ಅಚ್ಚರಿ ಮೂಡಿಸಿದೆ ಸ್ಟಾರ್ ನಟನ ಬಾಡಿ ಬಿಲ್ಡಿಂಗ್: ಹೊಸ ಸಿನಿಮಾಗೆ ರೆಡಿ ಎಂದ ನಟ!

ತಮಿಳು ಆರ್ಯ ವರ್ಕೌಟ್ ವಿಡಿಯೋ

ತಮಿಳು ನಟ ಆರ್ಯ ತಮ್ಮ ವರ್ಕೌಟ್ ವಿಡಿಯೋವನ್ನು ಹಂಚಿಕೊಂಡಿದ್ದು, ಕಾಲಿವುಡ್ ಇಂಡಸ್ಟ್ರಿಯಲ್ಲಿ ಭಾರಿ ಸದ್ದು ಮಾಡ್ತಿದೆ. ಮೊದಲೇ ಫಿಟ್ ಆಗಿದ್ದ ಆರ್ಯ ಇದೀಗ, ಮತ್ತಷ್ಟು ಬಾಡಿ ಬಿಲ್ಡ್ ಮಾಡಿದ್ದಾರೆ. ಡಬ್ಲ್ಯೂ ಡಬ್ಲ್ಯೂ ಇ ಆಟಗಾರನಂತೆ ಸಜ್ಜಾಗಿರುವ ಆರ್ಯ 'ಮುಂದಿನ ಚಿತ್ರಕ್ಕೆ ನಾನು ರೆಡಿ' ಎಂದು ತಿಳಿಸಿದ್ದಾರೆ.

ಪಾ ರಂಜಿತ್ ಜೊತೆ ಹೊಸ ಸಿನಿಮಾ

ರಜನಿಕಾಂತ್ ಅಭಿನಯದ ಕಬಾಲಿ ಮತ್ತು ಕಾಲಾ ಚಿತ್ರಕ್ಕೆ ಆಕ್ಷನ್ ಕಟ್ ಹೇಳಿದ್ದ ಪಾ ರಂಜಿತ್ ಜೊತೆ ಆರ್ಯ ಹೊಸ ಸಿನಿಮಾ ಮಾಡುತ್ತಿದ್ದು, ಈ ಚಿತ್ರಕ್ಕಾಗಿ ಈ ತಯಾರಿ ಮಾಡಿದ್ದಾರೆ. ವಿಡಿಯೋ ಶೇರ್ ಮಾಡಿರುವ ಆರ್ಯ ''ಪಾ ರಂಜಿತ್ ಸರ್ ಐ ಯಾಮ್ ರೆಡಿ'' ಎಂದು ಕ್ಯಾಪ್ಷನ್ ಹಾಕಿ ತಮ್ಮ ಮುಂದಿನ ಪ್ರಾಜೆಕ್ಟ್ ಕುರಿತು ಕುತೂಹಲ ಹೆಚ್ಚಿಸಿದ್ದಾರೆ.

ಬಾಕ್ಸರ್ ಗಾಗಿ ಈ ತಯಾರಿ

ಪಾ ರಂಜಿತ್ ನಿರ್ದೇಶನ ಮಾಡಲಿರುವ ಹೊಸ ಚಿತ್ರದಲ್ಲಿ ಆರ್ಯ ಬಾಕ್ಸರ್ ಪಾತ್ರದಲ್ಲಿ ನಟಿಸುತ್ತಿದ್ದಾರಂತೆ. ಹಾಗಾಗಿಯೇ ಈ ಮಟ್ಟದ ತಯಾರಿ ನಡೆಸಿದ್ದಾರೆ. ಇದು ಆರ್ಯ ನಟನೆಯ 30ನೇ ಚಿತ್ರವಾಗಿದ್ದು, ಈ ಸಿನಿಮಾ ಸ್ವತಃ ಆರ್ಯ ಅವರಿಗೆ ಸಿಕ್ಕಾಪಟ್ಟೆ ಇಷ್ಟ ಆಗಿದೆಯಂತೆ.

ರೀಮೇಕ್ ಎಂದು ಹೇಳಲಾಗುತ್ತಿದೆ

ಅಂದ್ಹಾಗೆ, ಆರ್ಯ ಮತ್ತು ರಾ ರಂಜಿತ್ ಕಾಂಬಿನೇಷನ್ ನಲ್ಲಿ ಮೂಡಿ ಬರಲಿರುವ ಈ ಚಿತ್ರ ಹಿಂದಿಯ ರೀಮೇಕ್ ಎಂದು ಹೇಳಲಾಗುತ್ತಿದೆ. ಆದರೆ, ಅದು ಪಕ್ಕ ಆಗಿಲ್ಲ. 2017ರ ಸೂಪರ್ ಹಿಟ್ ಸಿನಿಮಾ ಮುಕ್ಕಾಬಾಜ್ ರೀಮೇಕ್ ಎನ್ನಲಾಗುತ್ತಿದೆ.