ಹೇಗಿದ್ದ ದರ್ಶನ್ 'ಭೂಪತಿ' ಸಿನಿಮಾದ ನಾಯಕಿ ಈಗ ಹೇಗಾಗಿದ್ದಾರೆ ನೋಡಿ

ತೂಕ ಇಳಿಸಿ ಫೋಟೋ ಹಂಚಿಕೊಂಡ ನಟಿ

ನಟಿ ಶೆರಿನ್ ಅಂದು ಮತ್ತು ಈಗ ಹೇಗಾಗಿದ್ದಾರೆ ಎನ್ನುವ ಎರಡು ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. ಎರಡು ಫೋಟೋದಲ್ಲೂ ಒಂದೆ ಡ್ರೆಸ್ ಧರಿಸಿದ್ದಾರೆ. ಒಂದು ವರ್ಷದಲ್ಲಿ ಹೇಗೆ ಬದಲಾಗಿದ್ದಾರೆ ಎನ್ನುವುದನ್ನು ಹೇಳಿದ್ದಾರೆ. ಇತ್ತೀಚಿಗೆ ನೆಟ್ಟಿಗರಿಂದ ಬಾಡಿ ಶೇಮಿಂಗ್ ಗೆ ಒಳಗಾಗಿದ್ದ ನಟಿ ಅದನ್ನೆ ಚಾಲೆಂಜ್ ಆಗಿ ತೆಗೆದುಕೊಂಡು ತೂಕ ಇಳಿಸಿದ್ದಾರೆ.

ಇನ್ನೊಬ್ಬರ ನಗು ಮತ್ತು ಕಣ್ಣೀರಿಗೆ ನೀವು ಕಾರಣ ಆಗಿರುತ್ತೀರಿ

ನಟಿ ಶೆರಿನ್ ತೂಕ ಇಳಿಸಿರುವ ಫೋಟೋ ಹಂಚಿಕೊಂಡು ಸಂತೋಷ ವ್ಯಕ್ತಪಡಿಸಿದ್ದಾರೆ. ಜೊತೆಗೆ ಇನ್ನೊಬ್ಬರ ಕಣ್ಣೀರಿಗೆ ಮತ್ತು ನಗುವಿಗೆ ನೀವು ಕಾರಣವಾಗಿರುತ್ತೀರಿ ಬುದ್ದಿವಂತಿಕೆಯಿಂದ ಆರಿಸಿ ಎಂದು ಹೇಳಿದ್ದಾರೆ. " ಒಂದು ವರ್ಷ ಮತ್ತು 10 ಕೆ ಜಿ ನಂತರ. ಆಗ ನಾನು ನೋಡಿದ ರೀತಿಗೆ ಸಂತೋಷವಾಗಿದೆ. ತೂಕವನ್ನು ಇಳಿಸುವುದು ಸುಲಭ. ನೋಯಿಸುವ ಮತ್ತು ಹಾನಿಕಾರಕ ಮಾತುಗಳನ್ನು ಹಿಂದಿರುಗಿಸುವುದಲ್ಲ. ಇನ್ನೊಬ್ಬರ ನಗು ಅಥವಾ ಕಣ್ಣೀರಿನ ಹಿಂದಿನ ಕಾರಣ ನೀವು ಆಗಿರಬಹುದು. ಬುದ್ದಿವಂತಿಕೆಯಿಂದ ಆರಿಸಿ" ಎಂದು ಹೇಳಿದ್ದಾರೆ.

ಟ್ರೋಲ್ ಮಾಡಿದ ನೆಟ್ಟಿಗನಿಗೆ ಖಡಕ್ ಉತ್ತರ ನೀಡಿದ್ದರು

ಇತ್ತೀಚಿಗೆ ನಟಿ ಶೆರಿನ್ ಅನ್ನು ಆಂಟಿ ಎಂದು ಕರೆದ ನೆಟ್ಟಿಗನಿಗೆ ಸರಿಯಾದ ಉತ್ತರ ನೀಡಿದ್ದರು "ನಾವು ಹೇಗೆ ಕಾಣಿಸುತ್ತೇವೆ ಎನ್ನುವ ಆಧಾರದ ಮೇಲೆ ಬೇಗ ಜಡ್ಜ್ ಮಾಡುತ್ತಾರೆ. ನಾವು ನಿಜವಾಗಿ ಬಾಹ್ಯ ಜಗತ್ತಿನಲ್ಲಿ ವಾಸಿಸುತ್ತಿದ್ದೇವೆ. ಇದು ಸ್ವಯಂ ಪ್ರೀತಿ ಮತ್ತು ಸ್ವಯಂ ಸ್ವೀಕಾರದ ಪರಿಕಲ್ಪನೆಯೊಂದಿಗೆ ಬದುಕಲು ಕಲಿಸುತ್ತೆ. ಎಂದಿದ್ದರು. ಆ ನಂತರ ಆತ ಮತ್ತೆ ಕ್ಷಮೆಯಾಚಿಸಿದ್ದ.

ಕನ್ನಡದ ನಟಿ ಶೆರಿನ್

ಶೆರಿನ್ ಹುಟ್ಟಿ ಬೆಳೆದಿದ್ದು ಬೆಂಗಳೂರಿನಲ್ಲಿ. ಪೊಲೀಸ್ ಡಾಗ್ ಸಿನಿಮಾ ಮೂಲಕ ಬಣ್ಣದ ಲೋಕಕ್ಕೆ ಕಾಲಿಟ್ಟ ಶೆರಿನ್ ಸಾಕಷ್ಟು ಸಿನಿಮಾಗಳಲ್ಲಿ ಅಭಿನಯಿಸಿದ್ದಾರೆ. 34 ವರ್ಷದ ಈ ನಟಿ ಕನ್ನಡಗಿಂತ ಹೆಚ್ಚಾಗಿ ತಮಿಳು ಸಿನಿಮಾರಂಗದಲ್ಲಿ ಖ್ಯಾತಿಗಳಿಸಿದ್ದಾರೆ. ದರ್ಶನ್ ನಾಯಕನಾಗಿ ಮಿಂಚಿದ್ದ ಭೂಪತಿ ಸಿನಿಮಾ ಶೆರಿನ್ ಗೆ ದೊಡ್ಡ ಮಟ್ಟದ ಹೆಸರು ತಂದುಕೊಟ್ಟಿದೆ. ಧ್ರುವ, ಸಿಹಿಗಾಳಿ ಸೇರಿದ್ದಂತೆ ಕೆಲವು ಕನ್ನಡ ಸಿನಿಮಾಗಳಲ್ಲಿಯೂ ಶೆರಿನ್ ಅಭಿನಯಿಸಿದ್ದಾರೆ.

ಬಿಗ್ ಬಾಸ್ ನಲ್ಲಿ ಭಾಗಿಯಾಗಿದ್ದರು

ಶೆರಿನ್ ಕೊನೆಯದಾಗಿ ತಮಿಳು ಸಿನಿಮಾದಲ್ಲಿ ಕಾಣಿಸಿಕೊಂಡಿದ್ದರು. ಕನ್ನಡದಲ್ಲಿ ಕೊನೆಯದಾಗಿ 2012ರಲ್ಲಿ ಬಂದ ಎಕೆ 56 ಸಿನಿಮಾದಲ್ಲಿ ಮಿಂಚಿದ್ದಾರೆ. ಆ ಸಿನಿಮಾ ಬಳಿಕ ಮತ್ತೆ ಬಣ್ಣಹಚ್ಚಿಲ್ಲ. ಕಳೆದ ವರ್ಷ ತಮಿಳು ಬಿಗ್ ಬಾಸ್ -3 ನಲ್ಲಿ ಭಾಗಿಯಾಗಿದ್ದರು. ಮೂರನೆ ರನ್ನರ್ ಅಪ್ ಆಗಿ ಮನೆಯಿಂದ ಹೊರಬಂದಿದ್ದರು.