರಸ್ತುತ ಪಡಿಸಲಾಗುತ್ತದೆ.

ಗಮನ ಸೆಳೆದಿದ್ದ ಟೀಸರ್!

'ಪೊನ್ನಿಯಿನ್ ಸೆಲ್ವನ್' ಟೀಸರನ್‌ನಲ್ಲಿ ಗತಕಾಲದ ವೈಭವವನ್ನು ನೋಡಬಹುದು. ಚೋಳರ ಸಾಮ್ರಾಜ್ಯದ ದರ್ಶನ ಮಾಡಿಸುತ್ತೆ. ಸಾಮ್ರಾಜ್ಯಕ್ಕಾಗಿ ನಡೆಯುವ ಹೋರಾಟ, ಯುದ್ಧ, ತೊಳಲಾಟ ಎಲ್ಲದರ ತುಣುಕುಗಳನ್ನು ತೋರಿಸಲಾಗಿದೆ. ಇನ್ನು ಒಂದು ಡೈಲಾಗ್ ಮಾತ್ರವೇ ಟೀಸರ್‌ನಲ್ಲಿ ಇದೆ. "ಮದ್ಯ, ಹಾಡು, ರಕ್ತ, ಸಮರ, ಎಲ್ಲಾದನ್ನೂ ಮರೆಯಲೆಂದೇ, ಅವಳನ್ನೂ ಮರೆಯಲೆಂದೆ, ನನ್ನನ್ನು ಮರೆಯಲೆಂದೆ.." ಎನ್ನುವ ಒಂದೇ ಒಂದು ಡೈಲಾಗ್ ಇದೆ. ಇನ್ನು ಒಂದು ಉಂಗುರ ಹಲವು ಕುತೂಹಲಗಳನ್ನು ಹುಟ್ಟು ಹಾಕಿದೆ.